articles
stringlengths 138
64k
|
|---|
هامسەرۆکۆو دەسەو ڕاوەبەری کەجەکەی بەسێ هۆزاتە جە بەرنامێوە تایبەتی کەناڵو مەدیا خەبەرینە پرسە گەرم و رۆژەڤەکێش هۆرسەنگنۍ. هۆرسەنگنایەکۍ بەسێ هۆزاتۍ پی جۆرەنۍ:
"جە ئاکامو ئەرەکۆشایۍ گۆرەینە رابەر ئاپۆ چنی عومەر ئۆجالانی دیڎارش ئەنجامدا. بێگومان ئانە دیڎارێوە خێزانی بۍ. وەڵۍ ئانەینە، پێوەس بە ئاژەو تەندروسیی رابەر ئاپۆی بڕۍ زانیاریۍ پەی رای گرڎیی وەڵۍ کریێوە.
جە قۆناغەکا وەڵتەریچەنە بەردەوام ئانۍ بیێنۍ. جە ماوەو ٢٦ ساڵی ۋییەردەینە جە بارەو ئاژەو تەندروسی و سلامەتی رابەر ئاپۆیۆ سەرەتا دۆڵەت، حکومەتو جەنگی تایبەتی بڕۍ زانیاریۍ پا جۆرەیە وەڵا کەرێنێوە، جە ڕاو بڕۍ ئەنداما جەنگی تایبەتی ۋێشاوە، دلۍ گەلوو کوردینە تەرسی و نیگەرانی فرە ساز کەرێنۍ، دماتەریچ بڕۍ دیڎارۍ پەی چن جارۍ یاخود دیڎارێوە پەی یەکجاری ئەنجام دریێ. دلۍ رای گرڎینە ئەنەیاوایۍ پا جۆرە ساز مکەرا، کە گوایە گۆشەگیری هۆرگیریان. پا جۆرە هەوڵ مڎا مڎرامان لاواز بکەرا و کاریگەرییەکاش کەم بکەراوە.
دلۍ رای گرڎییی دیموکراتیکی، رای گرڎیی تورکیای، ناوچەکەی و جەهانینە پېسە ئانەی گۆشەگیری هۆرگیریان ئەنەیاوایۍ ساز مکەرا. دماتەریچ جەنگی تایبەت بە شێوۍ دژوار، پېسە وەڵتەری درێژە پنەمڎا.
ئیساتێچ ئێمە ئینایمۍ هەمان قۆناغەنە. هەڵمەتەی مېیاننەتەوەیی ئازادی کە پەی ئازادیی رابەر ئاپۆی دەسشپنەکەرڎەن، ئاستێوە فرە گرنگ و کاریگەرش خوڵقنا. سەرانسەرو جەهانیوە پەی ئازادیی جەسەیی رابەر ئاپۆی مڎرامانی قەوەت، ئاستو خاەنداریش وەشکەرد. سەرو ئاستی ئەکادیمی تا فرەو رێکوزیا مەدەنی و رێکوزیا پەیوەندیدارەکا چڼین لایەنۍ سیستەمو ئەشکەنجەی و گۆشەگیریشا جە ئیمراڵینە وست ۋەرو باسی. ناڕەزایی ۋێشا جە ۋەرا ۋەرو ئانەینە نیشانەدا. مڎرامانی کۆمەڵایەتی جە گرڎ یاگێنە پەرەش سانا. هەر پۊکەی چنی ئانەی هەڵمەتۆو ئازادیی مېیاننەتەوەیی یاوا ئا ئاستە، جە لاو ۋێشۆ دۆڵەتو تورکیچ ئی گەمەشە ئارڎ ۋەرو باسی. چونکی تەنگش پنەهۆرچنیابۍ، فرە کۆتەبۍ چێرو فشاری. جە هەمان کاتەنە ئا ڕووەدایۍ کە جە هەرێمەکەنە ڕووە مڎا دۆڵەتو تورکیایشا تەنگەتاو کەردەن. جە سیاسەتو دلێینەی، سیاسەتو جبەرینە بە بنبەس یاوای هەن. کاتێ کە ئینیشا گرڎ جەمۍ کەرمۍ، موینمۍ جە ئاژێوە چامنەنە دیڎارەکە ئەنجام دریا.
هەر ئاژێوە پەنهان جە ئیمراڵینە ئاسایی نییا
بێگومان ئانە بە هیچ جۆرێ بە ماناو ئانەی نمۍ کە گۆشەگیری هۆرگیریان. واتە دۆڵەتو تورکی هەوڵ مڎۆ پاسە نیشانەش بڎۆ کە گۆشەگیری تەمام بیەن. ئانە هیچ فڕێوەش بە حەقەتینیۆ نییا. ئا ئاژە هەر ۋێش جەنگێوە تایبەتا.
دۆڵەتو تورکی پرۆپاگەنڎە و زانیاری جەنگی تایبەتی جە بارەو سڵامەتی و تەندروسی رابەر ئاپۆیۆ بە چ ئامانجێوە وەڵا مکەرۆوە با بکەرۆش، دماجار بە شێوێوە خراپ سەرو دۆڵەتو تورکیرە مەڕیۆوە. گەرەکما بە تایبەتی ئانەی وزوڕووە.
رابەر ئاپۆ جە ساڵانی ۋییەرڎەنە بەردەوام واچۍ. گرڎ ئاژێوە پەنهان و شاراوە ئیمڕاڵینە بە هیچ جۆرێ جە لایەنو ئی جمېیەرەیە، جە لایەنو ئی گەلەیۆ، گلێرگەی دیموکراتیکیوە بە ئاسایی نمەنریۆرە. ئیمراڵینە هیج چێوۍ بە شێوێوە ئاسایی ڕووە نمەڎۆ. گرڎ چێوۍ ئیمراڵینە پېسە دەرەنجامو سیاسەتو قڕکەردەی ڕووە مڎۆ. هەرپۆکەی ئەگەر زەرەر بە تاڵە موێوە رابەر ئاپۆی بیاوۆ، ئی گەلە جەهانی سەرو دۆڵەتو تورکیرە وڕنانە. تورکیا بیەیش نمەمەنۆ، دۆڵەتو تورکی بیەیش نمەمەنۆ. تورکیا بۆ بە جەحەنەمۍ گۆرە. ئینە پەی تورکیای بە ماناو جەنگێوە دلێینەی بێکۆتایی مۍ. دماییەکەش وڕای دۆڵەتو تورکی و دلێنەشیەی کۆمارو تورکیای بۆنە.
ۋەرو ئانەی رابەر ئاپۆ کۆڵەکۍ و بناغەو هامپەیمانی، یۆبیەی و پێوەرە ژیۋای گەلوو کوردی و گەلوو تورکی مسۆگەر مکەرۆ. مسۆگەری و گرەنتی ئانەنە. رابەر ئاپۆ بە ماناو گەلوو کوردین. رابەر ئاپۆ بە ماناو یۆبیەی هامپەیمانی کورد-تورکین. رابەر ئاپۆ بە ماناو دیموکراتیکبیەو تورکیایا. بە ماناو ئازادیی گەلا تورکیاین. هەرپۊکەی هەر کردەوە و مامەڵێوە کە هەڕەشۍ جە تەندروسی رابەر ئاپۆی و سڵامەتی رابەر ئاپۆی بکەرۆ، ئانە دمایی بە تورکیای مارۆ. مشۆم ئانەی عال بزانا.
بە ئەنجامدای دیڎارێوە هەوڵ مڎا بڕۍ ئەنەیاوای کە خزمەت بە جەنگی تایبەتی مکەرا دلۍ گلێرگەینە وەش بکەرا. هەوڵ مڎا گلێرگەی سست و بێکاریگەر بکەرا و جە جوڵەیش وزا. هەوڵ مڎا ئەرەکۆشای ئازادی، هەڵمەتەو ئازادیی جەسەیی رابەر ئاپۆی لاواز بکەرا. دماتەریچ سیستەمو گۆشەگیری و ئەشکەنجەی بە شێوێوە دژوار درێژە پنە بڎا. سەرو گەلوو کوردی هرووژمو قڕکەردەی بەردەواما. کۆنسێپتو قڕکەردەی ملۆڕاوە. ئانەی چی قۆناغێنە ڕووە مڎۆ ئانەنە.
ئیدامەش هەن......
|
ئەڎایا ئاشتیی بەشداریشا جە تەعزیەو گەشمەرڎە شۆڕش قەڵاتینە کەرد
ئەڎایا ئاشتیی موکریانی بەشداریشا جە پرسەو گەشمەرڎە شۆڕش قەڵاتی ئەندامو مەجلیسی پەژاکینە کەرڎ، کە جە دەگاو سیسێری سەردەشتینە تەعزیەش پەی نریێنەرە.
ئەڎایا ئاشتیی موکریانی بەشداریشا جە پرسەو گەشمەرڎە شۆڕش قەڵاتی ئەندامو مەجلیسی پەژاکینە کەرڎ، کە جە دەگاو سیسێری سەردەشتینە تەعزیەش پەی نریێنەرە.
جە دەگاو سیسێری سەر بە شارو سەردەشتوو ۋەرکۆتوو کوردەسانی جە یانەو ئەڎاو گەشمەرڎە شۆڕش قەڵاتی (مەولان رۆستەمی) تەعزیە نریێنەرە و ئەڎایا ئاشتیی موکریانی پەی بەرزڕاگێرتەی یاڎو گەشمەرڎە شۆڕشی بەشداریشا جە مەراسیمەکەینە کەرڎ.
رۆو یەکشەممەی پارتو ژیۋای ئازادی کوردەسانی ئەرەیاۋنابێش، "٧و خەزەڵوەرینە سەرو جاڎەو مەهاباد- پیرانشاری جە لایەنو هێزەکاو ئیتلاعاتی، سوپاو پاسدارا و بەکرێگیریایا ناوچەکەیۆ، بەشێوێوە نامەردانە ئەندامو مەجلیسی پەژاکی شۆڕش قەڵات گەشمەرڎە کریان.
جە ئەرەیاۋناکەو پەژاکینە ئامابۍ کە گەشمەرڎە شۆڕش قەڵات جە چوارچێوەو هەرمانەو ڕێکوستەیی و چالاکییە سیاسییەکاشەنە بەردەوام جە دلێینەو وڵاتی و دلۍ گەلەکەیشەنە بۍ.
|
هەزاران کەسۍ ئێلحەنە ڕاپیمایشا کەرڎ: بې سەرۆکی ژیۋای نمەبۊ!
ئێلحەنە هەزاران کەسې دژو دەسسەرەرەگېرتەی ڕاپیمایشا کەرد، جوانێ بە تەوەنی جواب و هجومەکا پۆلیسیشا داوە، هاوارشا پەی ئازادی ڕابەر ئاپۆی کەرد.
ئێلحەنە هەزاران کەسې دژو دەسسەرەرەگېرتەی ڕاپیمایشا کەرد، جوانێ بە تەوەنی جواب و هجومەکا پۆلیسیشا داوە، هاوارشا پەی ئازادی ڕابەر ئاپۆی کەرد.
ئێلحەنە هەزاران کەسێ دژو نیایرەو قەیومی ڕاپیمایشا کەرد. جەماوەر چوارڕاو باسینە گلێرۍ بیێوە، هامسەرۆک و نوێنەرا کۆنگرەو دیموکراتیکی گەلا (هەدەکە)ی، پارتو سۆسیالیسو چێردەسا، پارتی شۆڕشگێڵن، پارتو هەرێمە دیموکراتیکەکا، پارتو ڕزگاریی سۆسیالیستی، پلاتفۆرمو پەشتیوانی سۆسیالیستی، یانەکا گەلی، پارتو کۆمۆنیسو کوردەسانی (کەکەپە)، پارتو ئینسانی و ئازادی، فیدراسیۆنو عەلەوییەکا بێکتاشی، جەمەو کلتووری پیر سوڵتان عەبدالی، کۆنفیدراسیۆنو سەندیکاکا کرێکارا جەماوەری (کەسک)ی و سەندیکاکا سەر بە کۆنفیدراسیۆنەکەی. پارتو کرێکارا تورکیای (تیپ)، پارتو جمېیەرو کرێکارا (ئیهەپە)، پلاتفۆرمو ئازادی کۆمەڵایەتی، فیدراسیۆنو مەجلیسو سۆسیالیستیییەکا، پارتو ڕەنجی (ئەمەپە و هەدەپە) بەشداریشا کەرڎ.
جەماوەر بەرەو ڕێکوزتەو دەم پارتی ئێلحی دەسشا بە ڕاپیمای کەرد، درووشمەکۍ "بژیۋۆ سەرۆک ئاپۆ" و "بێ سەرۆکی ژیۋای نمەبۆ" و "ژەنی، ژیوای، ئازادی"شا بەرزۍ کەردۍ.
پۆلیس بە گازی هەڵسمچ و ئاوی تیژە هجومشا کەرد، جوانێچ جە ۋەرا ۋەرەنە مدرامانشا کەرد.
|
ئێلحەنە پۆلیس هجومش کەرد، گەلیچ مڎرامان مکەرۊ
وەردەمو شارەوانی ئێلحینە گەل دژو هجومو پۆلیسی مڎرامان مکەرۊ. هجومەکەنە چنین کەسې باڵبەسۍ کریۍ کە دوېشا ڕۊنامەنوویسێ بېنې.
وەردەمو شارەوانی ئێلحینە گەل دژو هجومو پۆلیسی مڎرامان مکەرۊ. هجومەکەنە چنین کەسې باڵبەسۍ کریۍ کە دوېشا ڕۊنامەنوویسێ بېنې.
پۆلیس وەردەمو شارەوانی ئێلحینە هجومش کەرد سەرو ئا جەماوەرەیە کە بەمەبەسو شەرمەزارکەردەی قەیومی گلێرێبیێوە. پۆلیس سەرەتا بە گازی هەڵسمچ و ئاوی تیژە هجومشا کەرد سەرو جەماوەری و پا مەڵامەتۆ ڕوو بەڕوبییەیۆ ڕووەشدا. جەماوەر چڼین یاگێنە وەربەسشا نیارە و دژو پۆلیسی مدرامانشا کەرد، ڕووەدایەکۍ جە جاڎەوشارەکەینە تەشەنەشا ئەسا.
پەیامکیانەو ژن نیوزی پەلشین چەتین کایا کە کاتو هجومەکەو پۆلیسینە هەواڵەکا فاڕێوە، دریاش ۋنە و باڵبەسە کریا. پۆلیس کاتو باڵبەسکەردەیشەنە، چەتین کایایەش سەرو زەمینیرە کیشنا. هامکات کارمەندو ڕۆنامەو یەنی یاشام وەیسی ئاکورەنی باڵبەس کریا.
|
داواکاری تازە پەی دیڎاری چنی رابەروو گەلوو کوردی وزیا ڕووە
پارێزنەراو نویسینگەو یاسایی سەڎەی بەمەبەسوو دیڎاری چنی رابەروو گەلوو کوردی عەبدوڵا ئۆجالانی و زیڼانیا تەرو ئیمڕاڵی، جارێوەتەر داواکاریشا وست ڕووە.
پارێزنەراو نویسینگەو یاسایی سەڎەی بەمەبەسوو دیڎاری چنی رابەروو گەلوو کوردی عەبدوڵا ئۆجالانی و زیڼانیا تەرو ئیمڕاڵی، جارێوەتەر داواکاریشا وست ڕووە.
بەمەبەسوو دیڎاری چنی رابەروو گەلوو کوردی عەبدوڵا ئۆجالانی کە ئینا چێرو گۊشەگیری سەختوو ئیمڕاڵینە و چەمپنەکۊتەی زیڼانیا تەرو ئیمڕاڵی، پارێزنەراو نویسینگەو یاسایی سەڎەی سەردای داواکاروو گرڎیینوو کۆماریشا جە بورسا و ڕاوەبەرایەتی زینڎانوو ئیمراڵی کەرد.
پارێزنەراو نویسینگەو یاسایی سەڎەی رەزان ساریجا، رازیە ئۆزتورکە، فایەق ئۆزگور ئەرۆڵ و مەزڵوم دینچی پۍ ئانەی بتاوا موەکیلەکاشا عەبدوڵا ئۆجالان، عومەر خەیری کۆنار، حامیلی یەڵدرمی و وەیسی ئاکتاشی بوینا، داواکاریشا وست ڕووە.
|
خەلفەتینە مڎارامانوو گەلی بەردەواما
ناوچەو خەلفەتینە مڎرامانوو گەلی جە دژو دەسسەرەرەگێرتەی و زەوتکەردەی شارەوانی جە دووەم رۆشەنە بەردەواما.
ناوچەو خەلفەتینە مڎرامانوو گەلی جە دژو دەسسەرەرەگێرتەی و زەوتکەردەی شارەوانی جە دووەم رۆشەنە بەردەواما.
ناوچەو خەلفەتی رحاینە گەل جە دژو نیایرەو قەیومی جە دووەم رۆشەنە ۋێڕاگری مکەرا و ناڕەزایی بەربڕا. گەل سەرسەعبەنە ۋەردەمو بیناو شارەوانینە کوۍ بیێوە. هاموڵاتیۍ هۆرپڕایشا کەرڎ. ئەڎایا ئاشتیچ جە مڎرامانی دژو قەیومی بەشدارێنۍ. دروشمەو "بژۋۆ مڎرامانوو خەلفەتی" بەردەوام وچیۆوە. بیناو شارەوانی جە لایەنو پۆلیسەکاوە تەوقە دریان.
پەرلەمانتاراو دەم پارتی عومەر ئۆجالان، زولکوف ئوچار، ئایتەن کۆردو، فەرید شەنیاشار، میدحەت سینجار و دیلان کونت ئایان، هامسەرۆکاو شارەوانی خەلفەتی سانیە بایرامە و محەمەد قەرەیلان و هامسەرۆکاو شارەوانیەکا تەرو رحایچ بەشدارۍ چالاکییەکەی بێنۍ.
جە چالاکییەکەنە قسۍ کریۍ و لاو وێشۆ میتحەت سانجار پەرلەمانتارو بازنەو رحاو دەم پارتی کاروەدایش ۋەرا ۋەر بە نیایرەو قەیومی نیشانەدا و واتش، "نیایرەو قەیومی بەردەواما. قەیوم بە ماناو زەوتکەردەی ئیراڎەو گەلی مۍ. رێبازو بەکارئاوردەی قەیومی پاشێلکەردەی مافی یاساییا. یاسا پاشێلە مکریۆ. بە نیایرەو قەیومی ناچارەسەری پرسو کوردی زیاتەر قووڵ مکەراوە. ئینە مایۍ قبوڵکەردەی نییا. ئێمە موینمۍ کە چارەسەرنەکەردەی پرسو کوردی چێشا. مردایۆ جە دژو نیایرەو قەیومی داواکارییا پەی چارەسەرکەردەی پرسو کوردی. دەم پارتی پەی گرڎی داواو چارەسەریی دیموکراتیکی مکەرۆ. ئێمە پەی دیموکراسی و ئاشتی ئەرەکۆشمۍ. ئاشتی مەڵامەتوو بیەو ئێمەن. گەلوو کوردی جە ۋەرا ۋەرو قەیومینە چۆک نمەڎۆرە و حەجگیزیچ نمەلۆ چێرو بارو سەپنای قەیومی. ئیتر وەسێن ۋۍ خەڵەتنای، گەلوو کوردی سەرەمەنامنۆرە. مشۆم بە شێوێوە هامبەش ئەرەکۆشای جە دژو قەیومی ڕاوەبەر بکەرمۍ".
دماو تەمابیەو قسەکا دروشمۍ وچیێوە و مڎرامانوو گەلی ۋەردەمو شارەوانینە بەردەواما.
|
هەبەدەهە: مشۆم بەچالاکی شۆڕشگێڵنی دژو فاشیزمی مردمێوە
هەبەدەهە جە ئەرەیاۋناکەو دژ بە دەسسەرەرەگێرتەی شارەوانییەکانە واتش، "ئا زۋانەی کە فاشیزم چنەش مېیاوۆنە، چالاکی شۆڕشگێڵنیا."
هەبەدەهە جە ئەرەیاۋناکەو دژ بە دەسسەرەرەگێرتەی شارەوانییەکانە واتش، "ئا زۋانەی کە فاشیزم چنەش مېیاوۆنە، چالاکی شۆڕشگێڵنیا."
کۆمیتەو ڕاوەبەری تەڤگەری شۆڕشگێڵنی یۆگێرتەو گەلا (هەبەدەهە)ی جە دژو دەسسەرەرەگێرتەی شارەوانییەکا دەم پارتی ئەرەیاۋنێوە نویسیاش وەڵا کەرڎۆ پەیامو 'فاشیزم تەنیا جە زۋانو چالاکی شۆڕشگێڵنی میاوۆنە'یش دا.
'ئەرکی سەرەکی ئەرەکۆشایۍ شۆڕشی یۆگێرتەن'
جە سەرەتاو ئەرەیاۋناکەینە ئاماژە بە دووڕوویی سیاسەتەکاو دەسەڵاتداری ئاکەپە-مەهەپەی فاشیستی کریان و ئامان: "جە لێوە چێرو نامۍ پرۆسێوە بەنام 'ئاشتی و چارەسەری' درێژە بە سیاسەتەکا جەنگی تایبەتی مڎا و جە لێوەتەرۆ بە سەپنای قەیومی دەسسەرو ئیراڎەو گەلیرە گێرۆنە." ئاماژەیچش پانەی دا هەرکاتێ دەسەڵاتداری فاشیست دژو مڎرامانو گەریلای و هێزە شۆڕشگێڵنەکا ڕووبەڕوو شکسی بۆوە ئا کاتە ڕاو دەسسەرەرەگێرتەی مافی و ئۆپراسیۆنی قڕکاری گێرۆنە ۋەر و ماچۆ: "جە دژو سیاسەتو سەپنای قەیومی بەڕێکوستەکەردەی سیاسەتو شۆرشگێڵنی و بەرزکەردەیۆ ئەرەکۆشای شۆرشی یۆگێرتەی، ئەرکی سەرەکی ڕۆو بەزرکەردەیۆ شۆڕشی یۆگێرتەیا."
جە بەردەوامینە ئاماژە پانەی کریان کە دەسەڵاتداری فاشیستو ئاکەپەی بە واتەی' بەردەوامۍ بیمۍ چی هەرمانا' بەروزو ئانەین کە سیاسەتی کۆلۆنیالیزم، گۆشەگیری و تاونایۆ بەردەواما و ماچۆ: "جە چوارچێوەو پلانەو هۆرشێونایۆینە. بە واردەیی مافو چینو کرێکارا، بە بەکارئاوردەی چەکی کیمیاوی جە دژو گەریلاکا ئازادی کوردەسانی، هرووژم سەرو ۋەرنیشتی، سەپنای قەیومی و ئەنجامدای گۆشەگیری بەرهەمو سیاسەتو جەنگەکەی جە لایەنو فاشیزمیوە ڕاوەبەر مکریۆ."
'فاشیزم تەنیا جە زۋانو چالاکی مېیاوۆنە'
جە دما دمایی ئەرەیاۋناکەینە پەیامو حەقکەردەیۆ جە فاشیزمی دریان و ماچۆ: "ڕۆو بەرزکەردەیۆ ئەرەکۆشای شۆڕشی یۆگێرتەین جە دژو نەریتو جەنگی. مشۆم ڕیزو ئیرادەو گەلا کوردەسانینە مردمۍ و حەقە جە فاشیزمی بکەرمێوە. تەنیا زۋانێوە کە فاشیزم چنەش میاوۆنە، زۋانو چالاکی شۆڕشگێڵنیا. مشۆم سەرو ئی بنەمایۍ جمێوە و حەقە جە فاشیزمی بکەرمێوە.'
|
هەشتەمین فێستیڤاڵی مېیاننەتەوەیی شانۆو جاڎەو کەرکوکی دمایش ئاما
دماو یەرێ ڕوا جەبەردەوام بیەیش، فێستیڤاڵی میاننەتەوەی شانۆو سەروجاڎەو کەرکوکی بە بەردەیۆ گروپێوە شانۆیی شارو ئیلامو وەرکەوتوو کوردەسانی دمایش ئاما.
دماو یەرێ ڕوا جەبەردەوام بیەیش، فێستیڤاڵی میاننەتەوەی شانۆو سەروجاڎەو کەرکوکی بە بەردەیۆ گروپێوە شانۆیی شارو ئیلامو وەرکەوتوو کوردەسانی دمایش ئاما.
دماو یەری ڕوا جە پێشکەش کەردەی زنجیرێوە شانۆیۍ سەرو جاڎەی جە زانیشتگە و یاگە گردییەکا شارو کەرکوک و پانیشتوو کوردەسانی، بە ئامادەبیەی ٢٥٠ مێمانا جە ١٤ ووڵاتا جیاوازینە، شەوەی ویەردۍ هۆڵو شاهانەی بۆلیڤاردینە، هەشتەمین فێستیڤاڵو میاننەتەوەی شانۆی سەروجاڎەو کەرکوکی چێرو نامونیشانو (پێوەرە ژیوای) دمایش بە چالاکییەکاش ئارڎ.
دماتەر مەڕاسیمو خەڵات بەخشای دەسش پنەکەرد و جە دمادمایی فێستیڤاڵەکەینە جەلایەنو لوجنێوە دادوەری خاستەرین شانۆکارەکێ هورچنیێ و سەوقاتیشا پنە دریا.
یاگێ باسیا، خەڵاتو خاستەرین بەرهەمو فێستیڤاڵەکەی پێشکەش بە شانۆو "کەرگەو هامساکەیما قازە نیەنە" کریا، کە شارو ئیلامو وەرکەوتو کوردەسانیوە بەشداریشا کەردەبێ.
شانۆکارا فێستیڤاڵەکەی فرە وەلێکەوتۍ و ئەکادیمیۍ بێنێ
گوڵستان تاهیرە ژەنە ئەکتەرێوە شانۆییەو خەڵکو وەرنیشتوو کوردەسانینە کە نامێ هونەرییەش "سۆباری"یەنە، گوڵستانە جە ئیسەنە ووڵاتو ئەڵمانیاینە مژیۋۆ، پێسەو ئاکتەرێوە شانۆکارۍ بەشداریش جە هەشتەمین فێستیڤاڵی میاننەتەوەی شانۆو سەروجاڎەو کەرکوکینە کەردەن و سەبارەڎ بە فێستیڤاڵەکەی پەی ئاژانسو هەواڵو فوڕاتی (ANF)ی واتش: "ماوەو یەرێ ڕوا ویەردەینە فرە ئیسفاڎەم چی فێستیڤاڵەینە کەرڎەن و بەشدارەو وۆرک شۆپی بێنا و ئەکتەرێ فرە بەتوانێم ئشناسێ، ئی فێستیڤاڵە فرە دڵگیرا و چێوی تازە بۍ پەی من پۆکەی یاگێ وەشحاڵی بێ کە بەشدارەو ئی فێستیڤاڵەیە بێنا، بەڕاسی ئەکتەرێ بەشدارۍ شانۆیۍ فێستیڤاڵەکەی فرە وەلکەوتێ و ئەکادیمیۍ بینێ ئینەیچ یاگێ وەشحالیا".
واتیچش: "من ئەکتەرێوە وەرکەوتوو کوردەسانینا و ئەڵمانیاوە ئامێنا پەی کوردەسانی تا بەشداری چی فیستیڤاڵەینە بکەرو، هیواو سەرکۆتەی پەی فێستیڤاڵی میاننەتەوەی شانۆی سەروجاڎەو کەرکوکی موازونە، هومێڎەوارەنا ساڵۆو ئاینڎەینە پێسەو ئەکتەرێوە بەوە شانۆ پێشکەش پی فێستیڤاڵەیە بکەرو تا بتاوو ملەملانۍ چنی ئی ئەکتەرە بەتوانایا و ئەکادیمیا بکەرو، ئێمەیچ نمایشێوەما جە جۆرو نمایشی بێ دەنگی پێشکەش کەرڎ کە باس جە ئاژەو کوردەسانی مکەرێ کە جەنگ و زەحمەتی بۍ بەڵام دماتەر یۆگێرتەی و یەکڕیزی وەش بی، هەرپێسەو ئی ئاژەیە کە ئیسە کەرکوکەنە گوزەرمکەرۆ".
|
مېیانو ئەرەیاۋنای و چاپەمەنی هەپەگەی جە ئەرەیاۋناکەیشەنە دەربارەو ئا گەریلایا جە هەرێمەکاو پارێزنای مەدیاینە گەشمەرڎۍ بیۍ ئینەش وست ڕووە:
"٥و تشرینی دووەمو ٢٠١٩ جە دژو هرووژمەکا دژمنی سەرو هەرێمەکاو پارێزنای مەدیای هەمڕێما دەمهات، سەما، نالینە، عەلیشێر و سەرهەڵدان گەشمەرڎۍ بیۍ. جە ساڵوەگەڕو گەشمەرڎەبیەیشانە بەڕێز و پنەزانایۆ یاڎو هەمڕا گەشمەرڎەکاما مکەرمێوە و قەولما واوەی مکەرمێوە کە یاڎکەردەیۆیشا بکەرمۍ بە مەڵامەتو بەرزکەردەیۆ ئەرەکۆشایما.
هەمڕێما دەمهات، سەما، نالینە، عەلیشێر و سەرهەڵدان پەی ئانەی ئەرەکۆشای ئازادی گەلەکەیما قەوەتتەر بۆ، جە هەرێمە جیاوازەکا سەرنیشتوو کوردەسانیوە بەشدارۍ دلۍ ڕێزەکاو گەریلای بیۍ و پەی ئانەی جە هەر ساتێوە ژیۋای گەریلاینە ئی مەرامە پیرۆزەیشا جابەجێ بکەرا، جە ئەرەکۆشای بەردەوامەنە بێنۍ. هەمڕاکێما بەقیمەتتەرین رۆڵۍ ئی گەلەیمانۍ. هەمڕاکێما پەی ۋییەرنای ئەرکەکاشا، بە بێ ئانەی واچا هامنا یاخوڎ زمسانا، شەوەنە یاخوڎ رۆن، بە پاگیری فرۆ ئەرەکۆشۍ. پېسە جەنگاوەرا راس و دروسو پاڕادایمی 'دیموکراتیکی، ئیکۆلۆژیکی و ئازادیوازی ژەنا'_و رابەرایەتی ئامانجشا بنیاڎنیای گلێرگەی ئازاد و کوردەسانی بۍ و ئانەی بە سەرەکیتەرین ئەرکو ۋێشا زانێنۍ. هەمڕاکێما جە روو ئایدۆلۆژیا و سەروازییوە یاوۍ بە ئاستی پسپۆری و ئەرکەکۍ سەردەمو ۋێشا بێ کەموکوڕی جابەجۍ کەرڎۍ.
هەمڕێما دەمهات، سەما، نالینە، عەلیشێر و سەرهەڵدان جە کەسایەتی ۋێشانە نوێنەرایەتی سادەیی، راسی و دروسی، گیانبازی و خاکەڕایی کەرێنۍ، کە ئانۍ تایبەتمەندیۍ هامبەشۍ گەریلاکاو ئازادیی کوردەسانینۍ. هەمڕێکێما بە مڎرامانی ئەفسانەیی دژو دژمنی، یاگۍ ۋێشا جە تاریخو ئەرەکۆشایمانە کەرڎۆ.
پېسە هەمڕایاشا سەرەوەشی جە بنەیانەی قارەمانو هەمڕایاما دەمهات، سەما، نالینۍ، عەلیشێر سەرهەڵدانی و گرڎو گەلی وڵاتپارێزنو کوردەسانی مکەرمۍ و قەول واوەی مکەرمێوە کە یاڎو گەشمەرڎە قارەمانەکاما جە کوردەسانی ئازاڎەنە بە زیڼەیی ڕاگێرمۍ.
زانیاری جە بارەو ئشناسنامەو هەمڕا گەشمەرڎەکاما پی جۆرەنە:
ناسنامۍ /دەمهات گەڤەر
نامۍ و دما نامۍ / هاکان فیرات
شۆنەماو جە ئەڎابیەی / گەڤەر
نامۍ ئەڎۍ و نامۍ تاتەی / فاتمە- فارس
شۆنەماو کاتو گەشمەرڎەبیەی / ٥و تشرینی دووەمو ٢٠١٩/ هەرێمەکاو پارێزنای مەدیای
*****
ناسنامۍ /سەما دێرسیم
نامۍ و دما نامۍ /دێرسیم تەمیز
شۆنەماو جە ئەڎابیەی /ئامەد
نامۍ ئەڎۍ و نامۍ تاتەی / خەزال- حەسەن
شۆنەماو کاتو گەشمەرڎەبیەی /٥و تشرینی دووەمو ٢٠١٩/ هەرێمەکاو پارێزنای مەدیای
*****
ناسنامۍ /نالین دڵگەش چیا
نامۍ و دما نامۍ /ئایشە داغدەڵەن
شۆنەماو جە ئەڎابیەی /مێردین
نامۍ ئەڎۍ و نامۍ تاتەی / شەمسی- سادق
شۆنەماو کاتو گەشمەرڎەبیەی /٥و تشرینی دووەمو ٢٠١٩/ هەرێمەکاو پارێزنای مەدیای
*****
ناسنامۍ / عەلیشێر کوفران
نامۍ و دما نامۍ /عەلی ئاموشتەکین
شۆنەماو جە ئەڎابیەی /سێرت
نامۍ ئەڎۍ و نامۍ تاتەی / جەمیلە- محەمەد
شۆنەماو کاتو گەشمەرڎەبیەی /٥و تشرینی دووەمو ٢٠١٩/ هەرێمەکاو پارێزنای مەدیای
*****
ناسنامۍ /سەرهەڵدان دێرسیم
نامۍ و دما نامۍ /ئەحمەد ڤارساک
شۆنەماو جە ئەڎابیەی /ئامەد
نامۍ ئەڎۍ و نامۍ تاتەی / نازیمە - شوکرو
شۆنەماو کاتو گەشمەرڎەبیەی /٥و تشرینی دووەمو ٢٠١٩/ هەرێمەکاو پارێزنای مەدیای
|
دۆڵەتو تورکی قڕکەر و فاشیستی جە هجوم و ئەرەگیری پەی سەرو پانیشتوو کوردەسانی و وەرنیشتو کوردەسانی بەردەواما و دەسەڵاتدارا پانیشتوو کوردەسانی و دۆڵەتو عێراقیچ بێدەنگێنێ و تائاستێوە هامکارێ ئا هجومە ئەرەگیریانێ. سەربارو بەردەوام ببیەی ئا هجومە ئەرەگیریا، بەڵام وەرپەرسا دۆڵەتو تورکی بانگەشەو پەنەوازی ئاشتی و چارەسەری مکەرا. چی بارۆ نویسەر عادل عوسمان پەی ئاژانسوو هەواڵوو فوراتی (ANF)ی قسێش کەرڎۍ.
سەرەتاو قسەکاشەنە عادل عوسمان باسش چانەیە کەرد جەنگێوە تاریخی چنی دۆڵەتو تورکی کوردەسانەنە ملۆ ڕاوە و واتش: "دۆڵەتو تورکی ئیسە هجومەکێش چڕ کەردێنێ پەی سەرو پانیشتوو کوردەسانی و هەرێمەکا پارێزنای مەدیای گەرەکشا ئەنجامێوە بەدەسبارۆ پەی جابەجێکەردەو سیاسەتو قڕکەردەی. جە ۋەرا ۋەرو هجومەکانە مڎرامان و ئەرەکۆشای گۆرە هەن، دۆڵەتو تورکیش ناچار بە مردای کەردەن جە پانیشتوو کوردستانینە و خنیکنانش.
هەر پۆکەی دۆڵەتو تورکی هەوڵمڎۆ گردو مېڎانەکانە دەسکۆت بەدەس بارۆ تا بتاوۆ جارێوە تەر وێش زینە کەرۆوە و هجوم بکەرۆ سەرو گەلوو کوردی. هجومەکاشەنە ئەنجامش بەدەست ناردەن، جە مێڎانەکا جەنگینە و جەهانیچەنە بە تەنیا مەنەنۆ هەرەکەتو سەرکۆتەیش نییا."
'دۆڵەتو تورکی سیاسەتو فێڵە و ساختەکاری پەیڕەو مکەرۆ'
واتش: "دۆڵەتو تورکی سیاسەتو فێڵۍ و ساختەکاری پەیڕەو مکەرۆ، کە چی ماوەنە جە ئەنجامو جەنگی گەرمینە شکسش ئاردەن، بانگەوازو ئاشتی مکەرۆ بەڵام ئانە ئاشتی نییا شێوازێ تەرو جەنگی تایبەتیا، گەرەکشا بەڕێز ئۆجالانی بارۆ پەرلەمان و واچۆ پەکەکەی هۆرشێونۆوە. پەشتەو ئینیشاوە ئامانجێوەش هەن دۆڵەتو تورکی ئاڎیچ ڕەوایەتیداین بەهجومەکا و وێ ئاماڎەکەردەی پەی هجومێ تەری.
هەلومەرجو ئیساتێنە حکومەتو عێراقی بە دەزگاو پارێزنا و سیخورییەکاشۆ گەرەکشانە بلا لاو پەدەکەی و دماتەر پەی تورکیای پەی ئانەی ڕێککۆتەی بکەرا. دۆڵەتاو مەنتیقەکەی دەورشا هەن چینەینە کە جارێوە تەر ستاتۆو ئی هەرێمەیە هۆرشێویۆوە، هێزە کوردییەکێ پانیشتوو کوردەسانیچ کۆتێنۍ دلێ ئی خراپەکارییاوە.
هەرپاسە جارێوەتەر بەچڕی هجومش کەردەن سەرو وەرنیشتو کوردەسانی و گەرەکشا خەڵکەکەیش ئاوارە بکەرۆ پۆکەی ئی جەنگە جەنگێ کاریگەرا مشۆم گەلو کوردی دژو ئی جەنگا مردۆوە و یۆبیەی وێش پێکبارۆ دژو ئی ئەرەگیریا مردۆوە."
'ڕابەر ئاپۆ و پەکەکە جە فێڵە و ساختەکاری دۆڵەتو تورکی یاوێنێنە'
هەرپاسە عادل عوسمان ئاماژەش پانەیە کەرڎ کە ڕابەر ئاپۆ و پەکەکە کەسێ ئاسایۍ نییەنێ تا بتاوانە هۆرۍ بخەڵەتیا پی جۆرە بەردەوامبێ: "جە ئەزموونەنە ڕابەر ئاپۆ و پەکەکە جە ساختەکاری دۆڵەتو تورکی یاوێنێنە جە قۆناغێوەنە گفتوگۆ بۍ بە پڕۆژەو دۆڵمە باخچەی یاوا، بەڵام سیستەمو فاشیستو دۆڵەتو تورکی و ئەردۆغانی ئینەشا هۆرشێوناوە چونکە زانێنێ ئاشتی چنی بەرژەوندییەکا ئاڎیشا یۆ مەگێرۆوە.
وەرو ئانەیە پەرسو چارەسەری دۆزو کوردی مشۆم واقعی بۆ بەساختەکاری دۆڵەتو تورکی مەبۆنە. بەڕێز ئۆجالان و موراد قەرەیلانیش ئانەشا ئەرەیاونا کە پەرسو ئاشتی حەقەتینە بۆ متاومێنە ئی پەرسیە جە تنوتیژییۆ فاڕمێ پەی یاسایی و سیاسی، چونکی کە بی بە یاسایی ئاوەختە دڎان بەبیەو کوردیرە منریۆ.
دۆڵەتو تورکی باسو پڕۆسەو ئاشتی مکەرۆ کەچی وەرنیشتو کوردەسانیش کاولکەردەن، هەوڵمڎۆ چنی حکومەتو ئێراقی ڕێک گنۆنە پەی ئانەی جەنگو گەریلای بکەرۆ ئایا ئینەنە نیازو ئاشتی؟ ئینە سیاسەتو هۆرخەڵەتناین ئەرەکۆشاو گەلو کوردی پی سیاسەتەیە ئاشنان و ڕا مەڎۆنە جارێوە تەر واوەی بۆوە."
'نمەبۆنە گەلوو کوردی چەمش جە پروپاگەندەکا دۆڵەتی ئەرەگیری بۆ'
دماینو قسەکاشەنە عادل عوسمان سەرنجش وست سەرو ئانەی ئەگەر گەلێوە بە ویژدانما بۆ مشۆم بە ویژدانۆ چنی دۆزو وێش بۆ و واتش: "نمەبۆ گەلوو کوردی چەمش جە پڕوپاگەندەکا دۆڵەتو ئەرەگیری بۆ بە تایبەتی پانیشتوو کوردەسانینە داوا ۋنەو خەڵکی مکەرو باوەڕ پا بانگەوازو ئاشتیەو دۆڵەتو تورکی نەکەرا و فریو نەوەرا پانەیە واچا پرۆسەو ئاشتی هەن و پەکەکە نمێ وەڵێوە چونکی جە حەقەتینەنە ئینە ئاشتی نییا و سیاسەتو فریوداین.
جەجبەرو گفتۆگۆکەردەی چنی ئێژا ئۆجالانی ئاشتی نییا، پەنەوازا مێزەو گفتوگۆکەردەی کوردش چنەبۆ نەک ئانەی دۆڵەتو تورکی وێش قەرارەکا بڎۆ. پەنەوازا یاواینەو ڕۆشنۋیرا و خەڵکو پانیشتو کوردەسانی بە ویژدانۆ بۆ، پەنەوازا یاواینە بۆ ۋەرا ۋەر بە هەوڵو ئەرەکۆشای سەرنیشتو کوردسانی و ئەرەکۆشای ئازادی گەلو کوردی، بە پیمانەکا ئاڎیشا جماوە و گرد وەختۍ دژو دۆڵەتو تورکی با."
|
ئەرەیاۋناکەو هامسەرۆکایەتی کۆنسەو ڕاوەبەری کەجەکەی، پی جۆرەنە:
"سەرسەعبو ئارۆی، دەسەڵاتو ئاکەپە-مەهەپەی فاشیستی جە شارەوانییەکا مێردین، ئێلح و خەلفەتینە قەیومش نیارە، دیسان ئیراڎەو گەلیش دەسسەرەرەگێرت و ئیراڎەو گەلوو کوردیش بە بارمتە گێرت. جە قۆناغێوەنە، جە تورکیانە باس جە چارەسەری و پرۆسەی تازەی مکریۆ، دیسان دەسسەرەرەگێرتەی ئیراڎەو گەلی بەرش وست جە حەقەتینەنە هیچ نیازێوە چارەسەری بیەیش نییا، بەپێچەوانۆ، زیهنیەت و سیاسەتی قڕکەر بەردەواما. ئیتر ئاشکرا بیەن، ئانەی بەدەم وچیۆ و ئانەی بە کردار جابەجێ مکریۆ، تەمام پێچەوانەو یۆترینینۍ. سەلەمنۆش ئا چێوۍ وچیا، تەنیا ئامانج چنەش هۆرخەڵەتناین. دەسەڵاتو ئاکەپە-مەهەپەی هیچ نیازێوە ئاشتی و واڵە و برایەتی و چارەسەریش نییا، پلانێوە چامنێچش نییەنە. ڕێک بە پێچەوانۆ، خاوەنو زیهنیەت و سیاسەتو ئەسڕیەیۆ ئاشتی و واڵە و برایەتی و چارەسەرین. تەنیا پلانێوەش هەنە، ئاڎیچ پلانەو تەسفیەی و قڕکەردەین.
واوەی دەسسەرەرەگێرتەی ئیراڎەو گەلوو کوردی، نیەتو حەقەتینە و پیلانەو دەسەڵاتو ئاکەپە_مەهەپەی ئاشکرا مکەرۆ. پۊکەی مشۆم کەس باوەڕ بە قسەکا ئی دەسەڵاتیە نەکەرۆ، جە زیهنیەتو ئاکەپە_مەهەپەینە ئاشتی و دیموکراسی و چارەسەری کێشەکا و دڎانیایپۆرەی ئیراڎەی، بیەیش نییا. زیهنیەتو ئی دەسەڵاتیە سەراپا دژو دیموکراسییا. نەژاڎپەرس و فاشیست و قڕکەر و فریودەرا. گرڎو قسەکاش ئینۍ چوارچێوەو جەنگی تایبەتینە. بە ڕێبازو جەنگی تایبەتی هەوڵمڎۆ زیهنیەتو گلێرگەی تێکبڎۆ و گلێرگەی هۆرخەڵەتنۆ و ملکەچشا بکەرۆ. قسەکۍ ئی دماییەیچشا، هەر پی مەرامەینۍ.
پەنەوازا گرڎو گەلوو کوردی ئەرەپڕۆ و خاوەنداری جە ئیراڎەو ۋێش بکەرۆ. پەنەوازا بە هیچ جۆرێ ئی ئاژەیە قبووڵ نەکەرۆ، ناڕەزایی نیشانە بڎۆ، پەنەوازا نەمردا تا دەسەڵات پاشکەشە نەکەرۆ و واز جە دەسسەرەرەگێرتەی نارۆ و شارەوانییەکا ڕادەسو گەلی نەکریاوە. ئانەی مکریۆ، چڼۍ دەسسەرەرەگێرتەی و قڕکەردەین، هامکات پاشێلکەردەی یاسای و دیموکراسییا. ئەرەکۆشای دژو ئی سیاسەتە دژە دیموکراسیی و قڕکەری و تاڵانکەریە، تەنیا دەرفەتا پەی دیموکراسی. داوا جە گەلەکەیما مکەرمۍ، خاوەنداری جە شکۆ و ئیراڎە و ئازادیی ۋێشا بکەرا. هەتا دەسسەرەرەگێرتەی هۆرگیریۆ، پەنەوازا گەلەکەما درێژە بە چالاکیەکاش بڎۆ.
بانگەواز جە گلێرگەو تورکیای و هێزە دیموکراسییەکا تورکیای مکەرمۍ پەشتیوانی جە گەلوو کوردی بکەرا. خاوەنداری جە ئیراڎەو گەلوو کوردی و داواو ژیۋای ئازادی و دیموکراتیکی ماناو خاوەندارییا جە دیموکراتیکبیەو تورکیای. هەر کودەتێوە دژو ئیراڎەو گەلوو کوردی، بە ماناو کودەتاین دژو دیموکراتیکبیەو تورکیای. دەسسەرەرەگێرتەی شارەوانییەکا مێردینی و ئێلحی و خەلفەتی کودەتان. هامکات کودەتان دژو دیموکراسیی تورکیای و پێوەرەژیۋای. کودەتان دژو دیموکراسی تورکیای و ئیراڎەو پێوەرەژیۋای. ئاشکران دەسەڵاتوو ئاکەپە_مەهەپەی نمەمدرۆ، جە کوردەسان و تورکیانە بەردەوام مەبۆ جە دەسسەرەرەگێرتەی ئیراڎەو گلێرگەی. سەرەتا شارەوانی ئەسەنیورتی، ئیساتێچ شارەوانییەکاو مێردین ، ئێلح و خەلفەتیش دەسسەرەرەگێرتێنۍ، ئینە بەرش وزۆ کە بەردەوام مەبۆ. پۊکەی مشۆم گەل ۋەرا ۋەر بە فاشیزمی و تاڵانی و دەسسەرەرەگێرتەی و قڕکەردەی پێوەرە مڎرامان بکەرا و هەتا ئیراڎەو دەسسەرەرەگیریای واوەی بە دەس نێوە، درێژە بە چالاکییەکاشا بڎا".
|
کەجەدەکە_ئە دەربارەو دەسسەرەرەگێڕتەی شارەوانییەکا مێردینی و ئێلحی و خەلفەتی ئەرەیاۋنێوە نویسیاش وەڵا کەرڎۆ.
کەجەدەکە_ئە ئەرەیاۋناش ئی هەوڵە پاگیرین سەرو سیاسەتو جەنگی، واتش: "ڕووبەڕوو واقیعێوە بیمێوە کە ماف و ئازادییە دیموکراتیکەکۍ دلێنەبریا و سیاسەتو جەنگی سەرو گەلوو کوردیرە مسەپیۆ".
کەجەدەکە_ئە بانگەواز جە گرڎ لێوە مکەرۆ کە مجیارە مېڎانەکا و ناڕەزایی بەربڕا، واتش: "بە هیچ هەوڵ و زۆرداریێوە نمەتاوا ڕا جە ئەرەکۆشای ئازادی گەلوو کوردی بگێرا. مشۆم بزانیۆ کە قسەکۍ دیکتاتۆرە دەس سورەکا بە ۋنۍ ئەردۆگان و باخچەلی، بێجگە جە هۆرخەڵەتنای هیچی تەر نیا.
پەنەوازا بزانیۆ ئا گۆشەگیرییەی سەرو ڕابەر ئاپۆی هەن، جە گرڎو کوردەسانی و تورکیانە ۋێش نیشانە مڎۆ، پەنەوازا گەلەکەما بە پاگیریۆ خاوەنداری جە ئەرەکۆشای بکەرۆ".
|
کەنەکە دژو دەسسەرەرەگېرتەی ئیراڎەو گەلی ناڕەزایش نیشانە دا
دەسەو ڕاوەبەری کەنەکەی دژو سەپنای قەیومی سەرو شارەوانییەکارە ناڕەزاییش نیشانە دا و داواش جە گەلو کورڎی و ئۆپۆزسیۆنو دیموکراتیکی تورکیای کەرد کە دژو ئی نا دادپەرەوەرییە مرداوە.
دەسەو ڕاوەبەری کەنەکەی دژو سەپنای قەیومی سەرو شارەوانییەکارە ناڕەزاییش نیشانە دا و داواش جە گەلو کورڎی و ئۆپۆزسیۆنو دیموکراتیکی تورکیای کەرد کە دژو ئی نا دادپەرەوەرییە مرداوە.
دەسەو ڕاوەبەری کۆنگرەو نەتەوەیی کوردەسانی (کەنەکە) پێوەس بە سەپنای قەیومی سەرو شارەوانییەکا گۆرە شارو مێردینی و ئێلحی و خەلفەتی ڕەحایرە، ئەرەیاۋنێوەش وەڵا کەردۆ و ئاماژەش پانەی دا کە دۆڵەتو تورکی جە ماوەو ١٠ ساڵی دماینە ئینە یەرەم جارا ئیراڎەو دیموکراتیکی گەلوو کوردی پاشێل مکەرۆ و بە شێوێوە نایاسایی دەسگێرۆ سەرو ڕاوەبەریە هەرێمییەکا کوردەسانیرە.
"سەپنای قەیومی درێژکەردەیۆ سیستەمو فاشیستی و تاڵانکەریا"
جە بەردەوامینە کەنەکە سەپنای قەیومیش سەرو شارەوانییەکارە بە بێڕێزی ۋەرا ۋەر بە ئیراڎەو گەلی نیانەرە و ئامان: "ئی کردەوۍ نەک تەنیا گۆش نەڎاین بە دەنگ و ئیراڎەو خەڵکی، جە هەمانکاتەنە بەردەوامیداین بە درێژکەردەیۆ سیستەمو فاشیستی و تاڵانکاری. پېسە کەنەکەی بە تنی ئی هەوڵدایە شەرمەزار مکەرمۍ."
جە بەشێوە تەرو ئەرەیاۋناکەینە ئاماژە پانەی کریان کە بێدەنگی ئەرەمەرزیا مېیاننەتەوەییەکا مەڵامەتوو کارە نایاساییەکا دەسەڵاتدارو فاشیستی ئاکەپە-مەهەپەین و ئامان: "داوا جە هێزە دیموکراتیکە جەهانییەکا و ئەرەمەرزیا مېیاننەتەوەییەکا مکەرمۍ کە جە ۋەرا ۋەرو ئی کردەوانە بێدەنگۍ نەبا و جە دژو یاسا ماڕای و نادادپەروەری مرداوە."
بانگەواز پەی خاوەنداری جە شارەوانییەکا
جە درێژەو ئەرەیاۋناکەینە بانگەواز پەی خاوەنداری جە شارەوانییەکا کریان و ئامان: "داوا جە گرڎو شارەوانییەکا جەهانی مکەرمۍ کە دژو ئی یاسا ماڕیە و سەپنایە مرداوە و پەشتیوانی جە شارەوانییەکا کوردەسانی بکەرا."
'جەخت مکەرمێوە سەرو مافو چارەو ۋێنویستەی، دیموکراسی و ئیراڎەی ئازادی'
جە دما دمایی ئەرەیاۋناکەینە داواو لابەردەی و دماییئاردەی دەمودەسو سەپنای قەیومی کریان و داواش جە گەلوو کوردی و ئۆپۆزسیۆنی دیموکراتیکی تورکیای کەرڎ جە دژو ئی نا دادپەرەوەرییە مرداوە و ئەرەیاۋییان: "جەخت مکەرمێوە سەرو مافو چارەو ۋێنویستەی، دیموکراسی و ئیرادەی ئازادی."
|
بانگەوازو دەم پارتی: ۋەراۋەر بە ئاوەزیەتو کودەتاچیەکا ئەرەپڕدۍ
دەم پارتی ۋەراۋەر بە دەسسەرەرەگېرتەی شارەوانییەکا ناڕەزایش بەربڕی و ئەرەیاۋناش: "گرڎ کەسۍ مشۊم جە بەرزتەرین ئاستەنە دەنگو ۋېشا دژ پی کودەتا ناڕەوایەو دەسەڵاتی بەرز بکەراوە."
دەم پارتی ۋەراۋەر بە دەسسەرەرەگېرتەی شارەوانییەکا ناڕەزایش بەربڕی و ئەرەیاۋناش: "گرڎ کەسۍ مشۊم جە بەرزتەرین ئاستەنە دەنگو ۋېشا دژ پی کودەتا ناڕەوایەو دەسەڵاتی بەرز بکەراوە."
دەسەو ڕاوەبەری مېیانو پارتو دیموکراسی و یەکسانی گەلا دەم پارتی ئەرەیاۋنێوەش سەبارەت بە نیایرەو قەیومی پەی شارەوانیەکا مێردین، ئێلیح و خەلفەتی روحای و تەوقدای شارەوانییەکا وەڵا کەردۆ. جە ئەرەیاۋناکەینە ئاماژە پانەی کریان کە حکومەتو ئاکەپە – مەهەپەی جە دماو جۆلەمێرگی و ئەسەنیورتی بەردەواما جە دەسسەرەرەگێرتەی شارەوانییەکا.
دەم پارتی، نیایرەو قەیومیش بە کودەتا وەسف کەرد و ئەرەیاۋناش: "یاگۍ سەرنجیا کە جە ساڵیاڎو کودەتاکەو پەرلەمانینە جە ٤و تشرینو دووەمو ٢٠١٦ ی دژو ئیراڎەو گەلوو کوردی کودەتا مکریۆ. هرووژمەکۍ بە مەرامو دمای ئاردەی بە سیاسەتو دیموکراتیکی گەلوو کوردی ملاڕاوە. جە ساڵۆو ١٩٩٤یوە ئی سیاسەتۍ بەردەوامێنۍ و سەرکۆتۍ نەبێنۍ. ئانەی کریان تەنیا واوەی بیەیۆ هەمان ئاوەزیەتو ٣٠ ساڵەین. ئێمە جارێوەتەر ماچمۍ ئی هرووژمۍ کودەتێوە ئاشکران جە دژو ئیراڎەو گەلی. جە ۋییەردەنە کودەتاو قەیومەکا جە لایەنو گەلیۆ ڕەڎکریانۆ و سیاسەتەکێشا جە هۆرچنیەکانە شکسێوە گۆرەش ۋنەکۆتۆ و گەلەکەما دەم پارتیش پېسە ئیراڎەو ۋێش هۆرچنی.
کودەتا نیشانۍ شکسی سیاسییا، حکومەتو ئاکەپە-مەهەپەی جە ڕاو دادگا و هێزە ئەمنییەکاوە هەوڵو دەسسەرەرەگێرتەی ئا شارەوانیا مڎا کە نەتاواشا جە ڕاو هۆرچنیەیۆ بە ڕێبازێوە یاسایی بەدەسشا بارۆ. ئی هرووژمە، هرووژما جە دژو مافو دەنگدای گەلوو کوردی. هەرپاسە دەسەڵاتو سیاسی ئیساتۍ شەرعیەتو دیموکراسی ۋێش جە گرڎ ڕووێوە جە دەس دان.
هیچ دەسەڵاتێوە نەتاوانش چی وڵاتەنە بە چەوەسنایۆ و زۆرداری سەرکۆتە بۆ و نمەبۆیچ. گەلاو تورکیای ئیتر مل بە ستەمی و چەوەسنایۆ نمەڎا. کودەتاو قەیومی کێشەو دیموکراسی و ئازادیی ٨٥ ملیۆن هاموڵاتیا تورکیاین و ئەگەر ڕاش ۋنە نەگیریۆ، تەنیا بە هۆرشێونایۆ شارەوانییە کوردییەکاوە سنووردار نمەبۆ، بەڵکم جە گرڎ شۆنۍ تورکیاینە ئی ئاوازیەتەیە مسەپنا.
ئی شێواز و هرووژمۍ گرڎو هەوڵدای و جە یۆ نزیک بیەیۆکا پەی چارەسەری شێونانە و گومانێوە گۆرێش سەرو ڕاسی حکومەتی وەش کەردەن. ئێمە چەمەڕۍ بێنمۍ دەسشا پەی ئاشتی و چارەسەری درێژ بکەرا، بەڵام دەسشا پەی دەسسەرەرەگێرتەی ئیراڎەو گەلی درێژ کەرڎ. هەرپاسە چەمەڕۍ ئانەی بێنمۍ ئی پرسە بە گفتوگۆو ئەرەنیشتەی چارەسەر بکریۆ، بەڵام ئاڎۍ دامەشا پەی ئیراڎەو گەلی نیارە. ئێمە بە هیچ جۆرۍ تەسلیمیەت قبووڵ نمەکەرمۍ و جە ئەرەکۆشای ۋێما پاشەکشە نمەکەرمۍ. حکومەت ڕووبەڕوو شکسێوە گۆرەی بیەنۆ و پی جۆرە جە قەیرانەکا ڕزگارش نمەبۆ. هامکات مشۆم گەلەکەما جە گرڎ هەلو مەرجێوەنە خاوەنداری جە ئیراڎەو ۋێش بکەرۆ."
|
هەپەگە ئامارەو مانگەو ئۆکتۆبەریش ئەرەیاۋنا: چالاکی دژو توساشی دۆڵەتو تورکیش شۆک کەرڎ
هەپەگە ئامارەو مانگەو ئۆکتۆبەریش ئاشکرا کەردە و ئەرەیاۋناش، "چالاکییەکەو دژ بە ناوەندو ئامرازو کوشتەی 'توساش'ی دۆڵەتو تورکیش شۆککەرڎ."
هەپەگە ئامارەو مانگەو ئۆکتۆبەریش ئاشکرا کەردە و ئەرەیاۋناش، "چالاکییەکەو دژ بە ناوەندو ئامرازو کوشتەی 'توساش'ی دۆڵەتو تورکیش شۆککەرڎ."
مېیانو ئەرەیاۋنای و چاپەمەنی هەپەگەی بە ئەرەیاۋنێوە ئامارەو مانگەو ئۆکتۆبەریش ئاشکراکەرد.
ئەرەیاۋناکەی پی جۆرەنە:
"گەریلاکۍ ئازادیی کوردەسانی جە ۋەرا ۋەرو هرووژمەکا دۆڵەتو تورکی ئەرەگیرینە جەنگی ڕەواو پارێزنای گەلەکەیماشا ڕاوەبەر کەرڎ، بە شێوێوە قەوەت مڎرامانشا کەرڎ و بە چالاکییە گۆرەکاشا جوابی پەنەوازشا داوە. مانگەو ئۆکتۆبەری کە فەرماندۍ سەرمەشقە و ئازادیما هەمڕا بێریتانە (گوڵناز کاراتاش)ەش چنە گەشمەرڎۍ بییە، هامکات چا مانگێنە سوپاو ژەنۍ ئازادێما ئەرەمەرزیا، ئەرەکۆشای گەریلای بە شێوێوە فرە گۆرە بەردەوام بی. گەریلاکێما سەرو ڕاو بێریتانۍ و گرڎو گەشمەرڎا ئۆکتۆبەری چالاکی کاریگەرشا ئەنجامدا.
دۆڵەتو تورکی قڕکەری کۆلۆنیالیستی سەرەمڕە هرووژمش کەرڎ سەرو ئەیالەتەکا سەرنیشتوو کوردەسانی و گرڎو ئەیالەتەکا هەرێمەکاو پارێزنای مەدیای. سوپاو تورکی ئەرەگیری کە ئۆپراسیۆنەکێش سەرنیشتوو کوردەسانینە هیچ ئەنجامێوەش نەبۍ، بۆمبوارانێوە فرە سەختش سەرو هەرێمەکاو پارێزنای مەدیای ئەنجامدا. دلۍ مانگەو ئۆکتۆبەرینە هەرێمەکۍ پارێزنای مەدیایما ٣٠٢ جار بە فرۆکەی جەنگی، ٣٤٧ جارۍ بە هەلیکۆپتەری جەنگی، جارێوە بە چەکی کیمیاوی، ٢ جارۍ بەدرۆنی جەنگی و ١٠١ جاریچ بە تەقەمەنی قەڎەغەکریا بۆردمانکریان. سوپاو تورکی ئەرەگیری بە بەکارئاوردەی چەکی قەڎەغەکریای سەرەمڕە تاوانەو جەنگیش کەردێنە. بەڵام گەریلاکۍ ئازادی کوردەسانی گرڎو هێرشەکۍ سوپاو تورکیش پوچۍ کەردێنۍ. هامکات جوابی پەنەوازش بە سوپاو ئەرەگیری دانۆ و وەڵۍ گرڎیۆ بە چالاکیێوە ئاسمانی، ٩٦ چالاکیۍ زەمینیۍ بە ڕای جیاواز و ئۆساییانە بە گرڎیی ٩٧ چالاکیێش کەردێنۍ. جە ئەنجامو ئی چالاکیانە ٣٦ ئەرەگیرۍ سزا دریێنۍ، ١١ ئەرەگیرێچ زامڎارۍ بیێنۍ.
چالاکی تابوورو نەمراما جە ناوەندو ئامرازو کوشتەی-توساشی کە ٢٣ۍ ئۆکتۆبەرو ٢٠٢٤ جە ئەنقەرەنە ئەنجامدریا، بێگومان جە کات و شۆنۍ چامنەنە ئەنجامدریا کە جە چەمەڕایی دۆڵەتو تورکی قڕکەرینە نەبۍ، پۊکەی توشو شۆکی بی. ئی چالاکییە فیداییە پرۆفیشناڵ و بۍ وێنە کە جە لایەنو هەمڕا ئاسیا عەلی و ڕۆژگەر هێلینیوە ئەنجامدریا، داشا ۋنەو زېڵۍ دژمنی. هەمڕا فیداییەکێما گرڎو کۆسپەکۍ ۋەرو دەمیشا ماڵۍ، ۋێشا یاۋنا ئەنقەرەو پایتەختو دۆڵەتو تورکی و مەرامەکەیشا. بە بێباکی و قارەمانی و ئۆسایانۆ هۆرشا کوا سەرو ئامانجەکەیشا و فرە بە ڕۆشنی ئانەشا نیشانە دا کە کاتێ فیدایۍ ئاپۆیی ئامانج مگێرا هیچ جۆرە کۆسپێوە نمەواناوە. فیداییا ئاپۆیی هەمڕا ئاسیا و ڕۆژگەر گرڎو جەندرمۍ دژمنی، چەتۍ بەکرێ گرتۍ، سوپا و پۆلیسی تایبەتشا جە مېیانو ئەنقەرەینە تەفروتەنا کەرد، ئامانجەکەو ۋێشا فەتح کەرڎ، ماوەو ٧٤ دەیەقا وستشا چێرو کۆنترۆڵو ۋێشاوە، بەشێوێوە داستانی جەنگشا کەرڎ و ئێرشا ۋنەو دژمنی ۋەردا. پێوەس بە چالاکیەکەو توساشی، بە پاو ئا زانیاریا کە جە سەرچەمەکاوە هۆرماگێرتەن؛ ٤٠ کەسۍ جە دژمنی کوشیێنۍ و زیاتەر جە ١٠٠ی تەریچ زامڎارۍ بیۍ. فیداییەکاو تابووری نەمرانی هەمڕایا ئاسیا و ڕۆژگەر پیمانەو چالاکییە فیدایەکاو پەکەکەی کە بە مڎرامانو زینانیا جە ئامەدەنە دەسشپنە کەرڎ و بە چالاکی زیلانۍ هۆرچەرخیا پەی هێڵۊو فیدایی، فرە زیاتەر پەرەشا پنەدا و یاۋناشا بە ئاستێوە هەرە باڵا. فیداکاری، ئازایی، ڕێبازی سەروازی، پڕۆفیشناڵی و قارەمانیەتی ئەفسانەیی چالاکی هەمڕا ئاسیۍ و ڕۆژگەری ڕێبازو فیدایی ئاپۆییش یاۋنا بە ئاستێوە تازە. دۆڵەتو تورکی قڕکەری پەی کەمکەردەیۆ کاریگەرییەکا چالاکیەکەی چڼین هەوڵێش دۍ، بەڵام گرڎو هەوڵەکاش بێکاریگەرۍ مەنێوە. چونکی چالاکی تابوورو نەمرانی جە دنیانە دەنگش داوە، بە شێوێوە فرە ڕۆشن پەیامش دا بە گەلەکەیما، دۆس و دووژمنی.
هەڤاڵا فیداییێما ئاسیا و ڕۆژگەر بە نامە پەڕ مانا، سەرنجکێش، قووڵ و تاریخیەکاشا پەیامێوە گۆرەشا بە گرڎیما بەخشا و ئەرکەکێماشا یاڎ ئاوردیمۍ جە هەمان کاتەنە، سەلەمناشا کە شۆڕشگێڵنا فیدایی ئاپۆیی دەس دلۍ دەسی، شان بە شان، چنی متاوا جە گرڎ شۆنێنە سوپاو ئەرەگیری بماڕانە. ئی چالاکییە فیداییانەو ئێمە نیشانەش دا کە جە جەنگەنە هەژمار، چەک و تەقەمەنی، دەرفەت و هەلومەرج گرنگ نییا، ئانەی گرنگا ڕۆحی فیدایی بیەین و شێوازو ژیۋای ڕاس و خوڵقنەرو عەقڵ و هونەرو بەکارئاوردەی زانایانەن. پۊکەی بەرکۆت کە کەسایەتیەکۍ بە ڕۆحی فیدایی بیەی ئاپۆیی و هەمڕایی حەقەتینەی و پیمانەکا ژەنەی ئازادۍ و پیای ئازادی کە جە کەسایەتی ۋێشانە وەششا کەردەن متاوا گۆرۍ با.
ئی چالاکیە جە سەروبەڼو ساڵیاڎو گەشمەرڎەبیەو هەڤاڵ بریتانێنە ئەنجامدریا کە فرە ماناڎار بۍ و هەڵوێسو فیدایی بیەی ئاپۆیش جە دژو ۋێدایدەسۆی و خیانەتی نیشانەدا. شۆڕشگێڵنا فیدایی ئاپۆیی، هەڤاڵ ئاسیا عەلی-ە، بیە بە گلکەو بێریتانەکا کە پەی ئازادی جە زینانەنە بە گرڎو قوەتیشۆ ۋنەو زېڵۍ دژمنیش دا. هەڤاڵ ئاسیا بە چالاکی تاریخی ۋێش بیە بە کۊششکارێوە سەرمەشقەو ژەنا ئازادۍ کوردی، پانتایی ئەرەکۆشایش پەی ئازادی ژەنا، قەوەتکەردەی ڕۆحی فیدایی بیەی، پاگیری سەرو ژیۋای ئازادی، هۆرگێرتەی ۋەرپرسیاری، سووربیەی سەرو هێڵۆو ئاپۆیی، چنەئامایی جە هونەری سەروازی و پیمەرو ژیۋای ئازادیش سەلەمنا. هەڤاڵ ئاسیا کە بە عەشقو کوردبیەیۆ گەشتەکەش دەس پنەکەرڎ، بە ئەرەکۊشای و چالاکییەکەیش یاوا بە ئاستو حەقیقەتو عەشقی ئازادی کوردی و بیە بە هێما پەی گەل و نەتەوەکەیش.
جە کەسایەتی هەڤاڵاما ئاسیا عەلی، ڕۆژگەر هێلینی و مەمەد جودی کە جە مانگەو ئۆکتۆبەرینە گەشمەرڎۍ بیۍ، بە سۆز، وەفاڎاری و حورمەتۆ یاڎو گرڎو گەشمەرڎاما مکەرمێوە. جە هەمان کاتەنە قەولو ۋێما واوەی مکەرمێوە کە پېسە گەریلاکاو ئازادیی کوردەسانی ڕێبازو گەشمەرڎاما پیمۍ و درێژە بە کۆشش و ئەرەکۆشایشا مڎەیمۍ.
ئامارەکۍ جەنگو مانگەو ئۆکتۆبەری پی جۆرەنۍ:
هرووژمەکۍ سوپاو تورکی
هرووژمو فڕۆکەی جەنگ: ٣٠٢
هرووژمو هەلیکۆپتەری: ٣٤٧
هرووژمو چەکی کیمیاویی: ١
هرووژمو فڕۆکەی بێ فڕۆکەوانی: ٢
هرووژم بە تەقەمەنی قەڎەغەکریا: ١٠١
هەڤاڵۍ گەشمەرڎۍ :
٣ هەڤاڵێما گەشمەردۍ بیێنۍ
چالاکییەکۍ گەریلای
چالاکی ئاسمانی: ١
چالاکیی زەمینی: ٩٦
کۆو گرڎی چالاکییەکا: ٩٧
زەرەرەکۍ دژمنی
بە سزا یاۋنای ئەرەگیرا: ٣٦
بە سزا یاۋنای ئەرەگیرۍ پلەدارۍ: ١
ژمارەو ئەرەگیرە زامڎارا: ١١
ئا ئامێر و کەلوپەلۍ کە دلێنەبریێنۍ:
شۆڤڵ: ١
ترۆمبێلی سەروازی: ١
گەڵابەی سەروازی: ١
سیستەمو ڕاداری:١
فڕۆکەی بێفڕۆکەوان: ٦
بۆمب شان: ١
کامێرەی چەمڎاری: ٤
مۆڵگەی سەروازی : ١
تەقەمەنی: ٨٠ کیلۆگرامۍ
ئا ئامێر و کەلوپەلۍ کە گورزەشا ۋنە شنیێنە:
هەلیکۆپتەری سکۆرسکی:١
شۆڤڵ: ٢
ترۆمبێلی سەروازی: ٢
تراکتۆر: ١
کامێرەی چەمڎاری: ١
مۆڵگەی سەروازی: ١
ئا کەلوپەلۍ دەسشا سەرەرە گیریان:
چەکی تاکەکەسی HK-416 : ١
مەخزەن: ١
گولـلۍ چەکی: ٣٠
لەیزەرو چەکی: ١
لەیزەرو چەکی: ١
کاردی: ٢
ڕەختە: ١
ئامێری بێتەلی ئاسەلسەن: ١
|
زوبەیدە زومروتە: گلېرۊبییەی کۊڵنی فرە گرنگا
هامسەرۊکۆو کەجەدکە-ئە زوبەیدە زومروتە دەسنیشانش کەرڎ کە گلېرۊبییەی ١٦و تشرینو دوەمی پەی ئازاڎی ڕابەر ئاپۆی فرە گرنگا و واتش: "پەنەوازا گەلەکەما بە دروشمەو ئازادی پەی ڕابەر ئاپۆی مېڎانەکەی تەنۆ."
هامسەرۊکۆو کەجەدکە-ئە زوبەیدە زومروتە دەسنیشانش کەرڎ کە گلېرۊبییەی ١٦و تشرینو دوەمی پەی ئازاڎی ڕابەر ئاپۆی فرە گرنگا و واتش: "پەنەوازا گەلەکەما بە دروشمەو ئازادی پەی ڕابەر ئاپۆی مېڎانەکەی تەنۆ."
هامسەرۊکۆو کەجەدکە-ئە زوبەیدە زومروتە سەرو ئاماڎەکارییەکا و بانگەواز پەی بەشداربیەی گەلی پەی گلێرۆبیەکەو کۆڵنی قسێش پەی ئاژانسوو هەواڵوو فورات (ANF)ی کەرڎۍ و تەئکیدش کەردۆ کە ئامانجو گلێرۆبیەکەی پەی ماڕای گۆشەگیری و ئازادیی جەسەیی ڕابەر ئاپۆیا.
هەرپاسە زوبەیدە زومروتە ئاماژەش پانەیچ کەرڎ کە سیستەمو ئیمراڵی پېسە سیستەمێوە نایاسایی بەردەواما، پۊکەی گەل جە چوارچێوەو هەڵمەتەو جەهانی ئازادینە پەی ڕابەر ئاپۆی ئینا دلۍ ئەرەکۆشاینە و واتش: "گەرەکمانە هەڵمەتەکۍ جە تەمامو جەهانینە وەڵا بکەرمێوە."
'ئەرەکۆشای ۋەرفراوان پەنەوازا '
جە بەردەوامینە زومروتە جەختش جە ۋەرفراوانکەردەی ئەرەکۆشای پەی یاوای بە مەرامەکاش کەردۆ و واتش: "گەر بە قەوەتۆ بەشدارۍ هەڵمەتەکۍ بیمۍ و ناڕازیبیەی دیموکراتیکیما نیشانە بڎەیمۍ، ئا کاتە متاومۍ پاسە بکەرمۍ کە ئەرەمەرزیێکۍ مافو مرۆڤی ئەرکو ۋێشا جابەجۍ بکەرا. قەرارو کۆمیتەو شالیارا کۆنسەو ئۆروپای سەبارەت بە ڕابەر ئاپۆی دەرەنجامو ئەرەکۆشایما بۍ، پۊکەی ۋەرفراوانکەردەی ئەرەکۆشای پەنەوازا."
جە دما دماینە زومروتە باسش جە گرنگی گلێرۆبیەکەی کەرڎ و جەختش چانەی کەرڎۆ کە جە گرڎ کۆشش و گێڵایێنە پەی ئانەی مېڎانوو کۆڵنی جە ١٦و تشرینو دووەمینە پەڕ بۆ. بە درووشمەو ئازادی پەی ڕابەر ئاپۆی مێڎانەکە پەڕ بۆ جە گەلی.
|
ئشناسنامەو گەریلێوە گەشمەرڎەی ئەرەیاۋییا
هەپەگە ئشناسنامەو گەریلێوە گەشمەرڎەیش ئاشکرا کەرڎ و ئەرەیاۋناش، "هەمڕاما رێگەش قەلقەلی گرڎ کاتۍ ئیراڎەو ئەرەکۆشای ۋێش هێقمتەر کەرۍ و بی بە خاوەن پراتیکێوە سەرکۆتە".
هەپەگە ئشناسنامەو گەریلێوە گەشمەرڎەیش ئاشکرا کەرڎ و ئەرەیاۋناش، "هەمڕاما رێگەش قەلقەلی گرڎ کاتۍ ئیراڎەو ئەرەکۆشای ۋێش هێقمتەر کەرۍ و بی بە خاوەن پراتیکێوە سەرکۆتە".
مېیانو ئەرەیاۋنای و چاپەمەنی هەپەگەی جە بارەو گەریلای گەشمەرڎەیۆ ئی زانیاریێشە ئەرەیاۋنۍ:
جە ٣٠-٣١و تەمووزو ٢٠٢٤ی هەمڕاما رێگەش قەلقەلی جە ئۆپراسیۆنۍ دژمنینە جە هەرێمو ئەلکێی بۆتانی، تا دما هەناسەش ئەرەکۆشا و نوێنەرایەتی رۆحو مڎرامانوو پارتەکەیما پەکەکەیش کەرڎ. ڕاپیمای ئازادی کە بە ئیراڎە و پاگیریۍ گۆرۆ دەسشپنە کەردەبۍ، بە گەشمەرڎە بیەی ۋێش تاجدارش کەرد.
رۆڵەی ئازاو سەرحەدی، جەنگاوەری بەقیمەتی ئاپۆیی هەمڕاما رێگەش بەشداربیەیش جە دلۍ ریزەکا گەریلاینە پېسە هەنگامنیای بەرەو ئازادی پێناسەکەرد. گرڎ کاتۍ پاگیری و رژدبیەی ۋێش سەرو ئەرەکۆشای گۆرەتەر کەرد و بی بە خاوەن پراتیکێوە سەرکۆتە. دلۍ کۆششی ستراتیژیکینە بەشداریش کەرڎ و بی بە لایەق و متمانەو هەمڕاکاش. سەرەمڕە سەرنیشتوو کوردەسانی یاگۍ ئەرەکۆشای هەمڕاکەیما بۍ. پا هێزەی جە هەمڕاکاشۆ کە بەشێوۍ فیداییانە جە زاپ، ئاڤاشین و مەتینانە جەنگ کەرێنۍ، هۆرشگێرتەبۍ، ڕووەش کەرڎە سەرنیشتوو کوردەسانی و قەناعەتش چامنە بۍ کە بە ئەرەکۆشای چا دژمنی دلێنە بەرۆ. هەمڕاما جە گرڎو مېڎانەکا سەرنیشتوو کوردەسانینە نوێنەرایەتی رۆحو مڎرامانی و حەقکەردەیۆ سەردەمی کەرۍ. هەمڕاما رێگەش بە پراتیکی سەرکۆتانەو ۋێش، هێزی نەبەزیاو جەنگاوەریی ئاپۆییش سەلەمنا و پا میراتو ئەرەکۊشایەی کە دماو ۋێش جیاش ئاست، گرەنتی مڎرامانێوە کاریگەرتەریش کەرڎ.
پېسە هەمڕایاش، سەرەوەشی جە گرڎو گەلی وڵاتپارێزنیما جە قەلقەلی و کوردەسانی و بە تایبەتی بنەیانە قارەمانەکەو هەمڕا رێگەش قەلقەلی مکەرمۍ. قەول واوەی مکەرمێوە کە بە دڵنیاییوە ئاواتو هەمڕایما رێگەشی، کە بریتی بۍ جە رابەرایەتی ئازادی و کوردەسانی ئازادی، بارمێنە دی.
زانیاری جە بارەو ئشناسنامەو هەمڕا رێگەشی پی جۆرەنە:
ناسنامۍ / رێگەش قەلقەلی
نامۍ و دمانامۍ / نورشین بەدر
شۊنەماو جە ئەڎابیەی / وان
نامۍ ئەڎۍ و نامۍ تاتەی / یازگوڵ- حسێن
شۊنەماو کاتو گەشمەرڎەبیەی / ٣٠-٣١و تەمووزو ٢٠٢٤/ بۆتان
|
شارەوانییەکۍ مێردین، ئێلیح و خەلفەتی دەسشا سەرەرە گیریا
شارەوانی گۊرەشارو مێردینی، شارەوانی ئێلیحی و خەلفەتی دەسشا سەرەرە گیریا و قەیومشا پەی دیاریکریا.
شارەوانی گۊرەشارو مێردینی، شارەوانی ئێلیحی و خەلفەتی دەسشا سەرەرە گیریا و قەیومشا پەی دیاریکریا.
شالیارو دلێینەو دۆڵەتو تورکی قەیومش پەی شارەوانی گۆرەشارو مێردینی کە جە لایەنو دەم پارتییوە ملۆڕاوە دیاریکەرد. پۆلیسەکۍ سەرسەعب بیناو شارەوانیشا تەوقەدا.
هامکات قەرارو نیایرەو قەیومی بە ئەحمەد تورکی هامسەرۆکو شارەوانی مێردینی ئەرەیاۋییا.
|
گوڵستانە و هێرۆ جە لیستو ڕۊنامەوانە تیرۆرکریایەکا یونسکۆینە نامېشا تۊمارەکریا
گوڵستان تارا و هێرۆ بەهادینە کە سلېمانینە جە لایەنو دۆڵەتو تورکیۆ تیرۆرۍ کریۍ، جە لیستو ڕۊنامەوانە تیرۆرکریایەکا یونسکۆینە نامېشا تۊمارە کریا.
گوڵستان تارا و هێرۆ بەهادینە کە سلېمانینە جە لایەنو دۆڵەتو تورکیۆ تیرۆرۍ کریۍ، جە لیستو ڕۊنامەوانە تیرۆرکریایەکا یونسکۆینە نامېشا تۊمارە کریا.
رۆنامەوانۍ گوڵستان تارا و هێرۆ بەهادین کە ٢٣ۍ ئابی جە ناوچەو سەیسایەقی سەر بە پارێزگاو سلێمانی جە لایەنو دۆڵەتو تورکیوە بە درۆنی هجومکەر تیرۆرۍ کریۍ، جە لایەنو یونسکۆ (ئەرەمەرزیای کولتوری، زانسی و پەروەردەیی سەر بە نەتەوەیۆگێرتەکا)وە نامێشا جە لیستو رۆنامەوانە تیرۆرکریاکانە تۆمارە کریا.
لیستە ئاماژە پنەکریاکە جە ساڵۆو ١٩٩٣ێوە نامۍ و زانیارییەکا ئا رۆنامەوانا وەڵا مکەرۆوە کە جە کاتو ۋییەرنای ئەرکەکاشانە تیرۆرۍ مکریا.
جە لیستەکەنە زانیارییەکۍ پېسە شۆنەماو تیرۆرکریای، ئا دەزگاو ئەرەیاۋنۍ کە هەرمانەشا چنەکەرڎەن، ئاماژەش پنەدریان. سەرەڕاو ئانەی گوڵستان تارا و هێرۆ بەهادینە جە ناوچێوە مەدەنی نشین و دوور جە جەنگی کریۍ ئامانج، بەڵام جە لیستەکەنە پا جۆرە نیشانەدریان، کە جە ناوچێوەنە کە جەنگش چنە بۆ هرووژمشا کریان سەر.
رێکوزو گرڎیی یونسکۆی ئۆدری ئازۆلای جە بارەو مژارەکەیۆ جە ماڵپەڕی ڕسمی یونسکۆینە پەیامێوەش وەڵاکەردەنۆ و تیرۆرکەردەی گوڵستان تارۍ و هێرۆ بەهادینیش شەرمەزارکەردەن.
ئۆدری ئازۆلای قەرارو ژمارە ٢٢٢٢/٢٠١٥و ئەنجومەنو ئاسایشو نەتەوە یۆگێرتەکاش یاڎ ئارڎۆ و دەسنیشانش کەردەن کە مشۆم رۆنامەوانا و کۆششکارا میدیای پېسە مەدەنییەکا پاڕێزگاریشا ۋنە بکریۆ.
ئۆدری ئازۆلای ئاماژەش پانەیچ کەرڎ کە گوڵستانە و هێرۆ جە کۆمپانیاو چەتر پرۆدێکشنینە هەرمانە کەرێنۍ، کاتێ پەی هەرمانۍ رۆنامەوانی کۆتێبێنۍ ڕا جە ڕاو درۆنێوە تیرۆرۍ کریۍ. هامکات داوایچش کەردەن کە ۋنەپەرسایۆیۍ ورد و قەوەت سەرو مژارەکەی ئەنجام بڎریۆ.
بەپاو ئامارەو یونسکۆی، جە مابەینو ساڵەکا ٢٠٠٦ پەی ٢٠٢٤ زیاتەر جە هەزار و ٧٠٠ ڕۆنامەنوویسا جە سەرانسەرو جەهانینە کوشیێنۍ و چا ژمارەیچە ٩٠٪ و ئی کوشتاریە نەتاوییان بە شێوێوە یاسایی چارەسەر بکریا یاخود بکوژەکۍ بە سزا بیاوا، یونسکۆ بە ئاماژەدای پانەی کە بێ سزایی مەبۆ بە مەڵامەتوو کوشتەی زیاتەری، ئەرەیاۋنانش: "ئی ئاژە فرەو قەختی نیشانۍ خراپتەربیەی ملەملانێ و وڕای سیستەمی یاسایی و دادوەرییا".
|
پانێلێوەنە جە سانت گالێن باس جە کۆمکوژی دێرسیمی کریا
تاریخ شناس سەدات ئولوگانا جە پانێلێوەنە سانت گالێننە باسش جە پەشتەو پەرڎەی و تاریخو کۆمکوژی دێرسیمی کەرڎ.
تاریخ شناس سەدات ئولوگانا جە پانێلێوەنە سانت گالێننە باسش جە پەشتەو پەرڎەی و تاریخو کۆمکوژی دێرسیمی کەرڎ.
شارو سانت گالێنی سویسراینە بە سەرمەشقایەتی ناوەندو جەمەو دیموکراتیکی کوردی (نەجەدەکە-سانت گالێن)ی بۆنەو ٨٧ەمین ساڵیاڎو کۆمکوژی دێرسیمیۆ پانێلێوە سازکریا.
پانێلەکە بە دەیەقێوە بێدەنگی پەی رێزۋنەگێرتەی جە گەشمەرڎا کۆمکوژی دێرسیمی و گرڎو گەشمەرڎا ڕاو ئازادی کوردەسانی دەسش پنەکەرڎ.
تاریخ شناس سەدات ئولوگانا جە پانێلەکەنە قسێش کەردۍ و باسێوە تاریخیش جە بارەو وردەکاری و پەشتەو پەردە تاریخیەکا کۆمکوژی دێرسیمی و چنەکۆتەکێش وستۍ ڕووە.
جە پانێلەکێنە سادات ئولوگانا هەڵوێسەش سەرو ئەرکی تاریخی سەید رەزا دێرسیمی و هەرپاسە مەرامەکۍ دۆڵەتو تورکیچش چا کۆمکوژییەنە بە وردی شیکەردێوە و جوابو پرسیارەو ئامادەبیایچش داوە.
|
ئێرانەنە جە مانگۆو ئۆکتۆبەرینە لاوکەمیۆ ١٦٦ کەسۍ جە قەنارەدریێنۍ
بەپاو ئامارەکا رێکوزیاو مافەکا مرۆڤو ئێرانی، تەنیا جە مانگۆو ئۆکتۆبەرینە لاو کەمیۆ ١٦٦کەسۍ ئێرانەنە جە قەنارە دریێنۍ.
بەپاو ئامارەکا رێکوزیاو مافەکا مرۆڤو ئێرانی، تەنیا جە مانگۆو ئۆکتۆبەرینە لاو کەمیۆ ١٦٦کەسۍ ئێرانەنە جە قەنارە دریێنۍ.
ڕێکوزیاو مافو مرۆڤو ئێرانی ئەرەیاۋناش، کە تەنیا جە ماوەی مانگۆو ئۆکتۆبەرینە لاو کەمیۆ ١٦٦کەسۍ ئێرانەنە دریێنۍ قەنارە کە ئی ڕێژە مقارنە بە ساڵۆو ٢٠٠٧ ی بەرزتەرین ڕێژەن.
بە پاو گوزارشتەو ڕێکوزیاو مافو مرۆڤو ئێرانی، جە کۆو ئا ١٦٦کەسەی جە قەنارە دریێنۍ، ١٣ کەسێشا هاموڵاتیۍ ئەفغانیێنۍ و ٦ کەسێشا ژەنیێنۍ و یووەشا هاموڵاتیۍ ئێرانی-ئاڵمانییەنە.
بەپاو ئی گوزارشتۍ، تۆمەتو زینانیا جە قەنارە دریای بریتیا جە: ٨٠کەسۍ بە تۆمەتو کوشتەی بە ئەنقەسی، ٦٤ کەس بە تۆمەتو مادەی هۆشبەری، ١٢ کەسۍ بە تۆمەتو خراپەکاری سەرو زەمینی".
هەرپاسە دووۍ چا کەسا ۋەرو چەما خەڵکینە جە قەنارە دریێنۍ.
ڕێکوزیاو مافو مرۆڤو ئێرانی ئاگایش دا جە زیاڎبیەی جە قەنارەدایەکا جە چن مانگی ئاینڎەنە بە مەڵامەتوو جەنگو ئێرانی و ئیسرائیلیوە و ویستو هەوڵدای تایبەتی گلێرگەیی مېیاننەتەوەیی، ئەرەیاۋنای و ئەرەمەرزیا مەدەنییەکان دژ بە پەرە ئەسای جە قەنارەدایەکا جە ئێرانەنە.
بە پاو ئامارەو ئی ڕێکوزیایە، جە ماوەو ١٠مانگا یووەمو ساڵۆو ٢٠٢٤،ینە لاوکەمیۆ ٦٥١ کەسۍ جە زینانەکا حکوومەتو ئێرانینە جە قەنارە دریێنۍ.
|
هەشتەمین فیتستیڤاڵی مېیاڼەتەوەیی شانۆیی جاڎەی کەرکوکەنە دەسش بە چالاکییەکاش کەرڎ
بە بەشداری ژمارېوە فرە جە هونەرمەڼا و شانۆکارا ١٤ وڵاتا، بە مەراسیمێوە هونەری فێستیڤاڵی شانۆی جاڎەو کەرکوکی دەسش بە هەرمانە و چالاکییەکاش کەرڎ.
بە بەشداری ژمارېوە فرە جە هونەرمەڼا و شانۆکارا ١٤ وڵاتا، بە مەراسیمێوە هونەری فێستیڤاڵی شانۆی جاڎەو کەرکوکی دەسش بە هەرمانە و چالاکییەکاش کەرڎ.
رۆو ٦و مانگەی ۋییەرڎۍ بە بەشداری هونەرمەڼا و هونەردۆسا، جە بازاڕو بۆلیڤاردینە جە شارو کەرکوکو پانیشتوو کوردەسانی، چێرو نامونیشانو (پێوەرە ژیۋای) هەشتەمین فێستیڤاڵی شانۆی کەرکوکی بە بەشداری هونەرمەڼا و شانۆکارا ١٤ وڵاتا دەسش بە هەرمانەکاش کەرد. جە ماوەو فێستیڤاڵەکەینە زنجیرێوە شانۆیۍ جاڎەی و شانۆیۍ دلۍ هۆڵی پێشکەشۍ کریۍ و جە ڕوانی ئایندەیچەنە ژمارێوە شانۆیۍ تەرۍ پێشکەش مکریا.
**
شەوەو شەممەی، بە مەراسیمێوە هونەری شارو کەرکوکو پانیشتوو کوردەسانینە فێستیڤاڵی شانۆی جاڎەی مېیاننەتەوەیی کەرکوکی چێرو دروشمەو (پێوەرە ژیۋای)نە ئەرەیاۋییا، سەرەتاو مەڕاسیمەکەینە، هونەرمەڼا و هونەردۆسا و شانۆکارا جە جاڎەو پارێزگاو کەرکوکینە کوۍ بیێوە و زەماۋنەشا گێڵنا، دماتەر دەسشا بە ڕاپیمای کەرد پەی ماوەو دووۍ کیلۆمەترا و بەدرێژایی جاڎەکەی شانۆو هەرمانەی هونەریێشا پێشکەش بە هاموڵاتیا کەردۍ.
دماو یاوای هونەرمەڼا و شانۆکارا بە هۆڵو بۆلیڤاردی سەعات ٥:٣٠ دەیەقۍ وێرەگای دەس بە چالاکییەکا کریا کە چن نمایشێوە هونەری پێشکەش کریۍ و چڼین هونەرمەڼۍ خەڵاتو ئاڵتونی فێستیڤاڵیشا پنە بەخشیا.
'ئێساڵ فێستیڤاڵی فاڕمێوە پەی ناوچەکاو پێکئامایەکا تەری'
نەژاد نەجم سەرۆکو فێستیڤاڵی پەی ئاژانسو هەواڵوو فوڕاتی ی(ANF) قسێش کەرڎۍ و واتش: "ئی فێستیڤاڵە پەی ماوەو یەرۍ ڕووا بەردەوام بۆ، چا چوارچێوەنە یەرۍ وۆرکشۆپێما هەنۍ و هەرپاسە پەنج کتێبۍ چاپکریۍ تایبەت بە شانۆیما هەنۍ چنی پانێڵ و تۆژینەوەی، ئا کەرنەڤاڵ و مەڕاسیمە گۆرەی کە ئارۆ گرڎو شاریش مردنا یۆن جە هەنگامە گۆرەکا کە ساڵانە ئی فێستیڤاڵە وەڵێکۆتەی پۆ ۋێشۆ موینۆ، زیاڎ جە ٢٥٠ مێمانا جبەریما هەنۍ چی فێستیڤاڵەنە، ئا شۆنۍ کە دەسنیشان کریێنۍ پەی نمایشو شانۆکاری بریتییا جە جاڎەکا مېیانو شاری و زانشتگە و مۆڵەکا جە ۋێش گێرۆنە ئۍ ساڵ جیاواز جە ساڵا ۋییەردەی زیاتەر گرنگیما پانەی دان کە شانۆکا فاڕمێوە پەی ناوچە عەرەبی و تورکمانییەکان"
'ئی فێستیڤاڵە وێنێوە زەریفو کوردەسانیش نیشانەو جەهانیدا'
لەیلا مەجیدیە ژەنە ئاکتەرێوە سینەمای و شانۆینە و لەیلا سەبارەت بە فێستیڤاڵەکەی واتش: "فێستیڤاڵی مېیاننەتەوەیی شانۆیی جاڎەو کەرکوکی یۆن چا فێستیڤاڵا کە ساڵانە بەشێوێوە زەریف نیشانە مڎریۆ و ساڵ دماو ساڵی ئی فێستیڤاڵە سەرو ئاستی مېیاننەتەوەیی وەڵێکۆتەی زیاتەر بەۋێشۆ موینۆ، چی فیستیڤاڵەنە فرەو وڵاتاما دیۍ کە هەریۆشا و دەنگ و ڕەنگێوە تایبەت بە ۋێش بۍ، جە شارە زەریفەکەو کەرکوکینە گرڎو شێوە جل و بەرگۍ کوردی و زاراوەکا کوردی (سۆرانی، کرمانجی، کەلهوری، هەورامی و بادینی) چۍ ئامادەیشا بۍ ، ئینەیچ وێنێوە زەرفو کوردەسانیش نیشانەو جەهانیدا".
'تاتەم خەڵکو ۋەرکۆتین و ئەڎام پانیشتیەنە'
هەرپاسە لەیلا مەجیدیە، سەبارەت بە بەشداری کەردەیش چی فێستیڤاڵەنە واتش: "ساڵانی ۋییەردەنە بە بەرهەمی شانۆیی بەشداریم چی فێستیڤاڵەنە کەردەن، جە زاوڵەییۆ ئەکتەرەو شانۆی سەر جاڎەی و سەر ستەیجی، ئەکتەرەو فیلم و درامای بیێنا، من خەڵکو ۋەرکۆت و پانیشتوو کوردەسانینا، چونکی تاتەم خەڵکو سنەین جە ۋەرکۆتوو کوردەسانی و ئەڎام خەڵکو خانقینینە جە پانیشتوو کوردەسانی".
ئی فێستیڤاڵە مەبۆ بە مەڵامەتوو ئشناسای کولتور و هونەری کوردی بە جەهانی
لاو ۋێشۆ، مسەفا ئەحمەڎ ئەکتەری نامیەو پانیشتوو کوردەسانی، سەبارەت بە فێستیڤاڵەکەی واتش: "ئی جۆرە فێستیڤاڵە مېیاننەتەوەیۍ بانۍ بە مەڵامەتوو ئشناسایما بە ووڵاتا جەهانی ئینەیچ یاگۍ دەسوەشی میللەتەکەیمانە، ئی فێستیڤاڵاۍ دەوری گۆرەشا مەبۆ جە ئشناسای کولتوری و هونەری کوردی بە هونەرمەڼا ووڵاتا جەهانی، شارو کەرکوکو کوردەسانی گرنگی ۋێش هەنش پەی ئێمەی هونەرمەڼا کوردی، کەرکوک بەردەوام ڕووبەڕوو ستەمی بیەنۆ سەرو دەسو تەمامو رژێمەکا عێراقینە پۊکەی کۆششەکا ڕێکوزا فێستیڤاڵی شانۆی جاڎەی مېیاندەوڵەتی بەرز هۆرسەنگنمۍ، بەدرێژایی تاریخی شارو کەرکوکی هونەرمەڼۍ و رۆشنۋیرۍ هۆرکۆتێش چنەبیێنۍ، بەڵام داخەم نمەشۆ بەمەڵامەتوو ئانەی کە چێردەسۍ رژێمەکا وەڵتەری بیێنمۍ پۊکەی نەتاوانما هونەر و هونەرمەڼاما بە جەهانی بشناسمۍ".
|
هەڤال عومەرو حاجی حسێنی پێشمەرگەی قەڎیمی و وڵاتپارێز، کە ٤٥ ساڵۍ تەمەنیش دلۍ ئەرەکۆشای نەتەوەیی گەلوو کوردینە بیەن و تا دما هەناسەش جە کۆششی نەتەوەیی و ڕەنج و وڵاتپارێزنیی نەبڕیارە و جیانەمەن، شەوەو ٢ۍ تشرینو دووەمو ٢٠٢٤ بە مەڵامەتوو ۋنوەربیەی جگەریشۆ دماو چن ڕوۍ مەنەیۆیش جە خەسەخانەنە عەمرەو خوڎایش کەرڎە.
کۆمیتەو پەیوەندییەکا جبەرو کۆما جڤاکێن کوردەسان-کەجەکە، پا مەڵامەتۆ پەیامێوە سەرەوەشیش وەڵاکەردۆ.
دەقو پەیامەکەو کەجەکەی پی جۆرەنە:
پەی ڕای گرڎینی
بە داخ و ئەسەفێوە فرۆ هەواڵو کۆچی حەقەتینو کەسایەتی کۆششکاری و قارەمانی، پێشمەرگەی قەڎیمی و نیشتمانپەروەری “عومەرو حاجی حسێن”یما لا یاوا، پی بۆنە خەمناکۆ پەرسە و سەرەوەشی ۋێما ئاراسەو گرڎو گەلوو پانیشتوو کوردەسانی، گەلەکەیما جە کەرکووک و چەمچەماڵ و بەتایبەتیچ بنەیانەو ئێژا هەڤاڵ عومەری مکەرمۍ.
هەڤاڵ عومەرو حاجی حسێنی جە قولەپۆپەنە نوێنەرایەتی هەستی شۆڕشگێڵنیی و نیشتمانپەروەریی کەرۍ
و بە درێژایی ٤٥ ساڵا هەمیشە پەی ئازادیی و یۆبیەی گەلوو کوردی، سەرەمڕە کۆشش و ئەرەکۆشایش کەرڎ و بە درێژایی تەمەنو ۋێش جە دژو ئەرەگیرا سەرو کوردەسانی خاوەن هەڵوێس بۍ، ئاڎ پېسە خۆنکارێوە بە ئەمەکو گەشمەرڎەی سەرمەشقی و سەرکردەو گەلەکەیما هەڤاڵ ئارامی، پېسە پێشمەرگێوە قارەمانی، بە هەست و بە ئیراڎە و بە جەسەو ۋێش وەرگەو زینانیی کەردەی و ئەشکەنجە و گوللەوارانو ڕژێمو سەدامیش گێرت و جە ۋەرا ۋەرو زوڵم و ئەرەگیری سەدامو سەردەمینە واتە ئەردۆغانی فاشیستی و چەتە بەکرێگرتەکاشەنە بە هەمان هەست و ئیراڎۆ درێژەش بە ئەرەکۆشای و ۋێڕاگری دا، ژیۋای هەڤاڵ عومەرو حاجێ حسێنی داسانی ئازایەتیی و گیانبازیی و قارەمانیی و سەرچەمەو ورەین، هەستی نیشتیمانپەروەریی و نەتەوەیی هەڤاڵ عومەری تەنیا بە پانیشتوو کوردەسانیوە سنووردار نەبۍ، بەڵکم سنوورە دەستکردەکێش ۋییەرنۍ بێنۍ و جە ناخو زېڵێشۆ بڕواش بە یۆبیەی نەتەوەیی بۍ، هەر پۊکەی جە دژو جەنگی سەپیاو دلێینەی جە پانیشتوو کوردەسانینە هەڵوێسش هۆرگێرت، ئا زیهنییەت و سیاسەتەشە ڕەڎکەردۆ کە ڕاش پەی وەش مکەرۆ و جە زێلە گۆرەکۍ ۋێشەنە ڕا پەی گرڎ گەلۍ و گرڎو کوردەسانی و گرڎو مرۆڤایەتی کەردۆ، سەرو ئی بنەمایۍ بە ئەنەیاوایۍ قووڵ جە فەلسەفە و ژیۋای ڕابەر ئاپۆی، بە پارادایم و ویرۍ تازۆ، پەی ئاردەینە زیهنییەت و سیاسەت و کلتوورێوە تازەی جە پانیشتوو کوردەسانی و ئازادیی و یۆبیەی نەتەوەیی جە هەر چواربەشو کوردەسانینە درێژەش بە ئەرەکۆشایۍ هەمەلایەنەی دا و جە هیچ فیداکاریێ و جە ۋۍ ۋییەردەیۍ درێخیش نەکەرد.
کۆچو هەڤاڵ عومەری خەسارەتێوە گۆرەن پەی گەلەکەیما و ئاڎ پێسە گەشمەرڎێوە سەربەرز و خاوەن میراتێوە گۆرەی شۆڕشگێڵنیی هەمیشە جە یاڎ و ویرەوەری گەلوو کوردەسانی و شۆڕشگێڵنا و وڵاتپارێزانە مەنۆوە و مەبۆ بە ڕانیشاندەرو کۆششی و ئەرەکۆشای، جارێوەتەر پەرسە و سەرەوەشی ۋێما پێشکەش مکەرمۍ، هیواڎارێنمۍ گیانو هەڤاڵ عومەری بە بەهەشتی بەرین شاڎ بۆنە و سەبووری و دڵنەوایی بە گەلی و هەمڕایا و بنەیانەیش بڎۆ".
|
جە ئەرەیاۋنێوەنە پارتو ژیۋای ئازادی کوردەسانی ئەرەیاۋنانش: "رۆو ٧ی خەزەڵوەرو ١٤٠٣ (٢٨و ئۆکتۆبەرو ٢٠٢٤) سەرو ڕاو پیرانشار – مەهابادینە هێزەکۍ ئیتلاعاتی بە هامکاری سوپاو پاسدارا و بەرکرێگرتا ناوچەکەی بە شێوێوێوە ناجوامێرانە هەڤاڵما شۆڕش قەڵات (مەولان رۆستەمی)یشا بە دەسڕێژو گولـلا گەشمەرڎە کەردەن و دماتەر پەی شارایۆ ئی کردەوە نامرۆڤانەیشا سیناریوێشا متەنەرە کە گوایە هێزەکێشا گروپێوەشا دلێنە بەردەن کە جە هەرێمو کوردەسانیوە لوێنۍ دلۍ ئێرانی".
پەژاک سەرەڕاو ڕەڎکەردەیۆ ئا بانگەشا ئەرەیاۋنانش: "گرڎو ئا زانیارییە پەڕ جە چەواشەکارییەو رژێمو ئێرانی ڕەڎ مکەرمێوە و بە تنی رژێمو سەرکوتی و قەنارەی شەرمەزار و رسوا مکەرمۍ و جە هەمان کاتەنە رای گرڎیی گەلەکەیما، وڵاتپارێزنا، بنەیانە و کەسوکارو هەڤاڵی گەشمەرڎەیما و گەل و گلێرگەو ئێرانی ئاگاڎار مکەرمێوە کە هەڤاڵ "شۆڕش قەڵات" رۆڵەو ئی خاک و دەگا و بنەیانە وڵاتپارێزنەیە بیەن و ساڵۆو ٢٠١٥ ی پێوەس بیەن بە ریزەکاو رێکوستەی و پارتەکەیماوە و بە درێژایی ئی ماوەیە جە دلێینەو وڵاتینە سەرحاڵو هەرمانەو رێکوستەی و چالاکی مەدەنی و هوشیارکەردەیۆ گەلی بیەن و چی ڕێنە تا ئەندامیەتی جە مەجلیسو پارتەکەیمانە پلەکێش بڕیێنۍ و تا سەر قەناعەتش بە چالاکی و کاری مەدەنی و دلۍ بەرەو گەلینە بیەن و پەی ئینەیچ بەشێوێوە قارەمانانە ئەرەکۆشان. بە پێچەوانەو گرڎو بانگەشەکاو رژێمی، هەڤاڵما "شۆڕش قەڵات" کەسایەتیێوە تاسەر وڵاتپارێزن و شۆڕشگێڵنێوە قارەمان بۍ کە پەی ئاردەی دی ئاوات و داوکارییەکا گەلەکەیش و پێوەرە ژیۋای ئاشتیانەی و دیموکراتیکی گەلا گرڎو هەوڵەکاش وستێبێنۍ گەڕ و چی ڕێنە سڵ نەکەرێوە و هیچ چێوۍ نەتاوۍ بۆ بە لەمپەر و کۆسپ جە ۋەرا ۋەر بە هەوڵ و ئەرەکۆشای و چالاکییە رێکوزیایەکەیشەنە دلۍ گەلەکەیما و گلێرگەینە.
هەر جە ئەرەیاۋناکەو پەژاکینە ئامان: " بۆنەو گەشمەرڎەبیەو ئی رۆڵە بەقیمەتەو گەلەکەیما و ئەندامو مەجلیسو پارتەکەیماوە سەرەوەشی جە بنەیانە، زاوڵا و گرڎو هەمڕایا و وەشەسیایاش مکەرمۍ و قەول واوەی مکەرمێوە کە سەرو رێبازەکەیش کە رێبازو ئازادی، یەکسانی و مرۆڤایەتیا پەرە بە ئەرەکۆشایما بڎەیمۍ".
هەڤاڵ شۆڕش کەسایەتیوە جە ۋۍ وییەردە و کەسێوە کۆمەڵایەتی بۍ. هەرچڼە ژیۋای هامبەش و هامژینیش ئەزمون کەردەبۍ، بەڵام ئینەش نەکەرڎ بە لەمپەرێوە ۋەردەمو ئەرەکۆشای و کۆششی ئازادیوازانەینە و گرڎ کاتۍ جە هەڵوێس و قسەکاشەنە جەخت کەرێوە کە ژیۋای هامبەش و دیموکراتیک، تەنیا بە ئەرەکۆشای و کۆشش و وڵاتپاڕێزنی و وەشەسیایی وڵاتی دەسەبەر بۆ، پا جۆرە ئەرەمەرزیۆ، جگە چانەی ئامێتەو خیانەتین و سەرنجام ۋۍ دایدەسۆن.
هەڤاڵ شۆڕش قەڵات بە رەنج و هەوڵ و مانیایەکاش و بیەو کەسایەتیێوە کۆششکاری ئشناسیابۍ. پێوەس بۍ بە گەل و وڵات و ئازادی وڵاتەکەیش و پێوەرە ژیۋای گەلا و جە گرڎو بوارەکا ئەرەکۆشاینە بەبێ دڕدۆنگی و دووەدڵی بەشداری کەرۍ و گرڎو هەوڵ و تواناکاش جە ڕاو ئاردەی دی ئامانجەکاو شۆڕشی و ئازادی گەلینە بەکار بەرۍ. بە سادەیی ژیۋا و عیلاقێوە تنوتۆڵ چنی ناوەندە جەماوەرییەکا و هەڤاڵاش ساز کەرۍ و هەڤاڵیەتی و بنەما ئەخلاقییەکۍ بناغەو هەڵسوکەوتیش بێنۍ.
چالاکیی کۆمەڵایەتی و جەماوەری سەرەتاییتەرین یاساو گەلان، کە تەمامو دنیۍ ئانەشا بە ڕسمی ئشناسان، بەڵام رژێمو ئێرانی بە پاگیری سەرو سیاسەتی نادیموکراتیکی و نامرۆڤانەو ۋێش بە درێژایی زیاتەر جە ٤٠ ساڵا نیشانەدان کە هیچ کام چی بنەما و پیمەرە مرۆیی، ئەخلاقی، کولتوری و سیاسیا گەلا بە رەوا نمەزانۆ. گەلەکەما و گلێرگەو کوردی و گرڎو گلێرگەکا دلۍ ئێرانی مشۆم بزانا کە تەمامو بانگەشەکاو رژێمی پەی فاڕیای، دوورێنۍ جە حەقەتینی و هیچ چێوۍ نیەنۍ جگە جە چەواشەکەردەی خەڵکی و جە ئیساتێچەنە موینمۍ کە کوشتار و گێرتەی و جە قەنارەدای و سیاسەتە هامشێوەکا تەرو رژێمی پېسە ۋێشا بەردەوامێنۍ.
جارێوەتەر بە نوێنەرایەتی جمېیەرەکەیما، پارتو ژیۋای ئازادی کوردەسانی (پەژاک) چنی بنەیانەی و گرڎو کەسوکارو گەشمەرڎەکاما و گەلەکەیما و گرڎو ئازادیوازا پەیمان بینمۍ کە گەشمەرڎە بیەو هەڤاڵ "شۆڕش قەڵات"ی و گرڎو گەشمەرڎا تەرو ڕاو ئازادی ئێمە جە ئەرەکۆشای دوورۍ نمەوزۆوە و بە پێچەوانۆ پەی یاوای بە ئاوات و ئامانجەکا گرڎو گەشمەرڎا ڕاو ئازادی و پێوەرە ژیۋای ئازادی و دیموکراتیکی گەلا بە کۆششێوە زیاتەرۆ ئەرەکۆشای و چالاکییەکاما بەرەو وەڵۍ بەرمۍ. داوایچ جە گەلە وڵاتپارێزن و نیشتمانپەروەرەکەیما مکەرمۍ کە پەی بەرزڕاگێرتەی یادو گەشمەرڎە شۆڕشی و گرڎو گەشمەرڎاشا و پەی وەفاداری پایشاوە، ڕاو بنیاڎنیای ژیۋای ئازادی و ئەرەکۆشای بە ئەرکی ئەخلاقی و سیاسی ۋێشا بنیارە و جە ڕاو یاوای پی ئاستیە جە گرڎ ساتێنە کەسایەتی ۋێشا سەرو بنەماو ئازادیوازی پەروەردەبکەرا. پی جۆرە متاومۍ لایەق بە هەمڕای چنی هەڤاڵ شۆڕشی بیمۍ و تا هەتا هەتان بە هەرمانی و نەمری بازمێشاوە. پەیمان و قەولما پەی حەقکەردەیۆ، حەقکەردەیۆیۍ حەقەتینا چی جەهانە نامرۆڤانە و پەڕ جە هۆرخەڵەتناینە. گەشمەرڎۍ بە رێبازەکەیشاوە زیڼێنۍ، گەشمەرڎە شۆڕش گرڎ کاتۍ زیڼەن و گەشمەرڎۍ خاوەنو حەقەتینەو ئی خاک و وڵاتەینۍ.
زانیاریی سەرو ئشناسنامەو گەشمەرڎەی ئینەن:
ناسنامۍ: شۆڕش قەڵات
نامۍ و دمانامۍ: مەولان رۆستەمی
نامۍ ئەڎۍ: زەهرا
نامۍ تاتەی: حسێن
جە ئەڎابیەو: ١٩٧٩ دەگاو سیسێری سەردەشتی
پێوەسبیەی بە ریزەکاو ئەرەکۆشای: ٢٠١٥
گەشمەرڎەبیەی: ٧و خەزەڵوەرو ١٤٠٣- ٢٨و ئۆکتۆبەرو ٢٠٢٤
|
"ئەر دۆڵەتو تورکی ئاشتیش گەرەکا، مشۊم سەرەتا بەرەو ئیمڕاڵی بکەرۊوە"
نویسەرېوە و چالاکۍ ڕامیار، واتشا: "چارەسەرو پرسو ئاشتی ئینا ئیمڕالی پەی ئانەی چارەسەری بۊ مشۊم گۊشەگیری هۆرگیریۆ و مەرجەکۍ پرۆسەو ئاشتی قبوڵۍ بکریا."
نویسەرېوە و چالاکۍ ڕامیار، واتشا: "چارەسەرو پرسو ئاشتی ئینا ئیمڕالی پەی ئانەی چارەسەری بۊ مشۊم گۊشەگیری هۆرگیریۆ و مەرجەکۍ پرۆسەو ئاشتی قبوڵۍ بکریا."
دۆڵەتو تورکی قڕکەری و فاشیستی جە هرووژم و ئەرەگیری پەی سەرو پانیشتوو کوردەسانی و ۋەرنیشتوو کوردەسانی بەردەواما و دەسەڵاتدارا پانیشتوو کوردەسانی و دۆڵەتو عێراقیچ بێدەنگێنۍ و تائاستێوەیچ هامکارۍ ئا هرووژمە ئەرەگیریانۍ. چی بارۆ هەریۆ جە نویسەر سمکۆ سابیر و چالاکوابی ڕامیار جومعە کەریم پەی ئاژانسوو هەواڵوو فوراتی (ANF)ی قسێشا کەردۍ.
جە سەرەتاو قسەکاشەنە سمکۆ سابیر باسش چانەیە کەرڎ کە هەرکاتێ ئەرەگیرا کوردەسانی درکشا بەلاوازبیەی ۋێشا کەردەبۆ پەناشا پەی پرسو ئاشتی بەردەن و واتش: "وڵاتا ئەرەگیری جە پرسو ئاشتیینە ڕاسواچۍ نیەنۍ، هەمیشە گەرەکشانە کوردی گەلوو کوردی فریو بڎا. بەتایبەتی جە ئیساتێنە جەمۍ فاریایۍ مېیاننەتەوەییۍ ئینۍ ئارانە تورکیا تەرسۆ بەشێوە جە خاکەکەیش جە دەس بڎۆ و دما گنۆ.
هەرپۊکەی تورکیا جەمۍ سیناریۆیێش ئینۍ دەسۆ باسو ئاشتیی و مافوو گەلوو کوردی مکەرۆ بەڵام ئیمە مزانمۍ جە ۋییەردەنە چن جارێوە پەکەکە ئاێربەسش ئەرەیاۋنان دۆڵەتو تورکی پابەڼ نەبیەن پۆشۆ."
'حەجگیز قەندیل چەک نمەنیۆرە'
جە دما دمایی قسەکاشەنە ئاماژەش پانەی کەرڎ کە دۆڵەتو تورکی ڕاسواچ نییا باس جە پڕۆسەو ئاشتی مکەرۆ جە هەمانکاتەنە هرووژم مکەرۆ. واتش: "دۆڵەتو تورکی ڕاسواچ نییا ئا کاتەی باس جە پڕۆسەو ئاشتی مکەرۆ جە پانیشتوو ۋەرنیشتوو کوردەسانینە کۆمکوژی ئەنجام مڎۆ، دارسان و دەگایەکا کاولۍ مکەرۆ زەرەرۍ فرەش بە ۋەرنیشتوو کوردەسانی یاۋنان.
هەرچڼە دیڎارو سەرۆکایەتی بۍ و دۆڵەتو تورک گەرەکشا بەکارش بارۆ و قەندیل چەک بنیۆرە بێگومان ئینەیچ حەجگیز ڕووە نمەڎۆ پېسە ئانەی باسم کەرد جە ۋییەردەنە قەندیل ئاێر بەسش ئەرەیاۋنان بەڵام تورکیا پاشێلکاریش کەردەن و ئاشتیش گەرەک نەبیەن."
'مشۆم پرۆسەو ئاشتی جە ئیمڕاڵییوە بۆ'
لاو ۋێشۆ چالاکوانی ڕامیار جومعە کەریم باسش چانەی کەرڎ کەگەلاو ۋەرکۆتوو مېیامینی پەنەوازشا بە ئاشتیێوە حەقەتینی هەن و واتش: "مشۆم پرۆسەو ئاشتی جە ئیمڕالییوە بۆ ئەر نا پرۆسەو ئاشتیی نییا. ژنیما دەسەڵاتدارا تورکیای بڕۆ کەلیمێشا دەربارەو ئاشتی باس کەردۍ، بەڵام جە هەمانکاتەنە بۆمبۋاران و ئەرەگیری ئەنجام مڎا جە ۋەرا ۋەرو پانیشتوو کوردەسانی و ۋەرنیشتوو کوردەسانینە.
هەرپۆکەی ئی دووە چێوۍ یۆی نمەگێراوە مشۆم دۆڵەتو تورکی ۋێش یەکلایی بکەرۆوە یاخود ئاشتی ئەنجام بڎۆ و جە هرووژم کەردەی مردۆ یا ئانەن جە هرووژمەکاش بەردەوام بۆ کە سەرو ۋێشەرە مەڕیۆوە."
'جە جبەرو ئیمڕاڵی هیچ پرۆسێوە ئاشتیی حەقەتینە بیەیش نییا'
جە دما دمایی قسەکاشەنە جومعە کەریم ئاماژەش پانەی کەرڎ کە گەلوو کوردی دۆڵەتو تورکی مشناسۆ پۊکەی ئەر ئاشتیش گەرەکا مشۆم ڕاسواچ بۆ ئەرنا هیچکات ئاشتی بەرقەرار نمەبۆ. واتش: "گەلوو کوردی و تەڤگەرو ئازادی کوردیچ ئا حەقەتینیە مزانا کە پرۆسەو ئاشتی ئینا ئیمڕاڵیی، جە جبەرو ئیمڕاڵینە هیچ پرۆسێوە ئاشتی حەقەتینە نمەبۆ، پۊکەی ئەر دۆڵەتو تورکی ئاشتیش گەرەکا مشۆم بەرەو ئیمڕاڵی بکەرۆوە."
|
کەژەکە پەیامێوەش پەی کۆچی دماینو ئەرەمەرزنەرێوە ئەڎایا دی پلازا دی مایۆی وەڵاکەردۆ
کەژەکە پەیامێوە سەرەوەشیش پەی کۆچی دماینو یووە جە ئەرەمەرزنەرا ئەڎایا پلازا دی مایۆی ئەرژەنتینی میرتا ئاکونا دی باراڤالۍ وەڵاکەردۆ.
کەژەکە پەیامێوە سەرەوەشیش پەی کۆچی دماینو یووە جە ئەرەمەرزنەرا ئەڎایا پلازا دی مایۆی ئەرژەنتینی میرتا ئاکونا دی باراڤالۍ وەڵاکەردۆ.
هێزی یووە جە ئەڎایا ئاشتیی ئەرژەنتینی میرتا ئاکونا دی باراڤالە جە تەمەنو ٩٩ ساڵینە عەمرەو خوڎایش کەرڎە. پەی کۆچی دماینو ئا ئەندامە ئەرەمەرزنەرۍ جمېیەرو ئەڎایا پلازا دی مایۆی، کەژەکە پەیامێوە سەرەوەشیش وەڵا کەردۆ.
ئینە دەقو پەیامەکەین:
"پەی ژەنا کۆششکارۍ ئەرژەنتینی و ئەڎایا پلازا دی مایۆی!
هێزی بە خەمێوە قووڵۆ زاناما کە میرتا ئاکونا دی یووە جە ئەرەمەرزنەرا ئەڎایا پلازا دی مایۆی کۆچی حەقەتینش کەرڎەن. پېسە جمېیەرو ژەنا کوردی کەژەکەی جە کەسایەتی قارەمانانەو میراتا ئاکونا دی باراڤالێنە، سەرەوەشی جە گرڎو ژەنا کۆششکارۍ ئەرژەنتینی و ئەڎایا پلازا دی مایۆی مکەرمۍ. هامبەشۍ خەمیتانمۍ. هەمڕۍ بە قیمەتەما باراڤالە، جە ساڵۆو ١٩٧٧یوە تا ١و تشرینو دووەمو ٢٠٢٤ تەمەنێوە پەڕ جە ئەرەکۆشایش ڕایی کەرڎ. تا کاتو کۆچی حەقەتینیش جە ژیۋاینە بیە بە دەنگو گرڎو ئا ئەڎایا کە بەمەڵامەتوو ستەم و فاشیزمیوە زاوڵێ و نەوەکێشا بێسەروشۆنۍ بیۍ.
جە حەقەتینەنە سەردەمو کودەتاینە جە ئەرژەنتینەنە ژەنی یووەمین چالاکیی رێکوزیایشا جە دژو پاشێلکارییەکا مافەکا مرۆڤی جە ڕاو پلازا دی مایۆیۆ ئەنجامدا. ئا ئەڎۍ کە زاوڵۍ و نەوەکێشا بە زۆرەملێ بێسەروشۆنۍ کریۍ و پەی زانای چارەنویسو رۆڵەکاشا، رووبەڕوو ناحەقی گۆرەی بیێوە. ئا مڎرامان و ئیراڎە ئیلهامبەخش بۍ پەی ئەرەکۆشای گەلا تەریچ، ئێژا میرتا ئاکونا دی باراڤالە درێژەش بە دۆسایەتی ۋێش چنی گەلوو کوردەسانی و بە تایبەتی ئەڎایا شەممەی دا. داخەم نمەشۆ سەرەڕاو گرڎو رەنج، مڎرامان، ئەرەکۆشای، هەوڵدای، تامەزرۆیی و پەرۆشیشۆ نەتاواش ۋێش بە نەوەکاش بیاونۆ.
سەرەڕاو ئا گرڎو ستەمە گۆرەیە، حەجگیز پاشەکشەش جە ئەرەکۆشای شکۆمەندانەیش نەکەرد. بە ویر، باوەڕ، ئازایەتی و تامەزرۆییوە، بیە بە هێماو ئەرەکۆشای. ئاڎۍ بە غیرەت و دڵسۆزی ۋێشا شۊنەماو ۋێشانە میراتێوە مڎرامانیشا وەشکەرڎ. جە دژو کاربەدەسا، دیکتاتۆرەکا و فاشیستەکا پەی ڕوێوەیچ جە وەرمو ئازادی، دادپەروەری و ناحەقی دوورنەکۆتۆ. ئێمە ئارۆنە پېسە جمېیەرو ژەنا کوردی ڕێوگارۍ ڕا و ئەرەکۆشای حەقیقەتو ئەڎایا پېسە میرتا ئاکنا دی باراڤالێنمۍ. ئێمە جە هەر ساتێوە ئەرەکۆشایمانە خیاڵەکاما پەی ژیۋایۍ دادپەروەرانەی و ئازادی گۆرە مکەرمۍ.
بەڵێ وەرگریکارەو دادپەروەری و ئازادی، دۆسەی بەقیمەتەما حەجگیز تۆ جە یاڎ نمەکەرمۍ. شمە سەلەمناتا کە گۆرەبیەی و گۆرەتەرین پیرۆزبیەی ئەرەکۆشاین پەی دادپەروەری. بێ خەمەبە ئەڎای کۆششکارە، وەرمو ئاواتەکا تۆیچ هۆرگێرمۍ. جە ئەرەکۆشایمانە شمە بە زیڼەیی مازمێوە. ئاڵاو مڎرامانیتا ئینا دەسو ئێمۆ.
ئێمە بە شۆکنایۆ سەرپۆشی چەرمەیما، بە دڵنیاییوە پرسو دادپەروەری سەروزمۍ."
|
هەرێمو نۆرماندی فەرەنساینە سەبارەت بە پێشئامایەکا کوردەسان-تورکیای و ۋەرکۆتوو مېیامینی، هەرپاسە دیڎار چنی رابەر ئاپۆی، گۆشەگیری ئیمراڵی و هێڵۆو مڎرامانی گلێرۆبیەو گەلی ئەنجامدریا.
ڕامیاریمەدار مسەفا ساریکایا و ئەندامو دیوانو کۆنگرەو جەمە دیموکراتیکەکا کوردەسانیا جە ئۆروپا (کەجەدەکە-ئە) موراد جەیلان قسێشا کەرڎۍ.
مشۆم زیاڎ جە گرڎ چێوۍ پەی ئازادیی رابەر ئاپۆی ئەرەکۆشمۍ
مسەفا ساریکایا هۆرسەنگنایش پەی سیستەمو قڕکەردەی، گۆشەگیر و ئەشکەنجەو ئیمراڵی و ئەرەکۆشای جە دژو ئانەی کەرد و واتش، "گۆشەگیری سەرو رابەر ئاپۆی بەردەواما. ئەگەر گۆشەگیری بەردەوام بۆ، مشۆم مڎرامانیچ بەردەوام بۆ؛ مشۆم ئانەی بزانمۍ. ئا دیڎارەی ئەنجامدریا، بەرهەمو هەڵمەتەو ئازادی و مڎرامانی بۍ. ئانە پرۆسێوە چارەسەری نییا. مشۆم ئینسان پانەی هۆرنەخەڵەتیۆ و چەواشە نەکریۆ؛ تا ئا کاتەی ئازادی رابەرایەتی دەسەبەر بۆ، ئێمەیچ مشۆم پەرە پا هەڵمەتۍ بڎەیمۍ. ڕا بە دیڎاری دریا؛ فاشیزم یاوانە کە ئیتر چانەی زیاتەر جە ۋەرا ۋەرو مڎرامانینە نمەتاوۆ وەرگە گێرۆ. رابەرایەتی ئازاد مەبۆ، ڕێوەتەرە نیەنە. وەڵێکۆتەی و مشتومڕەکۍ گرڎ ئینۍ دەورو کوردی و کوردەسانیوە. ۋەرو ئانەیچ پەنەوازشا بە رابەر ئاپۆی هەن. رابەر ئاپۆ بە واتەی 'ئا قوەتمە هەن کە پرسو کوردی جە بوارو جەنگیوە فاڕووە پەی بوار و زەمینەی سیاسی و یاسایی؛، دەسوەردایش جە پرۆسەکەنە کەرد. پېسە گلێرگەی مشۆم جە گرڎ کاتۍ زیاتەر پەی ئازادی رابەر ئاپۆی ئەرەکۆشمۍ و بە رۆحو هەمڕایا ئاسیا عەلیۍ و رۆژگەر هێلینی کە ئەنقەرەنە ۋێشا فیدا کەرڎ، هەنگام بنیەیمۍ".
ئەندامو کەجەدەکە-ئەی موراد جەیلانیچ دەسنیشانش کەرد کە گەلوو کوردی مشۆم جە گرڎ شۆنێنە رێکوستەی ۋێش قەوەت بکەرۆ و واتش، "ڕاو دەسەبەرکەردەی و مسۆگەرکەردەی ئازادیی جەسەیی رابەر ئاپۆی، بە ۋێرێکوستەی بۆ، بە سەروستەی ئازادی بۆ.
جە گلێرۆبیەکەینە بانگەوازو بەشداری جە ڕاپیمای گۆرەو ١٦و تشرینی دووەمینە جە شارو کۆڵنو ئەڵمانیای ئەرەیاۋییا. گلێرۆبیەکەی بە دروشمەکا 'بێ سەرۆکی ژیۋای نمەبۆ' و 'بژیۋۆ سەرۆک ئاپۆ' دمایش پنە ئاما.
|
گلێرۆبیەکا گەلی ئۆروپانە: ١٦ و تشرینو دووەمی کۆڵنەنە کوۍ بیمێوە
جە گلێرۆبیەکا گەلینە جە ئۆروپا پەیامو "ئازادی پەی ڕابەر ئاپۆی" واوەی کریاوە. بانگەوازکریا پەی بەشداربیەی جە چالاکی ١٦ و تشرینو دووەمینە جە کۆڵن.
جە گلێرۆبیەکا گەلینە جە ئۆروپا پەیامو "ئازادی پەی ڕابەر ئاپۆی" واوەی کریاوە. بانگەوازکریا پەی بەشداربیەی جە چالاکی ١٦ و تشرینو دووەمینە جە کۆڵن.
جە گلێرۆبیەکا گەلینە جە ئۆروپا کە بە سەرمەشقایەتی مەجلیسو گەلوو ئولمی ئەنجام مڎریا، گەلوو کوردی پەیامو "ئازادی پەی ڕابەر ئاپۆ"یشا واوەی کەرڎۆ.
جە گلێرۆبیەکانە تەئکید کریاوە کە، گۆشەگیری ئیمراڵی کۆسپا ۋەردەمو ئاشتیێوە بەردەوامینە جە ۋەرکۆتوو مېیامینی.
هامسەرۆکۆو کەجەدەکە_ئەی زوبەیدە زومروتە ئەرەیاۋناش جە سەرانسەرو ئۆروپای پەی هۆرگێرتەی گۆشەگیری ئیمراڵی سەفەربەریی گەلی دەسش پنە کەردەن. جەختش کەرڎۆ، ئی گلێرۆبیەیە تەنیا پەی شەرمەزارکەردەی نییا، بەڵکم هۆشیارکەردەیۆ گەلوو کوردیچا جە ماف و ئازادییە بنەڕەتییەکا.
زوبەیدە زومروتە ئەرەیاۋناش ئەگەر دەسەڵاتو ئاکەپە_مەهەپەی بەڕاسشا پرۆسەو ئاشتیش گەرەکا، پەنەوازا سەرەتا جوابو داواکا گەلوو کوردی بڎۆوە، واتش: "ئازادی ڕابەر ئاپۆی، داوای سەرەکی گەلوو کوردین".
بەشدارا ئەرەیاۋناشا پەیامەکەو ڕابەر ئاپۆی جۆشوخرۆشش وەشکەردەن.
"پەنەوازا دژو گۆشەگیری، چالاکییەکۍ گۆرەتەر بکریا"
جە قسەکانە تەئکید کریاوە، پەنەوازا گەلوو کوردی ناڕەزایی تنتەر ۋەرا ۋەر بە گۆشەگیری نیشانە بڎۆ.
هەرپاسە جەختکریاوە کە پێشنیارەکۍ ڕابەر ئاپۆی پەی چارەسەری فرە گرنگێنۍ و مشۆم گەل خاوەنداری چا پێشنیارا بکەرۆ، وچیا: "تا ڕابەر ئاپۆ ئازاد نەبۆ، درێژە بە ئەرەکۆشای مڎەیمۍ".
|
کۆنسێرتو گرووپو ڕۆژدای سلێمانینە لواڕاوە
ئارۆ شارو سلێمانی پانیشتوو کوردەسانینە بە ئاماڎەبیەی ژمارێوە فرە جە تەرەفڎارا هونەری کۆنسێرتی هونەری 'ڕۆژدا'ی لواڕاوە.
ئارۆ شارو سلێمانی پانیشتوو کوردەسانینە بە ئاماڎەبیەی ژمارێوە فرە جە تەرەفڎارا هونەری کۆنسێرتی هونەری 'ڕۆژدا'ی لواڕاوە.
جە چوارچێوەو ئەنجامدای کار و چالاکییەکاشەنە رێکوزیاو نوێگەری بە هامکاری ڕاوەبەرایەتی ڕۆشنۋیری سلێمانی هۆرئێست بە ئەنجامدای کۆنسێرتێوە هونەری و گۆرانیۍ کوردیۍ پەی گرووپو هونەری ڕۆژدای.
کۆنسێرتەکە بە ئاماڎەبیەی ژمارێوە فرە جە هەوادارا هونەری ڕەسەنی کوردی جە هۆڵو ڕۆشنۋیری سلێمانی جە ۋێرەگانۍ هونەرینە سازکریا.
جە کۆنسێرتەکەنە هونەرمەنڎە'دڵنیا خان'ە گۆرانیۍ و ئاوازە ڕەسەنەکۍ هونەری کوردیش بە زاراوە جیاوازەکا زۋانی کوردی چڕیۍ. ئەنداماو گرووپەکەی کە پێکئامێبێنۍ جە ستافێوە ژەنیاری ژەنا بە ئامێرە هەواییەکا مۆسیقای، مۆسیقاشا پەی گۆرانییەکا ژەنا.
گرووپو هونەری ڕۆژدای گرووپێوە هونەریی ۋەرکۆتوو کوردەسانیا، ستافو گرووپەکەی گرڎ ژەنینۍ و کۆو کارە هونەریەکاشا ئینا چوارچێوەو ئاواز و گۆرانیا کوردینە.
|
هەپەگە: ئەرەگیرێوە سزادریا و دووۍ حەفارێچ دلێنەبریۍ
جە چالاکی گەریلاکاو هەپەگەی و یەژا ستارینە سەروازێوە سوپاو تورکی ئەرەگیری بە سزا یاوا و پەنجی تەریچ زامڎارۍ بیۍ، وە دووۍ حەفارێچ دلێنەبریۍ و گورزە ۋنەو ترۆمبێلێوە زریپۆشی و حەشارگێوە شنیا.
جە چالاکی گەریلاکاو هەپەگەی و یەژا ستارینە سەروازێوە سوپاو تورکی ئەرەگیری بە سزا یاوا و پەنجی تەریچ زامڎارۍ بیۍ، وە دووۍ حەفارێچ دلێنەبریۍ و گورزە ۋنەو ترۆمبێلێوە زریپۆشی و حەشارگێوە شنیا.
ئەرەیاۋناکەو ناوەندو ئەرەیاۋنای و چاپەمەنی هەپەگەی پی جۆرەنە:
"هەرێمو گەشمەرڎە دەلیلی جە ۋەرنیشتوو زاپی؛
٢٩ و ئۆکتۆبەری سەعات ١٤:٤٠ دەیەقۍ جە مېڎانوو مڎرامانوو کەشو وەهاری هێزەکێما بە چالاکی هەماهەنگی گەریلایی جە دووۍ قۆڵێوە گورزەشا جە دووۍ حەفارا و ترۆمبێلێوە زریپۆشی شانا کە خجڵو وەشکەردەی جاڎەی سەروازی بێنۍ. قۆڵی یووەمو چالاکییەکەی؛ بە چەکی ئۆتۆماتیکی بە شێوێوە کاریگەر گورزەشا جە حەفارێوە شانا. قۆڵی دووەمو چالاکیەکەی؛ گورزەشا ۋنەو حەفارێوەتەری شانا. جە ئاکامەنە حەفارەکە دلێنەبریا و سایەقەکەش زامڎار بی. هەرپاسە گورزە ۋنەو ترۆمبێلێوە زریپۆشی کە ئەرکش پارێزنای حەفارەکا بۍ، جە ئاکامەنە ٤ ئەرەگیرۍ زامڎارۍ بیۍ. چی چالاکیەنە بە گرڎیی؛ ٢ حەفارۍ دلێنەبریۍ، گورزە جە ترۆمبێلێوە زریپۆشی شنیا، ئەرەگیرێوە بە سزا یاوا و ٥ ئەرەگیرێچ زامڎارۍ بیۍ.
هرووژمەکۍ سوپاو تورکی ئەرەگیری بە تەقەمەنی قەڎەغەکریا؛
٣١ و ئۆکتۆبەری و ١و تشرینو دووەمی مەڕەکێما جە مېڎانوو مڎرامانوو کەشو ئێف ئێمینە جە هەرێمو گەشمەرڎە دەلیلی جە ۋەرنیشتوو زاپی ٤ جارۍ بە تەقەمەنی قەڎەغەکریا بۆمبۋاران کریۍ.
٣١ و ئۆکتۆبەری مەڕەکێما جە مېڎانوو مڎرامانوو کەشو وەهاری جە هەرێمو گەشمەرڎە دەلیلی جە ۋەرنیشتوو زاپی بە درۆنی جەنگی بۆمبۋاران کریۍ.
٣١ و ئۆکتۆبەری مەڕەکێما جە مېڎانوو مڎرامانوو لۆلانی هەرێمو خواکوڕکی ٥ جارۍ بە تەقەمەنی قەڎەغەکریا بۆمبۋاران کریۍ.
هرووژمەکۍ سوپاو تورکی ئەرەگیری؛
٢٧ و ئۆکتۆبەری و ١و تشرینو دووەمی مېڎانەکۍ مڎرامانوو کەشو گەشمەرڎە شەریف، قەلە، لۆلان، کەشو گەشمەرڎە هاوارو هەرێمو خواکوڕکی ٨ جارۍ، مېڎانەکۍ کەشو ڕەشیدی، سێدارێ، زەنگل، ڕێبین، دەشتەو کافیای، دەرەو ڕۆبۆتکێی هەرێمو گارەی ٦ جارۍ، مېڎانەکۍ مڎرامانوو دەرگەلێ و سەری مەتینای هەرێمو مەتینای ٤ جارۍ، مېڎانوو مڎرامانوو کەشو وەهاری ٢٢ جارۍ، مېڎانوو مڎرامانوو کەشو وەهاری جە هەرێمو گەشمەرڎە دەلیلی جە ۋەرنیشتوو زاپی ٢ جارۍ، مېڎانەکۍ سلێ و کورتەکی جە هەرێمو قەندیلی ٢ جارۍ؛ بەگرڎیی ٤٤ جارۍ بە فڕۆکەی جەنگی بۆمبۋاران کریۍ.
٣١ و ئۆکتۆبەری و ١ تشرینو دووەمی مېڎانوو مڎرامانوو کەشو وەهاری جە هەرێمو گەشمەرڎە دەلیلی جە ۋەرنیشتوو زاپی ١١جارۍ، مېڎانەکۍ مڎرامانوو دەرگەلێ و سەری مەتینای جە هەرێمو مەتینای ٨ جارۍ؛ بەگرڎیی ١٩ جارۍ جە ڕاو هەلیکۆپتەری جەنگییوە بۆردوومان کریۍ."
|
"مشۆم جە دژو گۆشەگیری ئیمراڵی پێوەرە دەنگ هۆربڕمۍ"
هامسەرۆکۆو گرڎیی دەبەپەی چیدەم کلیچگون ئوچارە واتش: "پرسو کوردی ئینا قەیرانەنە، پۊکەی مشۆم جە دژو گۆشەگیری ئیمراڵی بە هامبەشی دەنگ هۆربڕمۍ."
هامسەرۆکۆو گرڎیی دەبەپەی چیدەم کلیچگون ئوچارە واتش: "پرسو کوردی ئینا قەیرانەنە، پۊکەی مشۆم جە دژو گۆشەگیری ئیمراڵی بە هامبەشی دەنگ هۆربڕمۍ."
ئەنجومەنو کۆنگرەو دیموکراتیکی گەلا (هەدەکە) جە ناوەندو چاند و هونەری د. قادر تۆپباشینە ١٣ەمین کۆنفرانسو ژەناش ئەنجامدا. جە کۆنفرانسەکەنە واتەواچەو ئەنجومەنو ژەنا دەم پارتی خالیدە تورکئۆغلوە و هامسەرۆکۆو گرڎیی دەبەپەی چیدەم کلچگون ئوچارە قسێشا کەرڎۍ.
جە قسەکاشەنە تورکئۆغلووە ئاماژەش پانەی دا کە سەدەو ٢١ سەدەو تنوتیژییا جە دژو جوانا و ژەنا، بەڵام ژەنی بە ئەرەکۆشایشا کەردەنشا بە سەدەو ژەنا و پېسە هەدەکەی گرنگی بیەی و ڕێکوستەبیەیشا جە ئاژەی سەختەنە ئەرەیاۋنان.
جە بەردەوامینە تورکئۆغلووە سەرنجش وست سەرو گرنگی چەمپنەکۆتەی ئیمراڵی و جەختش چانەی کەرڎۆ کە تا گۆشەگیری بەردەوام بۆ گرفتەکۍ ڕووە جە چارەسەری نمەکەرا و واتش: "پەی لەبەردەی گۆشەگیری ژەنی ڕوانگەو ۋێشا جە سەردەمی تازەنە بەربڕیەن. فەلسەفەو ژەنی ژیۋای ئازادی ۋەرپرسیاری سەرهۆردای گێرمۍ ئەستۆ."
هەرپاسە هامسەرۆکۆو گرڎیی دەبەپەی چیدەم کلچگون ئوچارە سەرنجش قست سەرو چەمپنەکۆتەکەو ڕابەر ئاپۆی و واتش: "واوەی نیایرەو قەڎەغەو چەمپنەکۆتەی بە گرڎ جۆرۍ نایاساییا. ئینەیچ بە ماناو بەردەوامیداین بە فشاری و زۆرداری سەرو گەلوو کوردی."
ئۆچارە سەبارەت پانەی کە ئی سەدە چ نەهامەتیێوەش سەرو گەلوو کوردیرە کەردەنۆ واتش: "ڕووبەڕووبیەیۆ فرە گرنگا و بەبێ ڕووبەڕووبیەیۆ گرفتەکۍ چڼین جارۍ واوەی باوە. بنیاڎنیای هەدەکەیچ ئاماژەن پەی ئینەیە. جە لایەنو دۆڵەتیوە دەسەڵاتوازی و پیا سالاری سەپیۆنە و هەدەکەیچ ئەڵتەرناتیڤێوە گۆرەش وست ڕووە. ئێمە پا هەنگامۍ کە هۆرما گێرتە وەڵۍ کۆتیمۍ و گۆرۍ بیەیمۍ. جە بێ-هیوایینە گلێرگە جە ئاژێوە شپرزەیینە مەبۆ. چی ئاژەی کە کوردش کۆتەنەنە، دژ بە گۆشەگیری سەرو ئیمرالی مشۆم ۋێما یۆ وزمۍ و بیمۍ بە دەنگی هامبەش." ئۆچارە پی جۆرە دمایش بە قسەکاش ئارڎ: "ئەرەکۆشای ژەنا بەردەواما و هیواش جە دەس نەڎان و سەرەڕاو گرڎو فشارەکا ۋێش ڕێکوست. هەر تاڵێ جە قژاما چالاکیێوەن. بۆنەو ١ و تشرینی دووەمیۆ ڕۆی جەهانی کۆبانێ-وە، درووشمەو ژەنی چالاکییا. ئی شوناسە وەرگەش گێرتەن و ئارۆ ئینا ئامانجەنە. ئێمە ئینایمۍ ئاژێوە هەستیارەنە. ئێمە بایی ئانەی میراتی سیاسی و یاساییما هەن کە مشۆم چیولای درێژە پا میراتییە بڎەیمۍ. با ڕێکێما واڵا بۆ."
|
ژینا مودەریس گورجیە پەی تەمامکەردەی ماوەو سزاکێش رەوانەو زینانی کریا
ژینا مودەریس گورجیە كە یووەنە جە دەسبەسەرکریایا ۋێنیشانداکا شۆڕشو”ژەنۍ ژیۋای ئازادیی” بە مەبەسو ۋییەرنای ماوەو سزاکێش ڕەوانەو زینانو ژەنا سنەی کریا.
ژینا مودەریس گورجیە كە یووەنە جە دەسبەسەرکریایا ۋێنیشانداکا شۆڕشو”ژەنۍ ژیۋای ئازادیی” بە مەبەسو ۋییەرنای ماوەو سزاکێش ڕەوانەو زینانو ژەنا سنەی کریا.
ژینا مودەریس گورجیە ڕۆنامەوانە و چالاکەو بوارو ژەنا جە پەلیانەو ئینستاگرامو ۋێشەنە سەبارەت بە زینانیی کەردەکەیش پەیامێوەش وەڵا کەردۆ.
ژینا مودەریس گورجیە ئەرەیاۋنانش، ئارۆ ملو پەی زینانو ژەنا سنەی کە پەراوێز وستەی و جیاکەردەیۆ ڕەگەزی و چینایەتی و نەتەوایەتی چا یەرۍ ئانەن.
ئەرەیاۋنانیچش، "کاتێ کەلوپەلەکام پەی زینانی ئاماڎە کەرێنا وەڵۍ گرڎ چێوێنە هیوام وست دلۍ هەگبەکەیمۆ و من بە هیواوە ملو پەی وای."
جە چن ڕۆی ۋییەردەنە ژینا مودەریس گورجیە وەڵاش کەردەبێوە، جە لایەنو لقو ٤ و بەشو جابەجێکەردەی سزاکاو دادگاو سنەیۆ نامێوەش بە دەس یاوان، کە مشۆم ۋێش بە زینانو ژەنا سنەی بشناسۆ بە مەبەسو جابەجێکەردەی سزاکێش.
ئانەیچ جە كاتێنە، جە مانگەو حوزەیرانو ئێساڵینە، ژینا مودەریس گورجیە جە لایەنو لقو یوەمو دادگاو شۆڕشو سنەیۆ ٢١ ساڵۍ زینانیش سەرەرە سەپیا و دماتەر سزاکێش جە لایەنو لقو ٤و دادگاو سنەیۆ پەی ٢٦ مانگا زینانی کەمکریاوە، دماتەر بەپاو ماددەو ١٣٤، سزاکێش پەی ١٦ مانگا زینانی کەمتەر کریاوە.
یاگۍ ئاماژەینە ئا چالاکۍ وەڵتەریچ جە كاتو ۋێنیشانداکا شۆڕشو “ژەنۍ ژیۋای ئازادیینە” باڵبەسە کریێنە و تا ئیساتۍ چڼین ئەرەنیشتۍ دادگای کەردەیش لوێنۍ ڕاوە و سزاکێش پەی تازە کریێنۍ.
|
جمېیەرو کولتور و هونەری: بەیدۍ پێوەرە بەشداری جە ڕاپیمای گۆرەو کۆڵنینە بکەرمۍ
جمېیەرو کولتور و هونەری داواو بەشداریکەردەیش جە ڕاپیمای ١٦و تشرینو دووەمو کۆڵنینە کەرڎ، کە پەی ئازادیی جەسەیی رابەر ئاپۆی ملۆڕاوە.
جمېیەرو کولتور و هونەری داواو بەشداریکەردەیش جە ڕاپیمای ١٦و تشرینو دووەمو کۆڵنینە کەرڎ، کە پەی ئازادیی جەسەیی رابەر ئاپۆی ملۆڕاوە.
جمېیەرو کولتور و هونەری (تەڤ-چاند) سەبارەت بە ڕاپیمای گۆرەو ١٦و تشرینو دووەمی جە کۆڵنەنە بانگەوازێوەش ئەرەیاۋنا و چنەشەنە ئاماژە بە جەنگی جەهانی یەرەمی کریان و ئانەیچ وزیان ڕووە، کە"جمېیەرو ئازادیی کوردەسانی بە سەرمەشقی رابەر ئاپۆی سات دماو ساتی رەوتو تاریخی فاڕۆنە. هەڵوێسو جەنگاوەرا قارەمانی پېسە گەشمەرڎە ئاسیە عەلیۍ و رۆژگەر هێلینی بە عالی ئانەش بەروست، کە پەنەوازا ئەرەکۆشای بە چ شێوێوە ئەنجام بڎریۆ. هەر هێزێوە کە هەوڵو کوشتارو گەلوو کوردی بڎۆ، سەرەتا مشۆم رووبەڕوو مڎرامانو رابەرایەتی و گەریلای بۆوە. چالاکییەکەو گەشمەرڎە ئاسیە عەلیۍ و رۆژگەر هێلینی جە سەروبەڼو ساڵیاڎو ئازادی کۆبانێنە مەعنێوە زیاتەرش پێڎا کەرڎەن. کۆبانێ چێرو فەرماندەیی و سەرمەشقایەتی ژەنا جەنگاوەرینە ئازاڎ کریا و بی بە بەهێوە مرۆڤایەتی. هەر ئینەیچ پاسشە کەرڎ کە رژێمو فاشیستو ئاکەپە-مەهەپەی تا ئیساتێچ بەردەواما جە هرووژمە وەحشیانەکاش دژو خەڵکو کۆبانێ.
هەزاران گەشمەرڎۍ راسپاردەو ۋێشا یاۋونا بە جەهانی و ئا کەسێشا وستۍ سەتڵەو شەخەڵو تاریخیۆ کە واچێنۍ 'کۆبانێ ئینا کەوتەینە و هاکا کۆت'. مەڵامەتو دژمنایەتی ۋەرا ۋەر بە کۆبانێ پەی ئا مڎرامان و سەرکۆتە تاریخیە گێڵۆوە. بەڵام سەرەڕاو ئاستو هرووژمەکا، گەلوو کوردی و جمېیەرو ئازادیی کوردەسانی جە راسی کۆبانێ و رابەر ئاپۆینە سەرکۆتۍ بە یەکجاری مویناش. ئێمە ئینایمۍ دووەم قۆناغەو هەڵمەتەو مېیاننەتەوەیی 'ئازادی پەی رابەر ئاپۆی و چارەسەریی دیموکراتیکی پەی پرسو کوردی'نە. ئارۆنە ئەندێشەکۍ رابەر ئاپۆی سەرچەمەو ئازادیی پەی گرڎو چێردەسا و چەوەسیاکا و تا مۍ زیاتەر وەڵا مەبۆوە. هەرپۆکەی ئەرکو ئێمەن ئا هەڵمەتۍ فراوانتەرە بکەرمۍ کە پەی ئازادیی جەسەیی رابەر ئاپۆی دەسشپنەکریان. گرڎو رێکوزیا و ئەرەمەرزیا ئازادیوازەکا، گەل و هونەرمەڼا مشۆم ئا حەقەتینیە بوینا. مشتومڕ و پێشئامایەکۍ ئی دماییە نیشانەو ئێمەشا دان کە تەنیا ئا وەختە دیوارو فاشیزمی وڕۆ کە پەرە بە رێکوستەی و چالاکی یەکانگیری چنی رۆحو سەردەمی بڎەیمۍ و جە ئاکامو ئینەیچەنە ئازادیی جەسەیی رابەر ئاپۆی مسۆگەر مکەرمۍ.
فاشیزم جە گرڎ بوارەکانە کۆیلایەتی سەرو گەلوو کوردیرە مسەپنۆ. ۋەرو ئینەینە گۆشەگیری جە کەسایەتی رابەرایەتینە قووڵتەر مکریۆوە. مەڵامەتوو هرووژمەکایچ پەی سەرو کولتورو کوردیچ هەر ئینەنە. فاشیزم تەنانەت ۋەرا ۋەر بە گولانەتەرین بەشو بەهاکا کوردی نمەتاوۆ دڎان گێرۆ ۋێشەرە. کەواتە هونەرمەڼا و سەرمەشقا گلێرگەکەیما مشۆم پەشتیوانی جە هەڵمەتەکۍ بکەرا کە جە لایەنو دۆساو گەلەکەیماوە دەسشپنەکریان. چا چوارچێوەنە جەمۍ چالاکیۍ جە هەر چوار بەشو کوردەسانی و سەرانسەرو ئەوروپاینە ملاڕاوە. تەنیا بەشداری کەردەی چا چالاکیانە وەسۍ نییا. پەنەوازی وڵاتپارێزنی چی قۆناغێنە ئانەنە کە جە بەرزتەرین ئاستەنە شانە بڎریۆ ۋەرو بارو ۋەرپرسیاری. رێکوستەی و چالاکی، دیوارەکاو فاشیزمی وڕنۆنە و گۆشەگیری ماڕۆ. ئێمە پېسە جمېیەرو کولتور و هونەری جە ئەوروپانە داوا جە گرڎو وڵاتپارێزنا و هونەرمەڼاو کوردی مکەرمۍ کە بە رۆحو سەفەربەریۆ چی قۆناغێنە بەشدارۍ با. هونەرو ئی قۆناغۍ مشۆم جاڎە بە جاڎە بە دروشمەو 'هونەری ئازاڎ پەی ئازادی' وەش بکریۆ. هەرپۊکەی داوا جە گرڎ کەسۍ مکەرمۍ کە جە یووەم تا ١٦و تشرینو دووەمی بە رۆحی سەفەربەریۆ هەرمانە بکەرا و جە ڕاپیمای گۆرەو کۆڵنینە جە ١٦و تشرینو دووەمینە بەشدارۍ با".
|
هرووژمەکا ئیسرائیلینە پەی سەرو غەززەی ٨٤ کەسۍ کوشیۍ
ئەرەیاۋییا کە هرووژمەکا ئیسرائیلینە پەی سەرو غەززەی ٨٤ کەسۍ تەرۍ کوشیۍ.
ئەرەیاۋییا کە هرووژمەکا ئیسرائیلینە پەی سەرو غەززەی ٨٤ کەسۍ تەرۍ کوشیۍ.
جە ئەرەیاۋناو نوسینگەو ئەرەیاۋنای حکومەتو غەززەینە ئاماژە پانەی کریان کە سوپاو ئیسرائیلی جە سەرنیشتوو غەززەینە بۆمبۋارانو بڕۍ یاگۍ ئەرەنیشتەیش کەردەن کە زیاتەر جە ١٧٠ مەدەنیاش چنە بیێنۍ و ئانەیچ وزیان ڕووە: "جە دووۍ هرووژمۍ وەحشیانۍ و کۆمکوژیۍ سوپاو ئیسرائیلینە پەی سەرو یاگۍ ئەرەنیشتەی مەدەنی، ٨٤ کەسۍ کوشیێنۍ و چا ژمارەیە ٥٠کەسێشا زاوڵۍ بیێنۍ، بەدەیان کەسێچ کۆتێنۍ چێرو داروپەرڎەو بیناکاوە و بێسەروشۆنێنۍ."
هەر جە ئەرەیاۋناکەینە دەسنیشان کریان کە سوپاو ئیسرائیلی جە هرووژمەکا سەرو غەززەینە بە بۆمبۋارانکەردەی یاگۍ ئەرەنیشتەبیەی مەدەنییەکا 'کومکوژی' ئەنجام مڎۆ.
ئاماژەیچ پانەی دریان بە مەڵامەتو هرووژمەکا سوپاو ئیسرائیلیوە پەی سەرو سەرنیشتوو کەرتو غەززەی بەتەمامی خزمەتگوزارییەکۍ کەرتو تەندروسی و خەسەخانەکا جە کار کۆتێنۍ و بێکاریگەرۍ بیێنۍ.
|
هەردووە پەڕلەمانتارۍ پارتو چەپو سویدی ، نادییە عەوادە و هاکان سڤینیلیگ جەختشا سەرو پەنەوازی دەسەبەرکەردەی مافەکاو گەلوو کوردی کەردۆ و دواشا کەرڎە کە گۆشەگیری سەرو ڕابەر ئاپۆی لا بریۆ.
'پێوەرە سەرۍ گنمۍ'
نادییە عەوادە ئاماژەش پانەی کەرڎ کە پېسە پارتەکەیشا ئینۍ چنی هۆرگێرتەو گۆشەگیری ٢٦ ساڵۆو سەرو ڕابەر ئاپۆی و پی جۆرە داواش کەردە: "حەزکەرێنمۍ حکومەتو سویدی گرڎو کۆششەکاش پەی دمایئاردەی بە گۆشەگیری وزۆ گەڕ. کەچی سوید چنی تورکیای فاشیستو ئەندامو ناتوی ئینا هامکارینە و داواو دمایئاردەی بە گۆشەگیری نمەکەرۆ". نادییە باسش چانەیچ کەرڎ کە بە گرڎ جۆرۍ هرووژمە ئەرەگیریەکا دۆڵەتو تورکی فاشیستی پەی سەرو ۋەرنیشتی شەرمەزار مکەرا و یاگۍ قبوڵکەردەی نیا، واتیچش ئینایمۍ چنی مافە ڕەواکاو گەلوو کوردی و پێوەرە سەرۍ گنمۍ.
' دژو گۆشەگیری ئەرەکۆشمۍ'
هاکان سڤینیلیگی پەڕلەمانتارو پارتو چەپی و ۋەرپەرسو پەیوەندییەکا جبەرو پارتەکەی ئاماژەش بە گرنگی هەڵمەتەو جەهانی ئازادی پەی ڕابەر ئاپۆی کەرڎ و جەختش کەردۆ چانەی کە لابەردەی گۆشەگیری سەرو ڕابەر ئاپۆی پەنەوازیێوە بنەڕەتییا پەی ئاشتی ۋەرکۆتوو مېیامینی و واتش: "ئەرەکۆشایما پەی دەسەبەرکەردەی مافو زیڼانیا سیاسی بەردەواما و پەی ئانەیچ فشار جە تورکیای مکەرمۍ. پی جۆرە متاویۆ زینانیا سیاسیۍ ئازاڎۍ بکریا و گۆشەگیری سەرو ئۆجالانی لا بریۆ."
لقو جوانا پارتو چەپی پەشتگیری ۋێشا پەی گلێرۆبیەی ٢ۍ تشرینو دووەمی بەربڕی
هەر سەبارەت بە پاڵپەشتیەکا پارتو چەپو سویدی پەی مافەکاو گەلوو کوردی و ئازادی ڕابەر ئاپۆی؛ لقو جوانا پارتەکەی پەشتگیری ۋێشا پەی گلێرۆبیەی ٢ۍ تشرینو دووەمی بەربڕی، کە ستۆکۆڵمەنە پەی ئازادی ڕابەر ئاپۆی ئەنجام مڎریۆ.
|
ڕابەر ئاپۆ ماوەو ٤٣ مانگا چێرو سیستەمو گۆشەگیری و ئەشکەنجەو ئیمراڵینە بە بەهانۍ یاساو دیسپلینیوە جە گرڎ مافێوەش بێبەشکریان. دماو ٤٣ مانگا چەمپنەکۆتەیش چنی عومەر ئۆجالانی ئەندامو بنەیانەکەیش کەرڎ و پەیامێوەش پەی ڕای گرڎی تورکیای کیاست و چنەشەنە ئاماژەش پانەی کەردەن؛ گەر هەلومەرجۍ عال بڕەخسیۆ تواناو ئانەیش هەن زەمینەو جەنگی ۋییەرنۆ پەی سەرو زەمینەی یاسای و سیاسی جە تورکیانە.
سەرو ئی مژاریە مافناس و پارێزنەری یاسایی ئەرجان کانار قسێش پەی ئاژانسو هەواڵوو فوراتی (ANF)ی کەردۍ و دەسنیشانش کەرڎ کە نمەبۆ مژارو گۆشەگیری و 'مافو هیوا'ی بۆ بە مژارو سات و سەودای و ئاماژەش پانەیدا کە هەر جە بنەڕەتەنە گۆشەگیری دژ بە بنەماو پیمەرەکا ماندێلایا، چونکی مافو هیوای مافێوە بنەڕەتی ئینسانیا.
کانار ئاماژەش پانەی دا کە مافو هیواو ئازادی تا ئیساتۍ دلۍ ڕای گرڎینە فرە باسنەکریان و دەسنیشانش کەرڎ کە جە ڕوو گۆشەگیری و مافو ژیۋایۆ مافو ئازادی پېسە مافێوە بنەڕەتی مرۆڤایەتی بە تایبەت جە ماوەو ٧٥ ساڵا دماینە قبوڵکریان.
'جگە جە تورکیای سزاو زینانی هەتاهەتایی جە هیچ وڵاتێوە تەرو ئۆروپاینە جابەجێ نمەکریۆ'
کەنار ئاماژەش پەی ئانەی کەرڎ کە مافو هیوای جە ژمارێوە فرە جە وڵاتانە جابەجێ کریان و واتش: "جە وڵاتا پېسە نەرویج، ئیسپانیا، پۆرتوگال، بۆسناو هێرسکینە چڼین ساڵێن سزاو زینانی هەتاهەتایشا مردنان. پۆرتوگال جە سەدەو ١٨ ینە سزای هەتاهەتاییش مردنا. ئیساتۍ جگە جە تورکیای جە هیچ وڵاتێوە ئۆروپینە سزای هەتاهەتایی جابەجێ نمەکریۆ."
کانار، باسش چانەیچ کەرڎ، باخچەلی جە پەرلەمانەنە دڎانش نیان گۆشەگیری ئیمرالیرە، ڕەجەب تەیب ئەردۆغانیچ جە قسەکاشەنە پەشڕاسش کەردۆ و واتش، دووۍ حەفتۍ چێوەڵی کۆمیسیۆنو پەرلەمانتاراو ئەنجومەنو ئۆروپای پێوەس بە گۆشەگیری پەرسانش کە ئایا گۆشەگیری هەن یان نا، واتەنشا گۆشەگیری نیا، پا جۆرەیچە ۋێشا وستۆ دروۍ.
کانار، باسو جە یۆ شیەی کەرڎ جە مابەینو ڕابەر ئاپۆی و ماندێلاینە جە پرسو گۆشەگیرینە واتش، "دماو هەر ناکۆکیێوە جە مابەینو هێزە دژبەرەکانە سەرەنجام ئاشتی پێکئامان. ئیساتۍ ئەگەر گەرەکشانە هەنگامێوە بە ئاراسەو ئاشتیرە بنریۆ مشۆم جە ڕاو چاکسازی جە یاسایۆ ئەنجام بڎریۆ، ئۆجەلانیچ مشۆم هامشێوەو ماندێلای وەڵۍ گرڎ چێوێنە گۆشەگیریش سەرۆ لا پشۆ، یاگۍ عالەش پەی وەشەبکریۆ، دماتەر بەتەمامی ئازاڎ بکریۆ."
|
ژمارە ٥١٤و گۆڤارو سەرخۆبوونی وەڵاکریاوە
جە ژمارە ٥١٤و گۆڤارو سەرخۆبوونینە، بە شێوێوە هەمەلایەن هۆرسەنگنای پەی جەنگی جەهانی یەرەمی کریان، کە ۋەرکۆتوو مېیامینینە ئینا ئارانە.
جە ژمارە ٥١٤و گۆڤارو سەرخۆبوونینە، بە شێوێوە هەمەلایەن هۆرسەنگنای پەی جەنگی جەهانی یەرەمی کریان، کە ۋەرکۆتوو مېیامینینە ئینا ئارانە.
ژمارەی تازەو گۆڤارو سەرخۆبوونی کە بە شێوۍ مانگانە چاپکریۆ، وەڵا کریاوە. چی ژمارەنە بە وردی باس جە جەنگی جەهانی یەرەمی کریان؛ چا چوارچێوەنە پیلانگێڵنی مېیاننەتەوەیی جارێوەتەر هۆرسەنگیانۆ. هەرپاسە سەبارەت بە مېڎانەکا ئەرەکۆشای جە دژو مرۆڤایەتی و سەرمایەداریچ هۆرسەنگنای کریان.
جە ژمارە ٥١٤و گۆڤارو سەرخۆبوونینە، جە بەشی یووەمەنە جە زنجیرە نویستەیێنە بە نامونیشانو "جەنگەوانو ئازادی گەلێوە دلۍ لەپو پیلانگێڵنینە" کە جە پارێزنامەکاو رابەر ئاپۆیۆ هۆرگیریان، باس جە لایەنو دلێینەو پیلانگێڵنی مکریۆ.
هامسەرۆکو دەسەو ڕاوەبەری کەجەکەی جەمیل بایک سەبارەت بە پیلانگێڵنیی مېیاننەتەوەیی کە پایۍ منیۆ ٢٨ەمین ساڵەشۆ و هەرپاسە ئاستو ئەرەکۆشای جە دژو ئا پیلانگێڵنیە، وتارێوەش نویستێنە. بایک باس چانەی مکەرۆ، کە هەڵمەتەو جەهانیی ئازادی کە جە ١٠و ئۆکتۆبەرو ٢٠٢٣ دەسشپنەکریان، هەنگامێوە ستراتیجیکەنە.
ئەندامو کۆمیتەو ڕاوەبەری پەکەکەی دوران کاڵکانیچ جە بەشی دووەمەنە وتارێوەش بە نامونیشانو "جەنگی جەهانی یەرەم، پیلانگێڵنیی مېیاننەتەوەیی و گرنگی ئەرەکۆشای ئازادیی کورد"ی نویستێنە، چنەشەنە ئانە وزیان ڕووە کە ئاڵترناتیڤی حەقەتینەو رزگاربیەی جە قەیرانۍ و گێجاوەکا جەنگی جەهانی یەرەمی، ڕاو کۆنفیدڕالیزمی دیموکراتیکین.
مڎرامانی گیانبازیی رابەر ئاپۆی
ئەندامو کۆمیتەو ڕاوەبەری پەکەکەی دوران کاڵکان هەرپاسە پەی ئی ژمارەیە وتارێوەتەرەش بە نامونیشانو "ئازادیی کوردی جە ٩و ئۆکتۆبەرو ١٩٩٨ی جە ڕاو گیانبازی رابەر ئاپۆینە بەردەوام" نویستێنە.
ئەرەکۆشای ژەنۍ ئازاڎۍ
چی بڕگەنە نویسەتەیۍ عەلی حەیدەر قەیتانی بە نامونیشانو "ئانەی جۆش و خرۆش بە مرۆڤایەتی بەخشۆنە، ئەرەکۆشا ئازادیی ژەنا کوردین" وەڵا کریانۆ. قەیتان ڕاپیمای جمېیەرو ئازادی، پېسە ڕاپیمایۍ بەرەو ژەنۍ ئازادۍ هۆرسەنگنان.
هێزو سەرمەشقی ئایدۆلۆژیاو ژەنی ژیۋای ئازادی
ئەندامەو کۆمیتەو ناوەندی پەکەکەیچ دڵزار دیلۆکەیچ وتارێوەش بە نامونیشانو "گەشمەرڎا ئۆکتۆبەری، ئەوەڵ خوڵقنەرا شۆڕشو ژەنی ژیۋای ئازادی " نویستەن. جە نویستەکەیشەنە ئا ژەنۍ کە سەرەتاوە بەشدارییشا جە ئەرەکۆشای ئازادیی کوردەسانینە کەردەن، پېسە ئا ژەنا کە بنەماو جمېیەری ئازادیشا سازکەردەن، هۆرمسەنگیا و ئەرەیاۋیۆ کە ئا ژەنۍ هێزی سەرمەشقو ئایدۆلۆجیاو شۆڕشو " ژەنی ژیۋای ئازادی "ینۍ.
کولتور و هونەر جە مۆدێرنیتەی دیموکراتیکەنە
ئۆرهان کەنداڵیچ جە نویستەیێنە بە نامونیشانو "وەڵۍ وستەی کولتور و هونەرو مۆدێرنیتەی دیموکراتیک"ی وەڵا کەردەنۆ. کەنداڵ ئاماژەش پانەی کەردەن کە هونەر و کولتور بە چ مەبەس و مەرامێوە بەکارمێنە و وەش مکریۆ.
کوردەسانیا ئەرەنیشتۍ وڵاتا ئۆروپای
ئەندامو کۆمیتەو ناوەندی پەکەکەی نەدیم سەڤەن جە نویستەکەیشەنە بە نامونیشانو "وڵاتپارێزنی؛ دلۍ جەرگەو مۆدێرنیتەی سەرمایەدارینە" باسش چانەی کەرڎەن، کە ئا کوردەسانیۍ بەرەو ئۆروپا کۆچشا کەردەن، جە گرڎ ڕوێوە پەشتیوانی جە ئەرەکۆشای شۆڕشگێڵنی کوردەسانی مکەرا و هۆشمەندیێوە بە بنەما مگێرا کە خاوەنداری جە وڵاتپارێزنی مکەرۆ.
پیشەسازی و ئیکۆلۆژی
خەلیل پۆیراز جە نویستەیێنە بە نامونیشانو "ئا گرفتۍ ئیکۆلۆژی کە جە پیشەسازییوە سەرچەمە مگێرا و کاریگەرییەکاشا سەرو گلێرگەی" باسش چانەی کەرڎەن کە بەپیشەسازیبیەی دژمنو ئیکۆلۆژییا و جە سەرەتانە بەدەسوەردایەکا جە دژو مرۆڤی دەسشپنەکەردەن.
هەر جە ژمارە ٥١٤و سەرخۆبوونینە ئەرەیاۋناو فەرماندەیی قەرارگەو ناوەندی پارێزنای گەلی سەبارەت بە چالاکی گیانبازی جە دژو توساشی وەڵا کریانۆ.
|
قەڎەغەو دیڎاری چنی بنەیانەی پەی رابەر ئاپۆی بڕیاوە
'سزاو دیسپلین'ی تازەی پەی رابەر ئاپۆی بڕیاوە و پا مەڵامەتۆ دیڎار چنی بنەیانەیش ۋنە قەڎەغە کریا.
'سزاو دیسپلین'ی تازەی پەی رابەر ئاپۆی بڕیاوە و پا مەڵامەتۆ دیڎار چنی بنەیانەیش ۋنە قەڎەغە کریا.
بە پاو هەواڵێوە ئاژانسوو مێزۆپۆتامیای، زانیان کە 'سزاو دیسپلین'ی تازەی پەی رابەر ئاپۆی بڕیانۆ. پارێزنەراو نوسینگەو یاسیای سەدەی پەی ئەنجامدای دیڎارو بنەیانەی سەردای دادگاو جا بەجێکەرو سزاکا بورسایشا کەردەن. دادوەر ئەرەیاۋنانش، کە جە ١٦و ئۆکتۆبەرو ٢٠٢٤ینە 'سزێوە دیسپلینی تازۍ' پەی ماوەو یەرۍ مانگا پەی رابەر ئاپۆی بڕیانۆ.
سەبارەت بە بەهانۍ 'سزا' ئاماژە پنەکریێکۍ، هیچ زانیاریێوە ئاشکرا نەکریان. پارێزنەرا قەرارا تەعنە جە سەپنای ئا سزۍ بڎا.
جە ٢٣ۍ ئۆکتۆبەری پەرلەمانتارو دەم پارتی عومەر ئۆجالان دماو ٤٣ مانگا چەمش بە رابەر ئاپۆی کۆت. دماو دیڎارەکەی ٢ کەڕەتۍ بە مەبەسو دیڎاری تازەو بنەیانەی و پارێزنەرا چنی رابەر ئاپۆی داواکاری پێشکەش کریابۍ، بەڵام هیچ جوابێوەشا نەدریابێوە.
|
ئۆروپانە ڕۆو جەهانیی کۆبانێ پیرۆزکریا
کوردەسانیا و دۆسەکێشا جە شارەکاو ئەسینا، فرایبۆرگ و ووپیەرتاڵینە ڕۆو جەهانیی کۆبانێشا پیرۆز کەرڎ.
کوردەسانیا و دۆسەکێشا جە شارەکاو ئەسینا، فرایبۆرگ و ووپیەرتاڵینە ڕۆو جەهانیی کۆبانێشا پیرۆز کەرڎ.
کوردەسانیا و دۆسەکێشا بۆنەو ١و تشرینی دووەمی ڕۆو جەهانی کۆبانێوە جە گەڕەکەو پرۆسفیگیکاو ئەسیناو پایتەختو وڵاتو یونانی چالاکیشا کەرڎ. جە چالاکیەکەنە درووشمەکۍ 'بژیۋۆ مڎرامانو ۋەرنیشتی، 'بژیۋۆ مڎرامانو یەپەگەی و پەپەژە'ی و 'بژیۋۆ سەرۆک ئاپۆ'یشا بەرزۍ کەردێوە.
دماو دەیەقێوە بێدەنگی پەی ڕێزگێرتەی جە گەشمەرڎا ڕاو ڕزگاری کوردەسانی، بەنامۍ ناوەندو چاندی دیموکراتیکیوە قسۍ کریۍ و ئاماژە پانەی کریا، "داعش و دۆڵەتو تورکی ئەرەگیری جە کەسایەتی کۆبانێنە شۆڕشو ۋەرنیشتیشا کەرڎ ئامانج، بەڵام جوانۍ و گەلاو کوردەسانی خاوەنداریشا جە مڎرامانو کۆبانێ کەرد." دماتەر بەشدارا مەراسیمەکەی ڕۆو کۆبانێ و شۆڕشو ۋەرنیشتیشا پیرۆز کەرڎ.
ووپیەرتاڵ
بە هەمان شکڵ کوردەسانیا و دۆسەکێشا بە سەرمەشقایەتی ژەناو ئەنداما تەژەکە- ئەڵمانیای ڕۆو جەهانی کۆبانێشا جە شارو ووپیەرتاڵو ئەڵمانیاینە بە چالاکیێوە پیرۆز کەرڎ.
جە چالاکیەکەنە قسۍکریا و دماو پیرۆزکەردەی مڎرامانو کۆبانێ و ئاماژەدای بە دەوری فیدایانەو جەنگەوانا یەپەژەی و یەپەگەی جە مڎرامانو کۆبانێنە، وچیا بە ماڕای داعشی ڕۆو جەهانیی کۆبانێ ئەرەیاۋییا.
جە چالاکیەکەنە درووشمەکۍ 'بژیۋۆ مڎرامانوو ۋەرنیشتی'، 'بژیۋۆ سەرۆک ئاپۆ' یشا بەرزۍ کەردۍ.
فرایبۆرگ
شارو فرایبۆرگو ئەڵمانیاینە ئەنجومەنو ژەنا نودای بۆنەو ١و تشرینی دووەمی ڕۆو جەهانی کۆبانێوە سیمینارێوەشا سازکەرڎ.
جە سیمینارەکەنە دەسنیشانکریا کە مڎرامانوو کۆبانێ سیمبولو ڕۆشنایی جەهانییا جە دژو تاریکی. هەرپاسە ئاماژە پانەی دریا کە پارادایمو مۆدێرنێتەی دیموکراتیکی چارەسەرو پرسەکا ۋەرکۆتوو مېیامینیا.
هەر جە سیمینارەکەنە پەی بەشداربیەی جە ڕاپیمای و گلێرۆبیەی گۆرەو کۆڵنی کە ١٦و تشرینو دووەمی ملۆڕاوە بانگەواز ئەرەیاۋییا.
|
سەمسورەنە جەندرمە هۆرشکوا سەرو یانەو رۆنامەوانا
جەندرمەکۍ سەمسورەنە هۆرشا کوا سەرو پەیامکیانەو ژەنی نیوزی دەریا رەنۍ و پەیامکیانو ئاژانسوو پیرهای کامبەر یڵدزی.
جەندرمەکۍ سەمسورەنە هۆرشا کوا سەرو پەیامکیانەو ژەنی نیوزی دەریا رەنۍ و پەیامکیانو ئاژانسوو پیرهای کامبەر یڵدزی.
پەیامکیانەو ژەنی نیوزی دەریا رەنۍ و پەیامکیانو ئاژانسوو پیرهای کامبەر یڵدز کە پەی ئاماڎەکەردەی هەواڵ و کاری رۆنامەنوویسی جە مەلەتیوە لوۍ بێنۍ پەی سەمسوری، دماو ۋییەردەیشا بە نوقتێوە وشکنایرە و کۆنتڕۆڵکەردەی ئشناسنامەکاشا، دووۍ کەڕەتۍ جەندرمە هۆرش کوا سەرو ئا یانەی کە چنەش مەنێنێوە.
جەندرمەکۍ داواشا کەرڎە سەرجەنۆ تەماشەو ئشناسنامەکاشا بکەراوە و بەردەوامیچ پرسیارەو ئانەیشا چا دووە رۆنامەوانەیە کەردەبۍ کە چی گێڵایشانە پەی سەمسوری سەرشا ۋنەو کۆگەی دان.
هەرپاسە جندرمەکۍ جەبارەو دووۍ کەڕەتا هۆرکوای سەرو یاگۍ مەنەیۆیشا واتەنشا "با بەینو ۋێمانە مەنۆوە".
|
پەی ماوەو ١٥ روا قەڎەغەو ئاماو لوای جە چن ناوچێوە ئەلباکینە ئەرەیاۋییا
ناوچەو ئەلباکی وانینە ئاماو لوای پەی ماوەو ١٥ ڕوا قەڎەغەکریا.
ناوچەو ئەلباکی وانینە ئاماو لوای پەی ماوەو ١٥ ڕوا قەڎەغەکریا.
چڼ ناوچێوە ئەلباکی سەر بە شارو وانی پېسە "هەرێمی ئەمنیی تایبەتی کاتی" ئەرەیاۋیۍ و پەی جاری دووەمی و پەی ماوەو ١٥ ڕوا ئاماو لوای چا ناوچانە قەڎەغەکریا.
ئا هەرێمۍ کە جە ما بەینو ٢-١٦و تشرینو دووەمو ٢٠٢٤ ئاماو لوایشا چنە قەڎەغەکریان ئینێنۍ: کارسز تەپە، کانلی گەچیت، بەیازپور تەپە، سیڤری تەپە، ئاڤجلار تەپە، سیڤیریتاش تەپە، ئارت تەپە، ئوچدەرە و بەدی.
ئا هەرێمۍ وەڵتەریچ جە ما بەینو ١٨و ئۆکتۆبەری پەی ١و تشرینی دووەمی ئاماو لوایشا چنە قەڎەغەکریا بۍ.
|
یەجەوەکە گەڤەرەنە دژ بە ترۆمبێلێوە زرێپۆشی چالاکیش کەرڎ
یەکینەکاو یەجەوەکەی گەڤەرەنە ئەرەیاۋناشا، کە دژو ترۆمبێلێوە زرێپۆشو پۆلیسو تورکی چالاکیشا کەردەن.
یەکینەکاو یەجەوەکەی گەڤەرەنە ئەرەیاۋناشا، کە دژو ترۆمبێلێوە زرێپۆشو پۆلیسو تورکی چالاکیشا کەردەن.
یەکینەکاو یۆبیەی جوانا وڵاتپارێزنو کوردەسانی (یەجەوەکە) ئەرەیاۋناشا، کە جە چوارچێوەو هەڵمەتەو "بەئەرەکۆشای یۆگێردۍ، چنی رابەر ئاپۆی ئازادۍ بیدۍ" گەڤەرەنە چالاکیشا کەرڎەن. یەجەوەکە ئەرەیاۋناش کە جە گەڕەکەو کشڵەی ناوچەو گەڤەرو جۆلەمێرگی جە دژو ترۆمبێلێوە زرێپۆشو پۆلیسی چالاکیشا کەردەن.
یەجەوەکە باسش چانەی کەرڎەن، کە چالاکیەکەشا جە ٣١و ئۆکتۆبەری و بە مەبەسو یاڎکەردەیۆ فەرماندەو ئەیالەتو وانی گەڤەر زەفەری ئەنجامدریان، کە جە ٢٨و ئۆکتۆبەرو ٢٠١٨ینە جە کاتۆنە گەشمەرڎە بیەبۍ.
|
مەراسیمو ١ و تشرینو دووەمی جە کۆبانێ: ئازادی جەسەیی ڕابەر ئاپۆی مسۆگەر مکەرمۍ
جە کۆبانێنە بۆنەو ١ و تشرینو دووەمی، ڕۆو جەهانیی کۆبانێوە مەراسیمێوە ئەنجامدریا، پەیامو " ئازادی جەسەیی ڕابەر ئاپۆی مسۆگەر مکەرمۍ" تەئکیدکریاوە.
جە کۆبانێنە بۆنەو ١ و تشرینو دووەمی، ڕۆو جەهانیی کۆبانێوە مەراسیمێوە ئەنجامدریا، پەیامو " ئازادی جەسەیی ڕابەر ئاپۆی مسۆگەر مکەرمۍ" تەئکیدکریاوە.
جە مېڎانوو گەشمەرڎە عەگیدینە جە کۆبانێ بۆنەو ١ و تشرینو دووەمی، ڕۆو جەهانیی کۆبانێوە مەراسیمێوە ئەنجامدریا، نوێنەراو ئیدارەو ۋێڕاوەبەری بەشدارۍ مەراسیمەکەی بێنۍ، جە مېڎانەکەنە وێنەو ڕابەر ئاپۆی و گەشمەرڎا هۆرواسیا.
هامسەرۆکو مەجلیسو ڕاوەبەری کانتۆنو فوراتی، فەرحان حاج عیسا قسێش کەردۍ و مڎرامانو ئەفسانەیی کۆبانێش پیرۆز کەرڎ.
یاگەگیرو هامسەرۆکایەتی مەجلیسو ڕاوەبەری سەرنیشت و ۋەرکۆتوو سوریای حەمدان ئەلعەبد واتش: "جە سەیەو فیکرو ڕابەر عەبدوڵا ئۆجالانی و بانگەوازەکەیشەنە، کۆبانێ ڕزگارکریا". سەرنجش وست سەرو هرووژمەکا دۆڵەتو تورکی و بێدەنگی هێزە مېیاننەتەوەییەکاش شەرمەزار کەرڎ.
بەنامۍ کۆنگرە ستاریۆ لالەشین عەبدوڵا ئەرەیاۋناش پی مڎرامانیە گرڎو دنیۍ چەمشا وست سەرو کۆبانێ، گرڎ کەسۍ پەی ژیۋایۍ ئازادی ئەرەکۆشۍ و ڕووەشا کەرڎە کۆبانێ، پاسەیچ کۆبانێ ڕزگارکریا.
جە فەرماندەکا یەکینەکاو پارێزنای ژەنۍ (یەپەژە)ی ژیان بەنگیە ئەرەیاۋناش کۆبانێ تەمامو دنیێنە بیەن بە نموونەو مڎرامانی، واتش: "سەرو داواو ڕابەر عەبدوڵا ئۆجالانی فرەو جەنگەوانا جوانۍ ئەنتەرناسیۆنالیستی ڕووەشا کەرڎە کۆبانێ، بەشدارۍ بیۍ چی مڎرامانە شکۆدارەینە و گەشمەرڎۍ بیۍ، ئێمە حەقەو ۋنەو گەشمەرڎاما مکەرمێوە".
ژیانە داواو گۆرەکەردەی مڎرامانیش کەرڎە پەی ئازادی جەسەیی ڕابەر ئاپۆی.
مەڕاسیمەکە بە گۆرانیۍ و هۆرپڕای دمایش پنە ئاما.
|
سیناتۆرو پارتو سەوزو ئوسترالیای، دەیڤید شوبریج، بۆنەو ١ و تشرینو دووەمی، ڕۆو جەهانی کۆبانێوە پەیامێوە نویسیاش وەڵاکەردۆ. پەرلەمانتارەو پارتو سەوزی ئەبیگایل بۆیدە جە پەرلەمانو ویلایەتو وێڵزو پانیشتی تازەی وتارێوەش پێشکەش کەردە.
بە ئەرەکۆشای جەهانی پەشتیوانی گەلوو کوردی بکەردۍ
سیناتۆرو پارتو سەوزو ئوسترالیای، دەیڤید شوبریج جە پەیامەکەشەنە ئەرەیاۋناش سەرکۆتەی گەلوو کوردی ۋەرا ۋەر بە دڕندەیی داعشی جە کۆبانێنە، مایۍ ئیلهام و دڵوەشی گرڎو چێردەسا جەهانی بۍ، واتش: "ئێساڵ گەلوو کوردی ۋەرا ۋەر بە هرووژمەکا دۆڵەتو تورکی پەی سەرو خەڵکی مەدەنی و چێرخان و مېڎانەکا ژیۋای جە ۋەرنیشتەنە ئەرەکۆشا. بۆنەو ڕۆو کۆبانێوە، پەشتیوانی مکەرمۍ جە ئەرەکۆشای گەلوو کوردی پەی دیاریکەردەی چارەنوویس و ۋێش و ئەرەکۆشای ئازادی و دادپەروەری و ئاشتیی جەهانی".
پەنەوازا ئەرەکۆشای پەشتیوانی جە گەلوو کوردی گۆرەتەر بکریۆ
پەرلەمانتارەو پارتو سەوزی ئەبیگایل بۆیدە جە پەرلەمانو ویلایەتو وێڵزو پانیشتی تازەی وتارێوەش پێشکەش کەرڎە. واتش: "یوەمین ڕۆو جەهانیی کۆبانێ جە ١ و تشرینو دووەمو ٢٠١٤ پیرۆز کریا، ملیۆنان کەسۍ جە سەراپاو جەهانیوە مجیێرە مېڎانەکا و سەرکۆتەی کۆبانێشا پیرۆز کەرد کە دەرەنجامو مڎرامانێوە قارەمانانەی بۍ، پینەیچ پەشتیوانیێوە جەهانیشا پەی گەلوو کوردی نیشانەدا. شۆڕشو ۋەرنیشتی، جمېیەرێوە پەشتیوانی و مڎرامان و ئەرەکۆشای هامبەشو جەهانیش وەڵاکەردۆ کە ئارۆ گەلا چێردەسەو جەهانی جە ڕاشۆ پەی ئاشتی و دادپەروەری و ئازادی ئەرەکۆشا. ئەرەکۆشای کوردا پەی ئازادی و ۋێڕاوەبەری و کوردەسانێوە سەربەخۆی بەردواما. ئارۆیچ دۆڵەتو تورکی بەردەوامە جە پاشێلکەردەی مافەکا مرۆڤی. پەی مردنای ئی هرووژما مشۆم ئەرەکۆشای چنی گەلوو کوردی و شۆڕشو ۋەرنیشتی گۆرەتەر بکریۆ".
|
تەرمو گەریلا نورشین بەدریۍ دماو ٣ مانگا هۆرگیریاوە
تەرمو گەریلۍ هەپەگەی نورشین بەدریە (ڕێگەش قەلقەلی)ە کە جە جەنگو ٣١ و تەمموزینە جە ناوچەو ئەلکێی شەرناخینە گەشمەرڎە بیەبۍ، دماو ٣ مانگا ڕادەسو بنەیانەکەیش کریاوە.
تەرمو گەریلۍ هەپەگەی نورشین بەدریە (ڕێگەش قەلقەلی)ە کە جە جەنگو ٣١ و تەمموزینە جە ناوچەو ئەلکێی شەرناخینە گەشمەرڎە بیەبۍ، دماو ٣ مانگا ڕادەسو بنەیانەکەیش کریاوە.
تەرمو گەریلۍ هەپەگەی، بەدرە کە جەنگەنە گەشمەرڎەبی، جە قەبرسانو بێکەسا شەرناخینە ئەسپەردە بە خاکی کریا، دماوبەرکۆتەی ئەنجامو وشکنای (DNA) ڕادەسو بنەیانەکەیش کریاوە.
بنەیانەکەش کە جە وانۆ ئامێبێنۍ پەی شەرناخی تەرمو کناچەکێشا هۆرگێرتۆ بە مەبەسو ئەسپەردەکەردەیش بەرەو وان گێڵناشاوە.
|
سەرۆک شالیارو عێراقی ئیستەنبوڵنە چنی ئەردۆگانی کۆبیۆ
سەرۆک شالیارو عێراقی محەمەد شیاع سودانی ئیستەنبوڵنە چنی سەرۆککۆمارو تورکی ڕەجەب تەیب ئەردۆگانی کۆبیۆ.
سەرۆک شالیارو عێراقی محەمەد شیاع سودانی ئیستەنبوڵنە چنی سەرۆککۆمارو تورکی ڕەجەب تەیب ئەردۆگانی کۆبیۆ.
بەپاو زانیارییەکا، سەرۆک شالیارو عێراقی محەمەد شیاع سودانی سەردای تورکیایش کەردەن و جە ئیستەنبوڵنە چنی سەرۆککۆمارو تورکی ڕەجەب تەیب ئەردۆگانی کۆبیەنۆ.
شالیارو جبەری هاکان فیدانیچ گلێرۆبیەکەینە بەشدار بیەن.
سەرۆککۆمارو تورکی جە پەلیانەو ئێکسینە واتش: " سەرۆککۆمار ڕەجەب تەیب ئەردۆگان جە کۆشکۆو وەحدەدینینە چنی سەرۆک شالیارو عێراقی محەمەد شیاع سودانی کۆبیەنۆ".
وردەکاری زیاتەر دەربارەو گلێرۆبیەکەی نەوزیان ڕووە. جە کاتێنە هرووژمە ئەرەگیریەکۍ دۆڵەتو تورکی جە پانیشتوو کوردەسانینە و ۋەرنیشتەنە زیاتەرۍ بیێنۍ و جەنگو ئیسرائیلی جە غەزە و لوبنانەنە بەردەواما، ئی گلێرۆبیەیە ئەنجامدریا.
|
تەژەکە_ئە بۆنەو ١ و تشرینو دووەمی، ڕۆو جەهانیی کۆبانێوە ئەرەیاۋنێوەش وەڵاکەردۆ، واتش: "جە شۆڕشو ۋەرنیشتینە، بە ڕێزۆ یاڎو گرڎو گەشمەرڎاما مکەرمێوە و قەول مڎەیمۍ شۆڕشو ژەنا ۋەرنیشتی کە ئاڎۍ پېسە میراتی پەیشا جیا ئاستێنمۍ، زیاتەر پارێزنمێش و بیاونمێش بە ئاستێوە بەرزتەر".
جە ئەرەیاۋناکەینە ئامان : "شۆڕشو ۋەرنیشتی کە ١٩ و تەمموزو ٢٠١٢ بە ئەرەکۆشای گۆرەو گەلوو ۋەرنیشتی پێکئاما، فاڕیا پەی ئەرەکۆشایۍ بێ وێنەی کە سەرانسەرو جەهانینە نموونەش نییا و گرڎو مرۆڤایەتیش سەرانسەرو جەهانینە یۆوست، ۋەرا ۋەر بە تاریکی، ڕۆشنای، وە ۋەرا ۋەر بە خراپەی، زەریفیش خوڵقنا".
جەخت مکەرۆوە، دۆڵەتو تورکی کە ئەرەکۊشای گەلوو کوردیش قبووڵ نەکەردەن، داعش و چەتەکۍ سەر بە دۆڵەتو تورکی، پەی دلێنەبەردەی ئی ئەرەکۆشا تاریخیە کۆششا کەرڎ، ماچۆ: "ئەرەکۆشای ژەنا کوردی، تاواش داعشی و دۆڵەتو تورکی کە پەشتیوانی داعشی کەرۍ، شکس پنە بارۆ. گەلوو کوردی پا سەرهۆردایاشە کە گرڎو کوردەسانینە دەسش پنە کەردەن، جە کەسایەتی کۆبانێنە، ئەرەکۆشایش بە گرڎو جەهانی نیشانەدا".
ئاماژە پانەی مکەرۆ، ئیساتێچ دۆڵەتو تورکی جە کۆبانێنە یاگۍ مەدەنیۍ و سرووشتی بۆمبۋاران مکەرۆ، زاوڵۍ و ژەنی و پیرۍ کوشۆ، ماچۆ: "پېسە تەژەکە_ئەی قەول مڎەیمۍ دژو ئی هرووژما گرڎ ڕوۍ جە مېڎانەکانە بیمۍ و ئەرەکۊشای ئازادی گۆرەتەر بکەرمۍ.
تەئکیدش مکەرمێوە شۆڕشو ژەنا کە بە ڕەنج و قوربانیدایۍ گۆرۆ بەدەسئامان، بیاونمۍ بە ئاستێوە بەرزتەر و ١ و تشرینو دووەمی ڕۆو جەهانیی کۆبانێ پیرۆز مکەرمۍ".
|
رۆو جەهانی کۆبانێ مبارەک کریا، هرووژمە ئەرەگیریەکۍ شەرمەزارۍ کریۍ
جە ئەرەیاۋناو پارت و ئەرەمەرزیاکانە ڕۆو جەهانی کۆبانێ پێرۆز کریا و جەخت چانەی کریاوە کە خاوەنداری جە دەسکۆت و مڎرامانی مکەرا. هرووژمە ئەرەگیریەکۍ دۆڵەتو تورکیچ شەرمەزاکریۍ.
جە ئەرەیاۋناو پارت و ئەرەمەرزیاکانە ڕۆو جەهانی کۆبانێ پێرۆز کریا و جەخت چانەی کریاوە کە خاوەنداری جە دەسکۆت و مڎرامانی مکەرا. هرووژمە ئەرەگیریەکۍ دۆڵەتو تورکیچ شەرمەزاکریۍ.
ڕێکوستەی، پارت، ئەرەمەرزیاکۍ بە ئەرەیاۋنێوە ڕۆو جەهانی کۆبانێشا پیرۆز کەرد.
فەرماندەیی گرڎی یەکینەکاو پارێزنای گەلی (یەپەگە) بۆنەو ١و تشرینو دووەمی ڕۆو جەهانی کۆبانێوە ئەرەیاۋنێوەش وەڵا کەرڎۆ و سەرەڕاو یاڎکەردەیۆ ئا ڕوەیە و جەختش سەرو پارێزنای بەهاکاو مڎرامانو کۆبانێ کەردۆ و ئامان: "مڎرامانوو کۆبانێ جە جەنگو دژ بە داعشینە ماناڎارتەر بۍ؛ هێمێوە قوڵو ئەرەکۊشای مرۆڤایەتی بێ جە ۋەرا ۋەرو تاریکینە. یاگۍ بێ هیوایینە، هیواش هۆرچنی و بەها بنەڕەتییەکۍ ئازادی، یەکسانی و ژیۋای هامبەشیش پارێزنا." ئاماژە پانەیچ کریان کە تا دما نەفەس جە دژو ئامانجو ئەرەگیرا کە جە بەین بەردەی ئیدارەو ۋێڕاوەبەری دیموکراتیکیا درێژە بە ئەرەکۆشایما مڎەیمۍ.
جە بەردەوامی ئەرەیاۋناکەینە ئاماژە بە مەترسی ئەوەمەننەکا داعشی مکەرۆ و ئامان: "هەرچڼە داعش مەڕیان، بەڵام جە ڕوو ئایدۆلۆژییوە هەڵای مەترسیێوە فرەش هەن. هێزە هەرێمییەکۍ پېسە دۆڵەتو تورکی ئەرەگیری، بەشێوێوە پەنهان پەشتگیری داعشی و گرووپە تنڕەوەکا مکەرا، بە ئامانجو جە بەینبەردەی شۆڕشی و مۆدێلو ۋێڕاوەبەری دیموکراتیکی."
هەر جە ئەرەیاۋناکەینە قەولو بەردەوامیدای بە ئەرەکۆشای دریان و ئامان: "ڕۆو جەهانی کۆبانێ جە گەلەکەیما، گرڎو گەلا ناوچەکەی و گەلا ئازادیوازی پیرۆز مکەرمۍ."
دەم پارتی: ڕۆشنایی مڎرامانوو کۆبانێ حەجگیز نمەکوشیۆوە
دەسەو ڕاوەبەری مېیانو دەم پارتی بە نامونیشانو "هەڵای مڎرامانو کۆبانێ سەرچەمەو هیواو ئەرەکۆشای گەلان" ئەرەیاۋنێوە نویسیاش وەڵاکەردۆ و چنەشەنە ڕۆو جەهانی کۆبانێ مبارەک کریان و ئاماژە پانەی دریان کە مڎرامانوو کۆبانێ پېسە ئەرەکۆشای مرۆڤایەتی جە دژو ستەمی و تاریکی جە تاریخەنە نویسیانۆ.
دەم پارتی ئاماژەش پانەیچدان کە بەها و دەسکۆتەکا داستانو کۆبانێ هەڵای ئینۍ چێرو هەڕەشانە، وە هرووژمەکۍ دۆڵەتو تورکی شەرمەزارۍ کریێنۍ. جە بەردەوامینە ئامان کە ئا ڕۆشناییەی بە مڎرامانو کۆبانێ خوڵقیان حەجگیز نمەکوشیۆوە.
مەسەدە: کۆبانێ نموونەو یۆبیەی و هامکاری کۆمەڵایەتییا
ئەنجوومەنو سوریای دیموکراتیکی جە ڕۆو پەشتیوانی جە مڎرامانوو کۆبانێنە ئەرەیاۋنێوەش وەڵا کەرڎۆ.
جە بەیاننامەکەنە باس چانەی کریان کە مڎرامانو کۆبانێ بیەن بە نموونێوە جەهانیی ئەرەکۆشای دژو هێزە تاریک پەرەسەکا، هەرپاسە بیەن بە هێماو ئیراڎەو مرۆڤایەتی جە دژو زۆرداری و تیرۆری.
هەرپاسە مەسەدە جە بەیاننامەکەشەنە ئەرەیاۋنانش؛ پەشتیوانی جەهانی پەی مڎرامانوو کۆبانێ نیشانۍ چارەنوویسو مرۆڤایەتییا جە دژو تنڕەوی و ئامان؛ "ئا ۋنۍ سەرو خاکو کۆبانێنە مجیا، قارەمانە جوانا و ژەنا گرڎو پێکئامایەکا سوریای، یۆبیەی گەلەکەیماش بەرهەم ئارڎ و نیشانەشدا کە گلێرگەو سوریای یۆگێرتەن و قەڵغانێوە قەوەتا جە ۋەرا ۋەرو هەوڵە ئەرەگیری و پارچە پارچە کەردەیەکا وڵاتەکەیمانە."
جە بەیاننامەکەنە ئاماژە پەی ئانەیچ کریان کە هەرێمەکۍ سەرنیشتوو ۋەرکۆتوو سوریای جە لایەنو دۆڵەتو ئەرەگیرو تورکیوە هرووژم مکریۆ سەرش و ئەرەیاۋېیان ئی هرووژمۍ پەی شکسپنەئاردەی پرۆژەو ئیدارەو ۋێڕاوەبەری ئەنجام مڎریا، ئی هرووژمە دژو سەقامگیری و ئارامی گرڎو ناوچەکەی و ئاینڎەو دیموکراسی و دادپەروەری هەرێمەکەی وزۆ مەترسیۆ."
مەسەدە ۋەرا ۋەر بە پاشێلکارییەکا دۆڵەتو تورکی بانگەوازش ئاراسەو گلێرگەی مېیاننەتەوەیی کەرڎ و داواو کاروەدای جددییش کەرد دژ بە هرووژمەکا دۆڵەتو تورکی.
جە دما دمایی بەیاننامەکەینە ئامان کە مەسەدە بەردەوام بۆ جە پەرەپنەدای ئەزموونو ۋێڕاوەبەری پەی پارێزنای مافو گرڎو قەوم و نەتەوەکا تەری، هەرپاسە ئەزموونو کۆبانێ مکەرۆ بە نموونە پەی یۆبیەی و هامکاری کۆمەڵایەتی.
|
بنەیانەکۍ پەی ئەنجامداو دیڎاری داواکاری تازەشا پێشکەش کەرڎ
پارێزنەر و بنەیانەو ڕابەرو گەلوو کورڎی عەبدوڵا ئۆجالانی پەی ئەنجامدای دیڎاری، سەردای داواکارو گرڎیی کۆماری بورسای و ڕاوەبەرایەتی زیڼانو ئیمراڵیشا کەرڎ.
پارێزنەر و بنەیانەو ڕابەرو گەلوو کورڎی عەبدوڵا ئۆجالانی پەی ئەنجامدای دیڎاری، سەردای داواکارو گرڎیی کۆماری بورسای و ڕاوەبەرایەتی زیڼانو ئیمراڵیشا کەرڎ.
براو رابەرو گەلوو کوردی عەبدوڵا ئۆجالانی محەمەد ئۆجالان و پارێزنەرەکەش مەزڵوم دینچ بە داواکاری ئەنجامدای دیڎاری چنی ڕابەرو گەلوو کوردی عەبدوڵا ئۆجالانی سەردای داواکاری گرڎیی کۆماری بورسای و ڕاوەبەرایەتی زیڼانو ئیمراڵیشا کەرڎ.
هەرپاسە ئەمینە کۆنارە واڵۍ عومەر خەیری کۆناری، پۆڵاد یەڵدرم براو حامیلی یەڵدرمی و مەلیحە چەتینە واڵۍ وەیسی ئاکتاشیچ بە هەمان داواکاریۆ سەردای ئا دووە ئەرەمەرزیایاشا کەرڎ.
*ڕابەرو گەلوو کوردی ماوەو ٢٥ ساڵان بە پیلانگێڵنیۍ مېیاننەتەوەیی گیریان و جە زیڼانو دوورگەو ئیمراڵینە وزیان دلۍ گۆشەگیریۆ.
داواکارییەکۍ پەی ئەنجامدای دیڎاری بەشێوەی هەڕەمەکی ڕەڎۍ کریاوە، یاخود بێ جواب مەناوە، یان دماو چن مانگۍ ئەرەیاۋیۆ کە سزاو دیسپلینی هەڕەمەکی و نایاسایی بڕیانۆ. مەڵامەتو سەپنای ئا سزا دیسپلینایچ نەزانیان.
جە ڕاو ئا قەراریۆ جە ماوەو ٨ ساڵی ۋییەردەینە لاو کەمیۆ ١٣ جارۍ و هەر جارەی پەی ماوەو شش مانگا سزاو قەڎەغەکەردەی دیڎارو ڕابەر ئاپۆی چنی پارێزنەراش سەپیان.
دمایین دیڎارو ڕابەر ئاپۆی و بنەیانەکەیش جە ٣ۍ ئادارو ٢٠٢٠ ئەنجامدریا. هەرپاسە دمایین پەیوەندی تەلەفونیش چنی بنەیانەکەیش جە ٢٥و ئادارو ٢٠٢١ینە بۍ.
ڕابەر ئاپۆ دماو ۋییەرنای ٤ ساڵا سەرو گۆشەگیری ڕەهایرە، جە ٢٣ۍ ئۆکتۆبەرو ٢٠٢٤ینە چەمش بە عومەر ئۆجەلانی برازایش کۆت. جە دیڎارەکەنە ڕابەر ئاپۆ ئەرەیاۋنابێش، کە هەڵای گۆشەگیری بەردەواما.
|
پەیامو یەکڕیزی و مڎرامانی جە گەلا سەرنیشت و ۋەرکۆتوو سوریایۆ
ئەرەنیشتۍ سەرنیشت و ۋەرکۆتوو سوریای دژو هرووژمە ئەرەگیریەکا دۆڵەتو تورکی پەیامو یەکڕیزی و مڎرامانیشا ئەرەیاۋنا.
ئەرەنیشتۍ سەرنیشت و ۋەرکۆتوو سوریای دژو هرووژمە ئەرەگیریەکا دۆڵەتو تورکی پەیامو یەکڕیزی و مڎرامانیشا ئەرەیاۋنا.
سوپاو ئەرەگیرو تورکی و چەتەکێش جە ٢٣ۍ تشرینو یوەمیۆ هرووژمو ئەرەگیریەکێشا پەی سەرو هەرێمەکاو سەرنیشت و ۋەرکۆتوو سوریای دەسپنە کەرڎێنۍ. بە کاولکەردەی چێرخانی و کەرتە خزمەتگوزارییەکا و بە ئامانج گێرتەی ناوەندە مەدەنییەکا، ئامانجش دلێنەبەردەی سەروەری و سەقامگیری هەرێمەکەین کە بیەن بە جوگرافیاو پێوەرە ژیۋای و سەقامگیری پەی گەلاو هەرێمەکەی. چا بارۆ ئەرەنیشتۍ هەرێمەکەی پەی ئاژانسوو فوراتی قسێشا کەرڎۍ و جەختشا چانەی کەرڎۆ کە سەرەڕاو گرڎو هرووژمەکا گەل بەردەوام بۆنە جە مڎرامانی و ۋێڕاگری.
'ئامانج پڕۆژەو نەتەوەی دیموکراتیکین'
عوبێد عەتێیە هاموڵاتیێوە هەرێمەکەین و ئاماژەش پانەی دا کە ئی هرووژمۍ دۆڵەتو تورکی تازۍ نیەنۍ، ئامانج چنەشا قڕکەردەی و ئاوارەکەردەی گەلاو هەرێمەکەین، بەتایبەت سەرو گەلوو کوردی و واتش: "هەرێمەکە جە سوریانە تاکە جوگرافیێوەن کە جە ڕاو پڕۆژەو نەتەوەی دیموکراتیکیوە گرڎو گەلی پێوەرە مژیۋا، پۊکەی ئی هرووژمۍ پەی دلێنەبەردەی ئا پڕۆژەینۍ." عوبێد یاڎش ئارڎۆ کە گەلاو هەرێمەکەی بە ۋنەو گەشمەرڎا یاۋێنۍ پی ژیۋای و سەردەمیە پۊکەی گەل بە مڎرامان و یەکڕیزی ئامانجو ئی هرووژما هاڵی مکەراوە و سەرکۆتەی پەی گەلین.
'شکس بەشو دۆڵەتو تورکین'
ئیحسا قەسابییانەی ئەرمەنیە ئەرەنیشتۍ هەرێمەکەی دەسنیشانش کەرڎ کە دۆڵەتو تورکی پی هرووژما جارێوەتەر ئاستو ستەماکاری ۋێش بەروستۆ، کە نیشانۍ بێهێزی و بێچارەیشا ۋەرا ۋەر بە گەلی و واتش: "دۆڵەتو تورکی شکسو ۋێش قبوڵنمەکەرۆ، بەڵام بە ۋێڕاگری و ئەرەکۆشای گەلی توشو شکسی بیەن. هەرچڼە ئی هرووژمۍ بەردەوامۍ با گرڎو پێكئامایەکا هەرێمەکەی دژش مرداوە و شکس پەی دۆڵەتو تورکین."
'ژەنی بە مڎرامان جوابو هرووژمەکا مڎاوە'
فاتمە قاسم-ە هاموڵاتیەو هەرێمەکەی بە ئاماژەدای بە هرووژمەکا دۆڵەتو تورکی ئەرەیاۋناش مەرامو هرووژمەکا جە بەینبەردەی ژیۋای هەرێمەکەین و وەڵاکەردەیۆ تەرسی و کۆچبەرین و واتش: "گرڎو گەلا هەرێمەکەی پێوەرە پەی بنیاڎنیای وڵاتەکەیما کارمکەرمۍ و ژەنیچ سەرمەشقی ئی مڎرامانەیە مکەرا. پېسە چنی ڕابەر ئاپۆ ڕاو ئازادیش بە ژەنا نیشانەدا، پۊکەی گرڎ کاتۍ ژەنی ئامانجۍ دۆڵەتو تورکینۍ و دژو ژەنان و گەرەکشا ئیراڎەو ژەنا ماڕۆنە. بەڵام ژەنۍ ۋەرنیشتوو کوردەسانی جە گرڎ مێڎانێنە سەرمەشقی ئەرەکۆشای مکەرا و بە مڎرامانیشا جوابو هرووژمەکا مڎاوە."
|
ژەنە جەنگاوەرەکۍ وان و گەڤەرەنە ناوەندەکۍ ئەرەگیریشا کەردۍ ئامانجو چالاکییەکاشا
ژەنە جەنگاوارا ئێری و ڕۆژێ ئەرەیاۋناشا، بە تەقەمەنی دەسکرد بارەگاو پۆلیسو وانی و بنکەو پۆلیسو ئەسەن تەپەو گەڤەریشا کەردەن مەرامو چالاکییەکاشا.
ژەنە جەنگاوارا ئێری و ڕۆژێ ئەرەیاۋناشا، بە تەقەمەنی دەسکرد بارەگاو پۆلیسو وانی و بنکەو پۆلیسو ئەسەن تەپەو گەڤەریشا کەردەن مەرامو چالاکییەکاشا.
ژەنە جەنگاوارا ئێری و ڕۆژێ ئەرەیاۋناشا، ناوەندێوە پۆلیسو تورکیایشا جە وانەنە و بارەگێوە پۆلیس-یشا جە گەڕەکەو ئەسەن تەپەی جە ناوچەو گەڤەرو جۆلەمێرگینە بە تەقەمەنی دەسکرد کەردێنۍ ئامانج.
جە ئەرەیاۋناکەینە سەبارەت بە چالاکییەکا پی جۆرە ئامان:
" شارو وانینە، ناوەندێوە پۆلیسی کە وەڵتەر جە لایەنو یەکینەکاماوە شۆنیرە لوایش پەی کریابۍ، بەرکۆت کە ئی یاگۍ ناوەندێوە پۆلیسی تایبەتا و بە ڕاوجای ئەمنی پاسەوانی مکریۆ. پۊکەی سەرەنجام جە لایەنو یەکینەکاماوە جە ١٧و ئۆکتۆبەری سەعات ٢٣.٠٠ بە تەقەمەنی دەسکرد دژو ناوەندو دژمنی چالاکی لواڕاوە.
دماو چالاکییەکەی، دژمن دەمودەس یاوا یاگۍ ڕووەداکەی و ناوچەکەشا وست چێرو تەوقۍ قورسێوە. سەرەڕاو ئانەیچ یەکینەکێما بە تاکتیکی تازە و سەرکۆتانە جە ئۆپەراسیۆنی دووەمەنە بە تەقەمەنی و گەمە ئایرینە دەسکردەکا گەشتەکۍ دژمنیشا کەردۍ ئامانج و بە سلامەتی یاوێوە یاگۍ ۋێشا.
هەرپاسە سەبارەت بە چالاکییەکاو شارو گەڤەری، ئەرەیاۋییان: "شەوەو ١٩و تشرینو یووەمی، جە گەڕەکەو ئەسەن تەپەو گەڤەری، یەکینەکێما جە دووۍ لێوە بە تەقەمەنی دەسکرد جە دژو بنکەو پۆلیسو تورکی ئەرەگیری چالاکیێشا کەرڎ. جە ئاکامەنە مۆلیدەو دلۍ بنکەکەی زەرەرۍ فرەش وەرکۆت.
پۆلیسە ئەرەگیرەکۍ کە نەیارێنۍ جە بارەگاکەشانە بەیا جبەر، جە ڕاو مکابەرەو زرێپۆشەکاشاوە هەڕەشێ جە گەلوو گەڕەکەکۍ کەرێنۍ.
هەرپاسە جە منارەو مزگی گەڕەکەو جمهوریەتیوە قسەکۍ ڕابەر ئاپۆی پەی جوانا و ژەنا وەڵا کریێوە. گەلەکەما جە دەلاقە(پەنجەرە) و باڵکۆنەکاوە بە بەرزکەردەیۆ پەنجۍ سەرکۆتەی پەشتگیریشا جە چالاکییەکەیما کەرد.
هەرپاسە جە دوۍ خاڵۍ مېیانو بازاڕینە ئامێرۍ دەنگیۍ نریێرە و نزیک بە دووۍ سەعاتا قسەکۍ ڕابەر ئاپۆی پەی جوانا و گەلوو ناوچەکەی وەڵۍ کریێوە. جوانۍ گەڤەری جە مېیانو بازاڕینە بە دروشمەو 'بژیۋۆ ڕابەر ئاپۆ' پاڵپەشتیشا جە چالاکییەکەیما کەرد.
|
ئەرەنیشتۍ ئامەدی: نامونیشانو ئاشتی و چارەسەری ڕابەر ئاپۆن
ئەرەنیشتۍ ئامەدی پەی ئاشتیێوە هەمیشەیی ئاماژەشا بە ڕابەر ئاپۆی کەرد و داواشا جە حکومەتو ئاکەپە-مەهەپەی کەرد چا بارۆ هەنگامەی جدییە بنیۆ.
ئەرەنیشتۍ ئامەدی پەی ئاشتیێوە هەمیشەیی ئاماژەشا بە ڕابەر ئاپۆی کەرد و داواشا جە حکومەتو ئاکەپە-مەهەپەی کەرد چا بارۆ هەنگامەی جدییە بنیۆ.
ئەرەنیشتۍ ئامەدی بە وردی شۆنیرە لوای پەی گفتوگۆکا ئی دماییەو چارەسەری مکەرا و جە هەمان کاتەنە بە گومانۆ مامەڵە چنی ئی مژاریە مکەرا. هاموڵاتیا ماچا ئا هەنگامۍ کە پەی چارەسەری و ئاشتی گیریانە ۋەر مشۆم هەمیشەیی و یاگۍ قەناعەتو گرڎ کەسۍ با.
ئێمە هامشێوەو ڕابەرو ۋێما تەنیا ئاشتیما گەرەکا
ساڵح تۆرهان یۆن جە ئەرەنیشتا شارەکەی و ماچۆ: "دۆڵەتو تورکی بەرەو دما ملۆ. جە کاتو پڕۆسەو گفتوگۆینە چنی ڕابەر ئاپۆی گفتوگۆنە بێنۍ، دماتەر ڕێککەوتەی دۆلمەباخچەیشا هۆرشێوناوە. جە ساڵۆو ٢٠١٤یۆ 'پلانەو دلێنەبەردە'یشا وستە بوارو جابەجێکەردەیۆ و چا کاتۆ جەنگێوە جددی بەردەواما. جە کاتو پڕۆسەو گفتوگۆینە ئاژەو ئابووری تورکیای فرە خاس بۍ و حکومەتو ئاکەپەی ڕێژێوە فرە دەنگێش بەدەسئاوردۍ. بەڵام ئاژەکە ئیساتۍ پاسە نییا و گرڎ چێوۍ پەی دمای گێڵانۆ. پۊکەی حکومەت ناچار بی داواو ئاشتی بکەرۆ. ئی گەلە چا بارۆ ئەزموونش هەن، ڕەگەزپەرسێوە هۆرمێزۆ و پێشنیارێوە مکەرۆ. ئا کەسەی تا هێزی گەرەکش بۍ ڕابەرەکەیما جە قەنارە بڎۆ، ئەمڕۆ چێوۍ جیاواز ماچۆ. ئیتر کەس نمەتاوۆ گەلوو کوردی هۆرخەڵەتنۆ. ئێمە تەنیا داواو چارەسەری دیموکراتیکی مکەرمۍ. نامونیشانو ئی چارەسەریەیچە ڕابەر ئاپۆن. ئێمەیچ پېسە ڕابەرەکەیما تەنیا ئاشتیما گەرەکا.
ئەگەر دەسەڵاتدارۍ ڕاسواچانە ئامێنۍ وەڵۍ، پەنەوازا هەنگامەی جددیە بنیا
هەرپاسە جەلیل جەبەلی ماچۆ: "ئێمە تەنیا داواو ئاشتی مکەرمۍ. قسەکۍ دەوڵەت باخچەلی جە مەجلیسەنە متمانەما پنە مەبەخشۆ. قسەکۍ دەوڵەت باخچەلی جگە جە هۆرخەڵەتنای گەلوو کوردی هیچی تەر نییا. ئەگەر پەی فریودای کوردی نەبۆ، کەواتە چی عەیامێوەن ڕابەرو گەلوو کوردی بەڕێز ئۆجالان گۆشەگیر کریان؟ ئانەی ئاڎۍ گەرەکشانە درێژەداین بە سیاسەتو جەنگی تایبەتی. ئەگەر قسەکاشانە ڕاسواچێنۍ، ڕابەر ئاپۆی ئازاد بکەرا. تا ئیساتێچ حکومەتو تورکیای هەوڵو فریودای کوردی مڎۆ. ئینە تەنیا ئامانجو ئاڎیشان. هیچ کام جە قسەکاو ئەردۆغانی و باخچەلی ڕەگەزپەرسی پەی ئێمە یاگۍ متمانەی نییەنۍ. ئەگەر بەڕاسی چارەسەریشا گەرەکا، مشۆم هەنگامەی جددیە بنیا.
ئێمە گەرەکما نیا کەس مرۆنە
تورکان ئەرەنە یووەتەرەنە جە هاموڵاتیاو شارەکەی و ماچۆ: "ئێمە ئیساتۍ تەنیا چارەسەریما گەرەکا. جە گرڎی زیاتەر ژەنی داوای ئاشتی مکەرا. ئێمە جەنگەرانۍ نیەنمۍ. ئیتر گەرەکما نیا گەنجەکێما مرا. هەرپاسە گەرەکما نیا هیچ کەسۍ مرۆ.
هەوڵو هۆرخەڵەتنای کوردی مڎا
ئیلهام موتلوش ماچۆ: "من پېسە کوردێوە باوەڕم بە حکومەتو ئاکەپە-مەهەپەی نییا. ئاڎۍ فرە عال مزانا کە بەرەو کۆتایی ملا، پۊکەی هەوڵو هۆرخەڵەتنای کوردا مڎا. چیولای کەس نمەتاوۆ کوردی هۆرخەڵەتنۆ. ئێمە ئاشتیما گەرەکا. جە ئاشتی جوانتەرهەن؟ پەنەوازا پەیامو ڕابەر ئاپۆی جابەجێ بکەرا. ئیتر متمانەما پنەشا نەمەنەن. جەحەقەتینەنە ئەگەر خاوەنو قسۍ ۋێشانۍ، پەنەوازا گۆشەگیری هۆرگێرا و زینانییە نەوەشەکاما ئازاڎ بکەرا.
|
سوپاو تورکی ئەرەگیری پانیشتوو کوردەسانینە پەی ئەرەگیری و تاڵانکاری جارێوەتەر هرووژمش کەردەن سەرو مېڎانوو مەدەنییەکا. دیمەنەکۍ دەگاو دەرگەلێ نیشانەش مڎا کە یانە و زەمینەکۍ دەگا نشینەکا بە چ جۆرۍ تاڵان مکریا.
سوپاو تورکی ئەرەگیری جە ٢٣ۍ نیسانو ٢٠٢١یوە بە مەرامو ئەرەگیری هرووژم مکەرۆ سەرو هەرێمو مەتینای. ئی ئۆپراسیۆنە ئەرەگیریۍ جە سەرنیشتوو کوردەسانی جە ١٦و حوزەیرانو ئێساڵیوە ۋەرفراوانتەرۍ بیێنۍ و پڕێنێوە پەی خاکو پانیشتوو کوردەسانی. بەتایبەت مەتینا، گۆلکا، شێلازۍ، دەرگەلێ، بازێ بیێنۍ بە ئامانجو ئەرەگیرکەردەی. هەر جە ئەوەڵ ڕۆو ئۆپراسیۆنەکەیۆ بە چڕی هرووژم مکریۆ سەرو یاگۍ ئەرەنیشتەبیەی و بە تاڵانکەردەی سەرچەماکاو ژیۋای، دەگا نشینەکۍ ناچار بە کۆچبەری مکریا.
سەرچەمە دلێینەییەکۍ ئەرەیاۋناشا هرووژمێوە قورس کریان سەرو یانەو مەنزڵو دەگانشینەکا دەرگەلێ.
سوپاو تورکی و پەدەکە هەوڵ مڎا دەگاکۍ بە دەگا نشینا چۆڵبکەرا، بەڵام خەڵکو دەگایەکا هەرجۆرە دەرفەتێوەشا پەی ڕەخسیۆنە گێڵاوە پەی سەرو یانەو مەنزڵو ۋێشا. ئاشکرا بی کە سوپاو تورکی بە فڕۆکەی جەنگی هرووژمش کەردەن سەرو یانە و مەنزڵو دەگا نشینەکا و دماتەر تاڵانێشا کەردێنۍ و کەلوپەل و پەنەوازیەکۍ دەگانشینەکاشا دزیێنۍ. ئینە فرە بە ڕۆشنی جە دیمەنەکانە بەرگنۆ.
پەدەکە هامبەشا جە تاڵانکارییەکانە
دەگا نشینەکۍ ئاماژەشا پانەی دا کە دۆڵەتو تورکی جە ڕاو پەدەکەیۆ داواشا ۋنەکەردێنۍ کە دەگاکاشا چۆڵۍ بکەرا. بەڵام کاتێ دەگا نشینەکۍ گێڵاوە پەی دەگاکاشا موینا هیچ چێوۍ پېسە ۋێش نەمەنەن و تاڵان کریان. پۊکەی پەدەکەیچ چی تاڵانییە بە ۋەرپەرس موینا.
یاگۍ ئاماژەینە، وەڵتەر جە دەگاو دەرگەلێنە چڼین کەسۍ بیێنۍ بە پێشمەرگۍ و جە هەرێمەکەنە جەنگشا کەردەن. بەڵام ئارۆنە بەمەڵامەتوو داردەسەیی و خیانەتو پەدەکەیۆ خاک و خەڵک، ۋنی و ڕەنجو سەڎان وڵاتپارێزنا تاڵان کریان و ورەشیان.
|
بانگەوازو کۆن-مەدی پەی چالاکی ١٦و تشرینو دووەمی
هامسەرۆکاو کۆن-مەدی پەی چالاکی ١٦و تشرینو دووەمی کە شارو کۆڵنو ئەڵمانیاینە پەی ئازادی رابەر ئاپۆی ئەنجام مڎریۆ داواو بەشداریۍ قەوەتیشا کەرڎ.
هامسەرۆکاو کۆن-مەدی پەی چالاکی ١٦و تشرینو دووەمی کە شارو کۆڵنو ئەڵمانیاینە پەی ئازادی رابەر ئاپۆی ئەنجام مڎریۆ داواو بەشداریۍ قەوەتیشا کەرڎ.
پەی ڕاپیمای و گلێرۆبیەی ١٦و تشرینو دووەمی کە شارو کۆڵنو ئەڵمانیاینە جە چوارچێوەو هەڵمەتەو ئازادیینە پەی ئازادی رابەر ئاپۆی ئەنجام مڎریۆ داواشا جە ئازادیوازا کەرڎ بەشداریۍ فراوان جە چالاکیەکانە بکەرا.
چا بارۆ هامسەرۆکاو کۆنفیدراسیۆنو گلێرگەو کوردەسانیا جە ئەڵمانیا (کۆن-مەد) ڕوکەن ئاکچایە و کەریم گۆک بە ئەرەیاۋنێوە بانگەوازشا پەی بەشداربیەی کەرڎ و ئاماژەشا بە گۆشەگیری ئیمراڵی و قەرارەکا دادگاو مافەکاو مرۆڤو ئۆروپای کەرڎ.
١٦و تشرینو دووەمینە کۆڵنەنە گلێرۍ بیدێوە!
جە ئەرەیاۋناکەنە ئاماژە پانەی کریان کە ڕابەر ئاپۆ جە ۋەرا ۋەرو ستەمینە سەرو گەلوو کوردی نوێنەرایەتی ئەرەکۆشای ئازادی گەلوو کوردی مکەرۆ، پۊکەی پەنەوازا جە پڕۆسەو چارەسەری ئاشتینە بە موخاتەب هۆرگیریۆ.
جە دماینە هامسەرۆکا پەی ڕاپیمای و گلێرۆبیەو ١٦و تشرینو دووەمی جە کۆڵنەنە بانگەوازو بەشداریشا جە گرڎ کەسێ کەردەن و ئامان: "ئەرەکۆشایما پەی ئازادی عەبدوڵا ئۆجالانی بەردەوام مکەرمۍ. هەرپۆکەی داوا جە گرڎ کەسێ مکەرمۍ کە لایەنگرو دیموکراسی، مافەکاو مرۆڤی و چارەسەری سیاسی و ئاشتییانەو پرسو کوردین جە ١٦و تشرینو دووەمو ٢٠٢٤ینە جە دیوتزەر وێرفت و شارو کۆڵنینە بەشداری ڕاپیمای و گلێرۆبیەی گۆرەی بکەرا."
|
مەحموود مەشهەدانی بی بە سەرۆكو پەرلەمانو عێراقی
جە گەڕو دووەمو دەنگداینە پەی دیارییكەردەی سەرۆكو ئەنجوومەنو نوێنەرا عێراقی، مەحموود مەشهەدانی بە بەدەسئاوردەی ١٨٢ دەنگا بی بە سەرۆكو پەرلەمانی.
جە گەڕو دووەمو دەنگداینە پەی دیارییكەردەی سەرۆكو ئەنجوومەنو نوێنەرا عێراقی، مەحموود مەشهەدانی بە بەدەسئاوردەی ١٨٢ دەنگا بی بە سەرۆكو پەرلەمانی.
جە گەڕو دووەمو دەنگداینە پەی سەرۆکایەتی پەرلەمانو عێراقی کە ٢٦٩ پەرلەمانتارۍ ئاماڎۍ ئەرەنیشتەی بێنۍ، مەحموود مەشهەدانی، کاندیدو هامپەیمانی عەزمی، کە جە لایەنو فرەینەو سوونەکا، چوارچێوەو هەماهەنگییوە پەشتیوانیش ۋنەکریۍ بە بەدەسئاوردەی ١٨٢ دەنگا بی بە سەرۆکو پەرلەمانی.
هەرپاسە سالم عیساوی ٤٢ دەنگێش بەدەسئاوردۍ و ٣٩ دەنگۍ پووچەڵێچ بێنۍ.
جە گەڕو یوەمینە کە جە کۆو ٣٢٩ پەرلەمانتارا، ٢٧١پەرڵەمانتارۍ ئاماڎۍ دەنگداکەی بێنۍ، مەشهەدانی ١٥٣ دەنگۍ و عیساویچ ٩٥ دەنگێش بەدەسئاردێبێنۍ، هەرپاسە هەریۆ جە تەڵال زەوبەعی سفر دەنگۍ و عامر عەبدولجەبار نۆ دەنگێش بەدەسئاردۍ و ١٤ دەنگۍ پووچێچ بێنۍ.
١٤و تشرینو دووەمو ٢٠٢٣، دادگاو فیدراڵی عێراقی، قەرارو دمایئاردەیش بە ئەندامیەتی هەر یۆ جە محەمەد حەلبووسی و لەیس دلێمی جە پەرلەمانو عێراقینە ئارڎ و پینەیچ ڕاسەوخۆ حەلبووسی جە پۆستو سەرۆكو پەرلەمانو عێراقی دووروزیاوە، دماو ئاڎیچی، موحسین مەندەلاوی بەشێوۍ کاتی سەرۆكایەتی پەرلەمانو عێراقیش کەرڎ.
|
End of preview. Expand
in Data Studio
README.md exists but content is empty.
- Downloads last month
- 5